مراهقة

شباب انا ليه بترفض من البنات بعيدا عن سني انا 15 سنة بس كل ما اجي اتعرف علي بنت قدي او اصغر او اكبر مني بترفض مجرب اكتر من 738 محاولة فاشلة اذا مكنش اكتر فياريت تقولولي اي السب وليه بيحصل كدا

هقولها يا حبيبتي مفيش شخص مثالي ومش لازم تبقي شاطرة وبتسمعي الكلام وبتذاكري علطول همحي جملة غلطة الشاطر بألف اللي هو ازاي طيب واحدة مراهقة ماتغلطش .. ولو غلطت يبقى خلاص الدنيا اتهدت اغلطي واتعلمي وعاملي كل الناس طالما عارفة حدودك وعندك اللي يرجعك مهما بعدتي عشان هتكبري تلاقي واحدة عايشة لسه طفلة مهما كبرت عشان مافهمتش ده ..فبطلي هبل بقى 😅

قد أكون بوهم نفسي اني تخطيته بس كان عندي إكتأب وانا في مرحلة بين اعدادي وثانوي كنت مستني حد يساعدني او حد يحس بيا بس لاقيت ان ال حواليا من اهل بعدو عني تمامآ وسابني في وحدة لإكتأب واي حد جوب لإكتأب هيكون فاهم أن أسوأ حاجه هيا الوحده في الوقت دا سيبت الوحده تعيشني تأقلمت على لإكتأب ومن. وقتها وانا عارف اني لسا في الدوام دي بس بكدب نفسي

انا عندي 16 سنه كنت بحب شخص من 3 سنين عارف لاسف أنها حاجه غلط بس بجد كنت بحبها اوي بعد الامتحانات الشخص ده اداني بلوك وانا من ساعتها مش عارف ليه زهقت و ازيت ناس كتير بسبب الموضوع ده و عايز اخلص منو حاسس اني بقيت انسان وحش

يا جماعه انا بنت و دلوقتي عندي 16 سنه و موجود على تليفوني جوجل فاملي في الاول كان مع بابا و هو المتحكم فيه و كانت الدنيا في اللذيذ سايبلي معظم الحجات الي بحتجها بشكل دائم بدون ليمت و لما بطلب منه أنه يفتحه بيفتحه عادي و الدنيا كانت حلوه لحد ماما قررت أنه يكون معاها و تكون هي المتحكمه فيه و من ساعتها و هي خنقاني اي برنامج ميعجبهاش تعمله بلوك و لو قعدت علي برنامج اكتر من ساعه تحطله ليمت ربع ساعة أو عشر دقائق و يسعات بتوصل لي خمس دقائق و في برامج اساسيه زي الواتس مثلا بطلب منها تفتحه من غير ليما علشان لو التليفون مقفول اقدر اني استخدمه و انا اصلا معنديش حد اتكلم معاه يعني انا مش يستخدم الواتس غير في الجروبات بتاعت الدروس أو لو انا بره و هي مش راضيه تفتحه لا و كمان عملاه ساعه و نص و اتكلم معاها مهما اتكلم و هي مفيش ركبه دماغها و كل ما اقولها افتحي الفون تقولي ليه هتعملي ايه لا و مش عارفه ايه و في الاخر تفتحلي نص ساعه او ربع ساعة زياده ده ده لدرجه انها عملتلي بلوك لجوجل كروم هل ده يعقل و انا مثلا أنهارده عيانه بتحايل عليها تفتحه علشان انا زهقانه و هي مش راضيه بجد تعبت منها و من أسلوبها في التحكم في التليفون و مش عارفه اعمل ايه

جماعة معلش سؤال طالع من عقلية 16 ونص مش عايزة اجابة عادية او اجابة محفوظة عايزة حاجه مقنعة يعني ايه الحب بجد بسال بجد امتى اعرف اني بحب في ناس بتقعد تسمع ام الكلمتين بتوع انك تتقبله بعيوبه و انك تكون مش مرتاح غير معاه بصراحه بستغرب حتت العيوب دي و كذالك بيقولوا لما تختفي الفراشات و التكلفات لما تكون معاه ده معناه انك بتحب طب معلش ما انا ممكن اتعامل مع ولد عادي جدا و ولا فيه فراشات و ولا فيه كره و ولا فيه اعجاب حتى و متقبله كوني بتعامل معاه بعيوبه بقى باي بتنجان المهم اني معنديش مشكله معاه هل ده معناه اني بحبه اكيد لا و كذالك بستغرب جدا لما بلاقي بنت بتقول انها بتحب ولد و هو ما شاء الله وشه شبه البلاطة هو بحد بتحبيه على ايه او اثنين متجوزين واحد متجوز واحده مش حلوه معلش اسفه و هو وشه وحش و تخين و كمان ممكن يكون نسونجي او بخيل و هى بتبقى بتحبه او هو كمان معلش دول ملايانين عيوب ازاي مستحملين يبقوا مع بعض حتى و بستغرب جدا لما حد يكون بيحب واحده و هم مرتبطين يعني حتى مش مع بعض في بيت واحد و بيقولوا حب ايه ده ازاي بتحبوا بعض وانتوا بتقابلوا بعض باحسن صورة عندوكوا انتوا كده مشوفتوش عيوب و بصراحه كتير بحس ان الحب ده كذبه مخترعه و كل واحد مستحمل الي معاه على ما ربنا يفرجها و نم.وت بصراحه معرفش ازاي في ناس بتطيق بعضها انا معاكوا حتت الراحه بس بجد انا ممكن ارتاح مع غيره برضوا والله بستغرب والله كلمة بحبه او بحبها و انت مشوفتش منها غير شكلها او جسمها او طريقة كلامها الي شدتك بجد بستغرب جدا و من العكس كذالك ايه هو الحب يا جماعة

هو أنا عندي 15 سنه بس طموحه يمكن زيادة عن اللزوم، ممكن تدوني نصايح او حاجات اتعلمها تفيدني في المستقبل، وحاجات انتم عملتوها ومش عايزيني اغلط فيها و كده، ولو مثلا رجعتو لسنين ورا وقت سني حاجات كنتم هتعملوها

انا عندي مشكلة تعلق كبيرة جدا وصعبه جدا ومبحبش لما حد يقولي فترة وهتعدي وده عشان انتي صغيرة عشان انا بقالي اكتر من سنة ونص. انا متعلقة بمدرسه في المدرسة ومبقتش تديني ومش دايما بتعاملني كويس. ده بجد خلاني مكتئبة ومش عارفه اتعايش رغم صغر سني ( ١٣) وبيأثر على دراستي ورياضتي وبجد زهقت ومش عارفه اعمل ايه. مبحبش اقول لحد الموضوع ده عشان فكرة التعلق بمدرسه غريبة اوي بس انا تعبت خلاص ونفسي اعيش حياة حلوة. لو قعدت اقول تفكيري عنها اد ايه و ف ايه مش هتصدقوا. مشاكلي بتاعت ناس كبيرة وعندي كتير بس دي أكبرهم. الحمد لله بصلي وبدعي بس مفيش تغيير. مبقتش قادرة افتح كتاب ولا اذاكر وامتحناتي خلاص قربت. انا مستوايا مشالله كان حلو اوي وكنت الاول على الدفعة بس دلوقتي خلاص نزلت اوي

ممكن مشكلتي تبقى هبله وظغيره لبعض الناس بس ياريت حد يقولي اعمل ايه انا بصراحه بنت صغيره مراهقه وانا وقعه في الحب بصراحه ومش عارفه اعمل ايه وانا مش قيلا لحد خالص ولا حتى لعلتي ومش عارفه هو انا المفروض اقول ولا اعمل ايه اصلا عشان مشغلش دماغي بالوجع دا انا مش قد كدا انا صغيره

كنت معجبه بولد معايا ف المدرسه فضلت معجبه بيه الترم الاول كامل وهو ميعرفش اول يوم ف الترم التاني اتفاجئت انه عرف!! بدأ يبصلي كتير نظرات غريبه حسيت انها نظرات سخريه رغم اني مش قبيحه يعني ولا شكلي غريب عشان يتريق على اعجابي بيه وصحابو كل لما يشوفوني بيفضلو يبصولي ويقولوا اسمه قدامي ويقعدو يتكلمو ويبصولي انا مش فاهمه ليه انا حتى مكلمتوش ولا قولتلو نتصاحب او كنت هقول لاني مش بصاحب اصلا ليه بيبصلي كده وهو مجرد اعجاب يعني وخصوصا ان الولد نوعا ما مشهور ف المدرسه وفيه بنات كتير معجبه بيه ودخلو كلموه ورفضهم ليه جيه عندي انا يعني ويبصلي البصات دي ويخلي صحابه يعملو كده اتمنى اللي عنده رد يقولي عشان انا مدايقه وخايفه اروح المدرسه وامتحانات الشهور قربت