هدف

الواحد يعمل ايه ف الزهق وفقد الشغف ف الحياة ..لغبطة النوم ..خلصنا دراسة واتفوقنا وعملنا ماجستير و اشتغلنا و استقالنا ةمش لاقيين هدف ومازلنا في العشرينات في اواخرها طب ايه الحل ..وازاي نرجع للجيم و نظبط يومنا ..سبحان مغير الاحوال من سنة مكنتش متوقع بجد اني اكتب كده

سلام عليكم، اخوتي جيت اليوم احكي عن مشكلتي بالدراسة كنت تلميذ مجتهد وكل علاماتي جيدة حتى العام الماضي صرت اتعب كثير من الدراسة وما استطيع ادرس ولا اركز دائما مشتت وما عندي هدف رغم انها اهم مرحلة في مسيرتي الدراسية الا انو ما عرفت المشكلة وماني احاول حتى حد يساعدني؟

انا عمرى ٣٢ سنة وبدور على الله ومش لاقيه كتير صليت ومش لاقيه كتير صومت ومش لاقيه. بالعكس أنا كل ما بيعدى يوم ببقى اوحش من اليوم اللى قبله وبحس انى عايش بدون هدف ولا لازمه انا مش متزوج وحاسس أنها حياه تناسليه مش اكتر انا نفسى اموت وأشوف ما بعد الحياة اللى عايشينها تقريبا مش هلاقى حاجة ولو لقيت هلاقى ربنا اللى بصليله واصوم علشان ابقى كويس فى الارض وانا مش لاقى. نفسى اموت

اناا انسانة بلا شعور الموضوع دة غريب ويخنق ومهما حاولت اشرح بردو بلاقى ان محدش فاهم انا مش بحب حد وبردو مش بكره حد عمرى ما اتعلقت بحد ولا حسيت ان وجود حد فى حياتى مهم مهما كان قريب عمرى ما حسيت انى خايفة على حد او انى مثلا لو حد من اهلى تعب اخاف عليه ايوة بزعل عليه بس اللى هو زى اى حد الموضوع بيقف عندى عند كلمة سلامتك اللى لو قابلت حد عمرى ما شوفته وقالى تعبان هيبقى نفس رد الفعل حاولت اتخيل حتى الموت لا وعيشته فناس كنت فاكرة انها غالية علياا بس ولا اى ردة فعل تخيلت موت اهلى والموصوع كان عادى جداا وجودهم زى عدمه بحس ان قلبى ميت او متجمد ازااى ممكن حد ميتاثرش كدة مع العلم يا جماعة اناا بتخنق عادى واعيط ايوة مش كتير بس بيحصل بستغرب قدرتى على التخلى عن اى حاجة عادى كانها مكانتش موجة اصلا انا فاكرة الجروب اللى فضلت فيه اكتر من سنة حرفياا كنت عايشة جواه 24 ساعة بتكلم فيه خرجت منه فى دقيقة ومرجعتش تانى لمجرد انى حسيت انى مش حابة الحاجة دى او كنت حباها بصراحة بس كانت غلط ومحبتش اكمل فيه ليه حد ميتاثرش بالموت ليه حد ميتاثرش بوجع او تغب ومرض اهله وليه حد عادى بالنسباله يخسر اى حد ايا كان وميبقاش موجود ويا جماعة الموضوع مش فى الاشخاص بس حتى الحاجات المادية مجرد ما تروح منى بنسى انها كانت موجودة عادى ودة مخلينى معنديش هدف انا معنديش حاجة بحبها ولا متعلقة بيها تخلينى اسعى عشانها واحاول مفيش حلم قد تكون دى حاجة حلوة بس انا بجد مش فاهمة وساعات بتخنقنى مع العلم يا جماعة انا عمرى فى حياتى ما قطعت تولصلى مع حد يا هو بيقطع يا بتعامل عادى لكن محدش وجوده فارق حد فاهم حاجة 😖😓

هو عادي إني عمري ما نجحت في أي شيء بالمعنى الحرفي وعمري ما كملت طريق لاخره وتايه بحاول أدور على هدف مش لاقي حرفيا مش عارف أنا عاوز إيه وليه وهل أنا حابب اللي أنا فيه ولا لأ وكل ده ادركته بعد ثانوية عامة ممكن يظهر إنه بكاء على الأطلال بس هو مش كده لكن فهمت إني فاشل وشخص طبيعي مش مميز أو مختلف زي ما كنت بقنع نفسي أنا أقل من ناس كتير كنت افكر إني أحسن منهم أنا فاشل في كل شيء ومش عارف طريق للنجاح..

سني ٣٣ سنة مهندس ومش متجوز او خاطب للاسف عايش وحدي شغلي مقدرتش اعمل منه غير مبلغ متواضع جدا بالعكس بيقل ومش هيساعدني علي الجواز في الاسعار المجنونة دي من ناحية الشقة والخطوبة والخ وكل لما بفكر ارتبط بحس اني طالما مش جاهز ماديا يبقي ماينفعش علشان مظلمش حد حاسس اني كبرت خلاص ومش هتجوز او يبقالي اسرة حتي اني قولت اغير الشركة اروح لمرتب اعلي وبسعي وبدور بقالي كتير بس للاسف مش متوفق هل اتنازل عن الفكرة ولو كدا ايه الهدف من الحياة اللي مناسب للمرحلة دي غير الجواز