مشاكل مالية

يا جماعة محتاج شورطكم ونصيحتكم في مشكلة قفلاني من الدنيا. أنا خاطب واحدة، وللأسف أهلها داخلين على طمع بشكل مش طبيعي. من يوم ما دخلت البيت وأنا مطالب بمصاريف وهدايا وفلوس بتتدفع يمين وشمال، وبقيت بصرِف عليها وعلى طلباتهم بشكل مستمر لدرجة الاستغلال. أنا خلاص جبت آخري وطاقتي خلصت وقررت إني أفركش الخطوبة دي لأنها مش هتجيب غير وجع الدماغ. مشكلتي الكبيرة دلوقتي في "الذهب".. أنا اللي واخد قرار الفسخ لأنهم هما اللي حدفوني لده بتصرفاتهم، بس قانوناً أو عرفاً المعروف إن اللي بيفركش بيبطل حقه في الذهب. أنا دافع دم قلبي في الخطوبة دي ومش مستعد أخسر الذهب كمان بعد كل اللي صرفته. هل لو الموضوع وصل للمحاكم أو قعدة عرب بقدر أثبت إن الفسخ بسبب استغلالهم وأخد حقي؟ ولا الذهب كده راح عليا؟ أتصرف معاهم إزاي عشان أطلع بأقل الخسائر؟

صباح الخير علي كل فواكه الابلكيشن كنت حابب اخد نصيحتكم في حاجه يعتبر خاصه جدا انا خاطب انسانه تقريبا بقالنا ٥ سنين والخطوبه مكملتش سنتين لاننا كونا زميل في الكليه المهم حصل مبينا مواقف كتير وزعل خصوصا انها طلابتها كتير كانت في الفتره الاخيره اها الحمدلله من بعد ما اتخرجت من الكليه شغال في شركه كويسه والمستوايه الاجتماعي كويس بس انا ما كنتش بقول لها على حاجه لا بالعكس كل حاجه كانت بتجيلها بس كانت اخر فتره الموضوع زاد عن حده جدا وانا بردك ورايه التزامات مش عارف اخلصها بسبب ان يعتبر 70% من مرتبي هي بتسحبه فمش عارف اتصرف ازاي❤️

انا يا جماعة معتش أستمتع بالحياة مع اني اعمل رياضة واصلي و اعمل (وتوجد عندي مشاكل مالية ) بأي شيء تنصحوني ؟؟ من أجل يعدل مزاجي وأرجع مثلما كنت ، لم اعد افرح بالأنجزاء التي احققها او الأحلام التي كنت اتمنا أن اصل لها

انا مخنوق انا شغال وشاب عندي ٢٧ سنة بس عملت غلطة ودخلت في موضوع فيزا المشتريات وللأسف بعد فترة عملت حادثة وبعدها عملية وقعدت من الشغل وللأسف بعد كدا لقيت البنك طالب المبلغ كله ي الدفع ي الحبس مش عارف اعمل اي وانا دلوقتي شغال بس مش مكفي المبلغ وال i score بتاعي مش احسن حاجة وكل حاجة اتقفلت ف وشي حتي الجمعيات ومليش اخوات ولاد ووالدي ع قده حد عنده تجربة اني اخلص ازاي او اخد مبلغ منين او يعرف حد يساعدني لأني بسبب التجربة دي دخلت ف اكتئاب صعب جدا وكل يوم بيجيلي تهديدات والموضوع بقي صعب تعبت نفسيآ

مش عارفه هو انا لوحدي ولا لا بس انا عمري ما كان عندي ثقه لبابا في حياتي يعني مثلا لما ياخد من فلوس و يقولي هيرجعهم بس هو عمره ما بيرجعهم و لما يقولي هجيبلك حاجه في الاخر بيقعد يقولي معلش اصل مش عارف ايه و مش عارف ايه المشكله ان الفلوس دي انا سيباها عشان لو هجيب حاجه مع صحابي بعد الدرس و هم مبلغ يعني مش حاجه قليله و ماما لو عرفت هتفشخني و انا خايفه جدا اديله الفلوس