مشكلة نفسية

عندي مشكلة كبيرة جدا جدا ( محصلش ) عندي طاقة غضب مش طبيعية تجاه الناس كلها دلوقتي شايفهم بهايم مبيفهموش حاجة، بكره أي حد يطلع صوت اصلا بكره الاصوات بجد بقت حاجة بشعة بكره ان حد يقول رأيه اصلا انت بني ادم بهيمة تتكلم ليه بكره اوي الناس اللي بتتنفس

عايز اعرف انام نفسي بجد ازاي بتفرغوا الضغط اللي جواكم واللي بيتولد بسبب حاجات لازم تفضل في حياتي لإن دي إنجازات لازم احققها بس هي كدة كدة بتضغطني جدا بطريقة بشعة كدة كدة المشكلة مش في الحاجة اللي شغال عليها المشكلة فيا بس انا مش بعرف انام من كتر التفكير والضغط ف ازاي افرغ دة

انا دولقتي عندي مشكله بقيت عصبي جدا بس عصبي داخلي يعني ممكن من اقل كلمه اتعصب أقل موقف لدرجه اني بقيت اخاف من عصبيتي لو طلعت بكون هادي قدامك وممكن مره واحده اتعصب ده تخزين مواقف انا عارف فانا حاليا محتاج حاجه اطلع فيها الغضب بطريقة طبيعه فلو حد عنده افكار يقول

جماعه انا مش عارف اشرح ازاى بس انا بقيت غريب جدا ف تصرفاتى يعنى انا وانا بعمل الفعل ده انا ببقى عادى و لما باجى مع نفسى اخر اليوم بقول ايه اللى انا عملته ده و احس بزعل او ببقى متضايق اللى هو ليه انا بعمل كده و المشكله انهم بيشجعونى على كده وانا مش عايز اوصل للمرحله دى

مالك ياعم ف اي اي اتغيرت لي رجعت تاني اوحش لي هو الشخص لما يرجع للاوحش لكل حاجه وحشه ازاي يرجع كويس ازاي يفوق نفسه بقيت استحقر الناس من كتر القرف اللي بعمله ومن الناس ذات نفسهم مش عارف اي الحل واي الفكره

دايما بحس اني شخص عنيف في ردود افعالي يعني ممكن بجد والله اتخانق مع حد لو حسيت لوهله انو مستقل بيا ب اي شكل شغلي او شكلي او جسمي يعني بجد والله مش عارف ليه برضو بحس بالذنب بعد ما اخد حقي انا بس عاوز اعيش في سلام

انا زهقت بجد نفس احس اني مبسوطه أو سعيده بجد مبقتش حاسه بحاجه ببقي مخنوقه طول الوقت و مدايقه ساعات كنت بفكر اروح لدكتور نفساني يمكن احس اني احسن غير احساس الضغط والتوتر اللي مش بيفارقني عاوزه افضل قاعده في اوضتي طول اليوم مخرجش منها مش قادره اقوم من علي السرير حسه أن ده المكان اللي حسه فيه اني مرتاحه ومش قلقانه . هل انا عندي اكتئاب ؟ هل عندي مشكله نفسيه ؟

السلام عليكم 🌸. اكتشفت مشكلة متخلفة جدا فيا انهاردة. وانا ماشية في الشارع، لقيتني بدندن اغنية اطفال مسمعتهاش من ييجي ست سنين، وحافظة كلماتها والحانها حتى. مش المشكلة في الاغنية، المشكلة اني لما راجعت نفسي، اكتشفت ان فيه حاجات كتير اوي بجد ملهاش لزمة واخدة حيز من عقلي، اغاني اطفال مناهج قديمة اشكال ناس غريبة تفاصيل ملهاش لزمة اسماء ناس مش فاكرة هما مين حتى ولا ايه علاقتي بيهم، حاجات كتير جدا لا تُعد ولا تُحصى، اكتشفت انها مُخزنة عندي في الذاكرة طويلة الامد، في حين اني وانا بذاكر مثلا، بعاني عشان احفظ كلمة واحدة، وفي الآخر بنساها تاني. ف انا عايزة حل بجد عشان امحي الحاجات دي، عشان انا بقيت بنسى حاجات اهم بمراحل على حسابهم.

لما ببقا زعلانه او مدايقه باكل كتير اوي و اكل مش صحي خالص و سكريات شوكولاته وشيبسي و تخنت يمكن ١٠ كيلو ومش بعرف اتحكم ف نفسي خالص وقتها ولا ببقا عارفه اوقف نفسي اني اكل يعني بلاقي نفسي بعمل كدا لوحدي ف ممكن لوحد عنده حل يقول و كمان ازاي اقدر اخس واتحكم ف نفسي

انا عندي مشكله وفعلا عاوزالها حل بقالي كتير كده حاولت اصلح نفسي كتير بس مش عارفه ايه المشكله ولا انا تعبانه نفسيا من حاجه انا بحب اهلي وكل الحاجه وبشوف أن هما بيحبوني وبيعاملوني كويس بس ساعات كتيره ببقي بس عاوزه اقعد لوحدي مش عاوزه اقعد معاهم مش عاوزه حد ينادي اسمي كل شويه يقولي اعملي كذا اغسلي كذا بحس اني مش عاوزه اطلع عشان بس محدش ينادي اسمي ولا يقولي اعملي اي حاجه عاوزه اقعد بس في اوضتي واواقات ببقي عاديه وبساعد وبعمل واسوي من نفسي بس بدايق اوي لما حد يقولي اعملي كذا ايا كانت هي ايه بقيت بدايق جامد وبتخنق معرفش بجد السبب نفسي افهم مالي مش عاوزه ازعل اهلي ولا أذيهم انا بحبهم بجد 😥 واوقات بحس اني عاوزه اختفي من العالم كله يمكن احس براحه جوايا .

عندي مشكلة اني ساعات بحس اني عاوز واحدة اكبر مني تحسسني بالاهتمام والامان كاني طفل تقولي اعمل كذا وتعمل الي هيا عايزاه معايا، مع اني مش صغير بس مش عارف ليه بحس بالاحساس ده وبحب لما الاقي واحدة كده وعارف انه مشكله وأنه مينفعش وان المفروض الراجل يبقى المسيطر...

طيب حاسه اني عاوزه امـــســــــــح الابــلــكــيــشــن داهو هو كدا كدا مش بياخد وقتي بسس بتلكك بيه طبعاً اللي هيدخل يقولي و انا مالي و انت مالك فعلاً؟ المهم اعمل ايه انا بعد الاجازة دي هدخل على مرحلة مهمه و كدا و الابــلــكــيــشــن دا حرفياً بيخلي الواحد يفتحه كل دقيقه و بيخلي الواحد يعيش في اكتئاب و حاجات كتير كدا بس يعني

عندي مشكلة صعبة اوي ( محصلش ) لما مخك بيقرر انه يضغطك ويحطك في دايرة صغيرة ملهاش غير مخرج واحد هو اللي محدده واللي مختارهولك واللي اخره هلاك برضو وتفضل انت في الدايرة دي بس باصص على ايدك ومعاك مفتاح الخروج بس مش قادر، تيجي في الآخر وانت لسة بتحط رجلك في المخرج من الضغط اللي مخك حددهولك ترجع خطوة لورا وتستخدم المفتاح اللي في ايدك وتخرج من الناحية التانية حاسس انه احساس امتع من الشاورما

عندي مشكلة مع نفسي لاحظتها من فترة وشاركوني لو بتحسوا بكدا بحس اني انا وعقلي شخصين مختلفين يعني تخيلوا بقعد مع نفسي عشان اتواصل مع عقلي وافهمه احساس كدا بانفصال بيننا تفتكروا دا سببه ايه..؟!

السلام عليكم والله كنت بتكلم مع واحدة صحبتي من شويه و بحكيلها ان عمي مات و كدا و حاولت اعيط عليه و معرفتش 🤷🏻‍♀️ و كذالك جدتي اتوفت و عيط بصراحة عليها بس مش كتير و تعايشت مع الموضوع عاديي و شويه مواقف تاني و كدا زي ان بحس نفسي بكره عيلتي اللي هما عماتي و خالاتي و الحاجات دي مع انهم معملوش معايا حاجة وحشه هي بقا قعدت تقولي اني عندي عقدة نقص و اني المفروض اتعالج و اني مش طبيعية و الكلام الحلو دا فـ انا حقيقي مش عارفه بصراحة هل انا كدا فعلاً وحشه و سيئه كدا ولا دا عادي؟؟

عندي مشكله اني بكراش علي اي حد و بحب ابص جداً علي الملامح و ابقا مهووسه حتي لما معرفش اسم الشخص و مش بنسي اي حد بسرعه ، و المشكله اني بعدها ممكن بيومين تلاته او اسبوعيين بكتبر ازهق من الشخص دا لو بشوفو كتير رغم ان مبيناش حاجه بس انا كدا معرفش دا ايه ..؟

هو طبيعي انجذب للولاد اللى بتكرفلى اكتر يعنى ممكن ولد انا معجبه بيه بس اول ما اعرف انه كمان معجب بيا ببدأ افقد اعجابى بيه وانساه والولد اللى ولا مره فكرت فيه بس لقيته كارفلى بحس انى بدأت اعجب بيه ويبدأ عندى هوس المراقبه وبراقبو من اى آب ولما يبدأ يحبنى ااكرف انا وانساه دا غير انى بزهق بسرعه يعنى مهما كان حبى ليك انا هاجى فى وقت وابعد ولا كأن اى حاجه حصلت

اكتشفت ان عندي مشكله ، او كنت عارف بس بتكبر اقول (رحلة تغيير) اكتشفت ان عندي حب ظهور او اني ابقا متشاف قبل ما اشرح يعني ايه هقول الاسباب اللي متوقع انها اتسببت في دا انا طول عمري انطوائي وبعيد عن الناس من صغري صديقي نفسي وبقعد اكلم نفسي وخلاص ممكن بسبب تربية اهلي اللي اما تطلع حد منطوي(زيي) او صايع خالص (زي اخواتي) الشرح بقا بحب جدا اتكلم ويبقا كله منصت لكلامي او اعمل حاجه مثلا وتبقا الناس عارفين ويثنوا عليها (مش رياء بس انا بجد مش عارف اشرح ) مثال انا بحب العب كوره وكنت لعيب زمان وانا صغير بس حاليا المستوى نزل خالص بسبب ان جسمي معادش مساعدني (رفيع بزياده) المهم انا بعشق لما العب كوره وحد يقولي لعبت حلو هلعب حجز يوم العيد مع واحد صاحبي وباقي العشره كلهم قرايبه الفكره بقا ان فيهم ناس كويسه بتلعب حلو ومن الاخر انا مش هبقا باين وسطهم يعني انا والله ما بحب الرياء ولا بحب كدا بس بحس ان عندي الحته دي ف عايز حل ليها وعامة انا اتشجعت اني العب الحجز دا بالذات عشان الموضوع دا (رحلة تغيير)

انا بكلم نفسي عشان مفيش حد بيكلمني افتكرت انه ظه شيئ عادي بس النوضوع زاد معايا اني بكلم نفسي ٢٤ ساعه بفكر في الي كان والي هيكون بكلم نفسي بكلام عمري ما هقوله وبفكر اتصرف ازاي في مواقف عمرها ما هتحصل وبتكلم مع ناس مش موجودين بفكر في حوارات بقول فيها كلام عمري ما هقوله ازاي ابطل افكر ولسه اول مره استخدم فيها البرنامج ده هل ده صح اني انشره

انا مشكلتي غريبه شويه انا كنت مخطوبه فتره كبيره وهو سببلي تروما ومن حاجه محرجه اوي وحساسه (موضوع الريحه الحلوه ) انا كنت بهتم بالنضافه ف توضيب اوضتي وهكذا ع قدي عادي اروق وكده بس مش لازم ارش معطر مثلا مش لازم لما امسح احط حاجه جواها حاجه معطره جسمي مثلا كنت بعمل شيفينج او ليزر وبستحمي وبهتم بس موضوع اللوشن اللي بريحه لا مكنتش ف اهتمامي الا لما اتجوز عشان يشمني ويبقي مبسوط وحلال عادي لكن وانا ف بيت ليه احط ف لا وانا خارجه كنت شايفاني حلوه كده من غير برفانات ومعرفش ازاي كنت بشمني حلوه كمان من غير برفانات ومش محتاجه المهم ……. هو قلل من ثقتي وحسسني اني ناقصه انوثه وبدأت الوم نفسي من ساعتها لحد اللحظه دي وطبعا بقيت بهتم باي حاجه فيها ريحه ولازم وانا ف بيت احط لوشنات وهاند كريم ب ريحه حلوه المشكله اني متعلمتش او جربت ده بطريقه حلوه او لنفسي او من نفسي انا جربته بعياط واحساس اني مش زي البنات واني معفنه وتقليل مني معلومه احنا سيبنا بعض بس انا نفسي ابقي كويسه نفسي اتعافي من التروما دي ومش عارفه انا مبقتش عارفه ابقي زي زمان وف نفس الوقت حتي وانا بحط الحاجات دي وكده بحس اني كنت جاهله وغبيه وازاي مكنتش بنت زي البنات وازاي مكنتش بحط ف البيت للعلم مكنتش بحط برفان بره البيت لانه حرام وخوفا من ربنا بس بقول طب والبيت كانت حجتي اني مش متجوزه ليه احط برفان ومكنتش اعرف انواع حلوه زي دلوقتي بقيت عارفه واتعلمت اوي

انا اول مرة احكي حاجة هنا شخصية مش عامة و حقيقي انا عايزة اخلص من المشكلة دي انا في امتدت لوقت طويل اوي يعني معايا من مراهقتي لحد جامعة دلوقت القصة حقيقي طويلة اوي و تفاصيلها كتير و انا مش عندي وقت حتي اتكلم لان ورا امتحانات و مش فاضية بس بجد دي صداقة عدت بمراحل كتير سيئة اناةخدت دور منقذ و اتعلقت و حقيقي مشببالغ انا ادمرت و اتقفلت انا حاولت افضل موجودة مع مسافة تقديرا لعلاقتنا رغم مشاعري راحت بجد بس انا بجد لسة بتاذي نفسيا انا عايزة بجد ناس تفيدني اتمني بجد

عندي مشكله كبيره جدا في حياتي وهي تعلق القلق في الفتره اللي فاتت اتعرفت ودخلت حياتي كميه شباب مش طبيعيه وكلهم كانوا فشله مش كويسين وعندهم مشاكل نفسيه وماديع واجتماعيه اخدتهم وخليتهم محور حياتي وخليتهم احسن ناس في الدنيا علي حسابي طبعا كرهوني لان مين يحب بنت عبيطه متعلقه بيا ازلها واطلع عينها ف كانوا بيزلوني وانا كنت بتزل واتحايل واتحايل واحاول وحبني وحاول كل ده عشان انا مدمنه مدمنه علاقات صعبه ومستحيله متعلقه بأحساس الادرينالين اللي باخده منهم كنت داخله احكي علي اخر علاقه كانت بزميلي في كليه لقيتني بقول هو بس ده بس مستفزك شويه عشان عملك جوستنج ومتكلمش زي الباقي لكن انتي في دايره مفرغه من ده لده لده انا عارفه مشكلتي بكتب هنا عشان فعلا محتاجه مساعده حقيقه ساعدوني انا في فتره مهمه في حياتي وشغفي مات حاسه بالوحده والخزلان انا مش صغيره اوي ومش كبيره جدا عشان اكون عايزه ادخل علاقه واتجوز بالشكل ده لكني وحيده حاسه بالوحده الحقيقه من جوا ساعدوني حد كان زي يقولي حاول يصلح ده وازاي ابدء هتحمل مهما كان صعب هحاول

مساء الخير.. هحكي عن مشكلة انا تعرضت لإساءات طفولة كتير خصوصا بعد طلاق اهلي ابويا اتجوز واحدة متسلطة بجد كانت بتعاملني اسوء معاملة لكنها بردو كانت بتحبني و بتخاف عليا و محدش يسألني ازاي .. المشكلة دلوقتي مش في الماضي على قد ما انا بميل احيانا للبنات المتسلطة الي زيها حتى بحس اني بنجذب لنفس البنات الي شكلها

السلام عليكم 😃 حاسه إن جوايا وسواس قهري صغير بيكبر مع الوقت، اللي خلانى أتأكد إن فجأه بقيت بقرف من حاجات كتير قد تكون مبالغ فيها زى أصوات المضغ ولو خفيفه اللى بيعطس أو يكح بصوت عالي ... وفى حاجات منطقية طبعا.. المشكلة إن دا بينعكس على الشخص يعنى لو شخص عمل حاجة مقرفه قدامى ولو مرة مش بنساها وبقرف أتعامل معاه دايما ولو مضطره بجد ببقا بأذى نفسي داخليا.. فهل فى حل ألحق نفسي من بدرى (:

ازاي الانسان ينام بدون تفكير كتير ملحوظة جربت اشغل قرآن جمبى منمتش غير على فيديوهات الطب الشرعى وجرايم القتل وكدا ودى حاجة مستغرباها.. بحس فى حاجة مش طبيعى فيا كانه قلق او تفكير زيادة ملحوظة صح انا فى طب بس مخدتش شرعى لسة

السلام عليكم شباب من فضلكم كنت عايز احكيلكم علي حاجة ومش عارف هي دي حاجة حلوة ولا وحشة مش عارف بجد انا الحمد لله في جامعة خاصة وحالتنا المادي كويسة الحمد لله دائماً وابدا طبعاا بس في حاجة دلوقتي لو انا خارج انا واصحابي في مكان وخلاص خلصنا وقايمين نحاسب انا بقا مش بخلي حد يحاسب وببقي المتقدم دايماا يعني مبحبش حد يحاسب وانا موجود اياً كان الرقم اللي هيتدفع والله داا مش تكبر ولا حاجة مني ولا برضو تقصير من اصحابي هما في اوقات كتير بيقعدو يحلفو انهم هما اللي هيحاسبو بس انا مش بوافق وبرضو مش بوافق ب موضوع تقسيم الحساب دا بحس بحاجة غريبة والله بس دا طبع فياا ومش عارف بيتغير ازاي اصلا وتاني حاجة انا دايماا اصحابي بيعزموني بس انا مبحبش برضو اتعزم عند حد بحب اعزم الناس عادي وبحبهم لما بييجو عندناا لاكن انا مبحبش اروح عند حد خالص والله والله دا ما تكبر ولا اي حاجة من دي دي حاجة انا مش فاهمها ف هل حد فيكم بيمر بنفس الحاجة دي ؟ وشكراا

حد عنده معلومة عن لما الشخص يحس أنه مش كفايا طول الوقت مهما يعمل + عنده مماطلة لكل حاجة حتى الرسائل اليومية مبيقدرش يرد عليها وبيحاول يبص عليها ويتجاهل الرد عليها في وقتها هل دا بيدل أن فيه مشكلة وخاصة مع إني بحس مبركزش على الحاجات الي كل الناس المفروض تركز عليها لا يركز على حاجات تانية خالص في أي موقف من الحياة اليومين .

صباح الفل انا عندي مشكلة نفسية محتاج من اخواتي صحاب الخبرة انهم يساعدوني لما بكون في الشغل حرفيا انا بأعد الدقائق والساعات على ما يجي معاد الانصراف...ببقى عامل زي نهار رمضان واحنا مستنيين اذان المغرب ..ولما يكون فاضل ساعتين مثلا بقول خلاص فاضل ساعة والساعة التانية هتعدي علطول ...رغم اني لما بروح مش بيكون ورايا معاد مثلاً او مشوار ، لا البيت عادي جدا. ف انا نفسي اوصل لمرحلة ان الشغل جزء من الحياة زي ما البيت جزء من الحياة واتعامل طبيعي من غير الشعور ده .. صباحكم خير

عندي مشكلة اني بتعلق بالناس بسرعه جدا اي تواصل يومين او تلات ورا بعض بجد بتعلق بالشخص و طبعا ده مش بيبقى متبادل و ببدأ احس باهتمامي للشخص و اني عايزة اكون على تواصل دايم و مش عارفه احل المشكلة دي و كمان طبعا بتسببلي اضرار نفسيه اكتر وطول للوقت يمكن متضايقه و مش حابه نفسي واحس ان مفيش حد بيحبني وافصل اسأل انه ليه مفيش حد بيبادلني نفس الحاجه وعارفه انها مش صحيه بس انا بحاول افهم نفسي وافهم اللي بيحصل

السلام عليكم يا جماعة انا مبعرفش اتعامل مع اي راجل في الدنيا واكتشفت اني عندي مشكله نفسية مش خجل بس لا هي مشكله وتعباني نفسياً وموقفه حالي ب نفسي لأني بقالي سنتين برفض رفض تام أي راجل يتعامل معايا وبتوتر جدآ لو اضطريت بقعد اتلجلج وصعب عليا انا مش عارفه احكي ل مين الدايره المحاطه بيا عمرهم ما هيفهموني ومش عارفه اتجهه لثيرابي ولا لا بس حقيقي الموضوع مؤذي نفسياً وتعبت

انا عندي مشكله غريبه أوقات كتير بقعد اتخيل حاجات كتير وممكن اقعد بساعات كده واندمج مع الخيال لدرجة ان احس بفرج وازعل علي حسب القصه الخياليه الي في دماغي وتقلب في المزاج بشكل واضح جدا غير كره الاصوات العليه والاضائة العليا وحب القعده علي السرير بشكل مرعب ارجع من شغل اقعد علي السرير في الضلمه القعده مع اهلي مستحيلا وناس كتير بتقولي ازور دكتور نفسي وانا مش عارف هل انا فعلا محتاج اروح لدكتور

عندي مشكله في فرط التفكير في اي شئ حتي لو صغير واني لازم اجيب الحاجه لنهايتها وساعات بيوصل بيا الحال اني ممكن منامش لمجرد التفكير بس ومبحبش اخد ريسك خالص لازم اشوف ناس جربت السكه واعمل زيهم و ده مخليني اضيع من ايدي فرص كتير اه كله خير وبتاع ربنا بس الموضوع ده تاعبني جداً حقيقي وفي الفتره الاخيره بقي مأثر علي نفسيتي وشغلي كمان مخليني مش عارف اركز ولا اعمل اي حاجه

عندي مشكله مزعجتني جدا، انا شخصيه ما بقدر اعيش بدون اهتمام، لو احد تجاهلني بقعد افكر بالموضوع لمدة ايام او اسابيع، و لما احس ان في حدا زعلان مني بصير عمايل، بقعد ارسله يوميا و لازم اخليه يحلف انه مو زعلان مني، و اتأكد و اذا حاسه ان احد تعبان بقعد عنده وبخليه يقولي و يفضفض الي حتى لو كانت علاقتنا سطحيه، بحس اني مريضه نفسيا، نفسيتي تعبت جدا، او لما اافضفص لأي احد حتى لو كان قريب مني بحس بذنب لأني ابلشته بمشاكلي، لهيك انا بتكلم هون علشان محدا بعرفني، هل هذا مرض نفسي ولا ايش؟ و محد يقولي ان اتجاهل هذه التشياء علشاني حاولت و ما نفع