كتمان

بصراحة... عمري ما كنت متخيل إني هكتب الكلام ده. طول عمري كنت فاكر إن طلب المساعدة ضعف، وإن الاحتياج لحد يسمعني أو يطبطب عليا حاجة المفروض أخجل منها. كل ما أتعب أقول لنفسي: "اسكت... استحمل... أنت راجل... اعتمد على نفسك... متشتكيش." وكنت مقتنع إن دي قوة، لحد ما اكتشفت إن اللي كنت بسميه قوة، كان في الحقيقة بيكسرني واحدة واحدة. أنا طول عمري بكتم. لو زعلان بسكت، ولو موجوع أقول: الحمد لله، ولو محتاج حد أقنع نفسي إن محدش هيهتم، وإنه مينفعش أتقل على حد. ومع الوقت، بقيت مش عارف أفرق بين الصبر الحقيقي، وبين إني بهلك نفسي في صمت. من كام يوم قعدت أبص حواليا، واستوعبت حاجة وجعتني جدًا... إن حياتي شبه فاضية. مفيش حد يرن يسألني أنا عامل إيه، مفيش حد يفتقدني لو اختفيت كام يوم، حتى أونلاين. يمكن ناس كتير تعرف اسمي، لكن قليل جدًا اللي يعرف أنا شايل إيه جوايا. وساعتها سألت نفسي: هل لازم الإنسان ينهار عشان الناس تحس بيه؟ وهل لازم أوصل لأسوأ نسخة مني عشان ألاقي حد يقف جنبي؟ ولا أنا السبب... لأني طول الوقت كنت بقول: "أنا بخير"، وأنا في الحقيقة مكنتش بخير؟ يمكن أصعب حاجة في حياتي إني فقدت أمي وأنا صغير. كنت فاكر إن السنين هتخليني أنسى، لكنها علمتني أخبي وجعي. بقيت كل يوم أقول للناس إني كويس، بينما من جوايا طفل لسه بيدور على الحنية اللي اتحرم منها بدري. وفي ليالي كتير، قبل ما أنام، بلاقي نفسي بتخيل لو أمي كانت موجودة... كانت هتحضني؟ كانت هتمسح على رأسي؟ كانت هتقولي: "متخافش يا حبيبي... أنا جنبك." وبعدها أرجع للواقع، وأفتكر إنها مش موجودة، فأحس بفراغ كبير أوي... فراغ مش بعرف أوصفه. يمكن عشان كده بقيت بدور على الاهتمام والحنية في أماكن غلط، واتعلقت بناس لمجرد إنهم عاملوني بلطف. ودخلت في إدمانات استنزفتني، وعلاقات زودت إحساسي بالوحدة بدل ما تخففه. كنت فاكر إني بدور على حب، لكن الحقيقة إني كنت بدور على إحساس افتقدته من وأنا طفل. والغريب... إني كنت كل مرة أقول لنفسي: "أنت مش محتاج حد." لكن الحقيقة إني كنت محتاج، ولسه محتاج. ومش عيب إني أقول كده. الإنسان مهما كبر، يفضل محتاج كلمة تطمنه، أو حد يسمعه، أو قلب يحتويه. الاحتياج للحنية مش ضعف... الضعف الحقيقي إن الواحد يفضل يتألم في صمت وهو مقتنع إن محدش لازم يعرف. أنا مش بكتب الكلام ده عشان حد يشفق عليا، ولا عشان ألفت انتباه حد. أنا بكتبه لأن دي يمكن أول مرة أكون صادق مع نفسي بالشكل ده. لأول مرة أعترف إني تعبت، وإن فيه أيام ببقى نفسي حد يقولي: "أنا شايف إنك بتحاول... وربنا هيهونها عليك... متستسلمش." يمكن كلمة بسيطة، لكنها بالنسبة لحد تعبان من جواه، تفرق أكتر مما الناس تتخيل. يمكن لسه قدامي طريق طويل، ويمكن هقع وأقوم تاني، لكن تعبت من التظاهر إني قوي طول الوقت. وتعبت من إني أكون دايمًا الشخص اللي يهون على الناس، بينما محدش يعرف إني أنا كمان محتاج حد يهون عليا. الحمد لله على كل حال، ولسه عندي يقين إن ربنا هيجبر قلبي في الوقت اللي يختاره، وهيعوضني عن كل لحظة حسيت فيها إني لوحدي. وكل اللي بطلبه منكم... لو عديتوا على كلامي، ادعولي، أو اكتبولي كلمة طيبة. يمكن كلمة منكم تكون سبب إن قلبي يهدأ شوية، أو إني أقوم وأكمل مرة تانية. ولو فيه حاجة أتمنى كل واحد يفتكرها بعد ما يخلص قراءة الرسالة دي، فهي إن فيه ناس شكلها من بره طبيعي جدًا، لكنها كل يوم بتحارب معارك محدش شايفها. يمكن كلمة حنينة، أو اهتمام بسيط، أو دعوة صادقة... تكون سبب في إنقاذ قلب كان خلاص هيستسلم. ربنا يجبر قلوبنا جميعًا، ويعوض كل إنسان فقد حنانًا أو سندًا أو أمانًا... ويكتب لنا جميعًا أيامًا أخف من اللي عشناها. 🤍

وفي عيني كلام حزين .... وبداخلي شوق اذاب القلب حزنا... وليس الهجر يؤلم ولكن الكلام يوجع ساعات بتبقى عايز تحكى بس الكلام بيرفض يخرج من صدرك وجع رهيب في قلبك دايما وحيد رغم الكل جمبك تايه في نفسك مش عارف ايه يرضيك ولا عارف ليه دايما الالم ماسك فيك ، بتسهر ليل طويل ساكت سهران بس علشان تعبان وفى ايام كتير نايم بتهرب من الوجع بس حاليا النوم ما بقاش بيفيد نفسك ف حد يفهمك من غير متشرح لكن مفيش وانت ما بقتش تحاول في آخر اليوم بتلم شتات نفسك وتبدا تنزل دموعك على مخدتك وتنام عاجز رغم ان شعور رغبه دايما مفقود حتى وانت بتكتب دلوقتي مش عاررف بتكتب الكلام دا ليه يمكن حبيت تتطلع للى جواك في بوست حزين مش مهم حد يشوفه المهم انك بتحكي

أقسى ما في الألم، أنك تعرف تمامًا ما يوجعك، لكنك تعجز عن قوله، فتكتفي بجملة باهتة: "لا أدري، أشعر بضيق." وكأن الكلمات تخونك، أو كأن الحزن أكبر من أن يُقال. بعض المعارك لا نخرج منها منتصرين ولا مهزومين، بل نخرج منها ناقصين، وقد فقدنا شيئًا لا نعرف اسمه، لكننا نشعر بغيابه. كأن نورًا ما انطفأ في الداخل، ولم يُشعل من بعده شيء

الواحد مكتئب ومحبط مش عارف بجد يبقا فرحان ازاي ويعني دماغي بتحول كل حاجه لسلبيه وزعل عشان كل شويه مبشوقش حاجه تفرحني بجد من قلبي...والمواقف مش لطيفه....معرفش المفروض اتبسط ازاي ولا ايه اللي يتعمل...تقريبا كل دا كتمان وسكوت عن حاجات غلط...أو أن بيحصل كتير مش عاجبني فحياتي....ودايما بحس اني مش واخده حقي خالص فالدنيا دي بأي شكل...مجرد بس واحده بتتخزوق على الفاضي والمليان.....كان نفسي حد يهون عليا حتى بس بحس مش لاقيه...ومعدتش حتى قادره اثق بالبشر ولا اضمن وجودهم....وبحس حياتي بقت شئ مش لطيف خالص بجد....

هوا ايه وصلنا لكده خلاص مبقناش واثقين فحد خالص حتا جينا هنا عشان نتكلم ونطلع من جوانا بس برضو لسا خايفين طب خايفين ليه ده لو الي هتحكيلو وحش كدا كدا تمامو بلوك بس هوا العقل بقي خايف يتعرض للخزلان حتا من حد ميعرفوش حاسس بكل حد بيخاف يتكلم

حاسس بحاجات كتير اوي و من كترها و كتر ما بكتمها مع مرور الوقت مبقتش عارف احدد انا حاسس ب ايه بظبط بس كل اللي عارفه اني بقيت بقعد لوحدي كتير جدا مبقتش بحب اقابل الناس مع اني مكنتش كده في كيمة ضغط داخلي كأني تحت المايه و بغرق و كل ما بغرق الضغط بيزيد و نور الشمس بيختفي واحده واحده مش عارف اعمل ايه ؟

فيه وجع محدش بيشوفه... وجع إنك تفضل طول الوقت تقول: "أنا كويس"، وأنت من جواك بتحاول تجمع نفسك. تضحك وسط الناس، ولما ترجع لوحدك، تلاقي كل اللي كنت مأجله من مشاعر مستنيك. مش كل اللي ساكت مرتاح، ومش كل اللي بيبتسم سعيد. فيه ناس كل اللي محتاجاه، حد يحس بيها من غير ما تضطر تشرح، وحد يطمنها إن الأيام الصعبة مش هتفضل للأبد. 🖤 Fresh Lemon

عمرك حسيت إنك بركان قرب ينفجر من كتر الكتمان؟ وإن جواك اتنين بيحاربوا بعض وأنت الثالث اللي واقف ساكت وبيتفرج؟ أنا شاب عندي 18 سنة، بس حاسس بوحدة وخنقة مش طبيعية، مخنوق جداً ومش طايق نفسي وجوايا تراكمات كلام وأحاسيس ملهاش آخر. حاسس بفراغ رهيب من جوايا، ومش لاقي حد خالص في حياتي أثق فيه، أكلمه وأطمن معاه وأحكيله وأطلع معاه كل الزعل اللي كاتمه. أنا بطبيعتي شخص عقلاني جداً ودماغي سابقة سني وناضج عقلياً، مش زي العيال بتاعة اليومين دول واهتمامات السوشيال ميديا والحاجات دي. أنا الحاجات اللي بيهتم بيها اللي في سني مش بتفرق معايا تماماً، بتعامل وبفكر كأني واحد عنده 23 أو 30 سنة، وبهتم بحاجات الناس الكبار دي، وكل الناس اللي بتعامل معاهم بيقولوا لي نفس الكلمة إن عقلي سابق سني بكتير. الخنقة والفراغ اللي أنا فيهم دول بيفكروني دايماً بكلمات أمير عيد في أغنيته لما قال: > "جوايا اثنين وأنا الثالث، والثالث دايماً ساكت سلم بطل يتكلم، ولا بيحس ولا بيتألم.. جوايا عقل وقلب دايماً عايشين في حرب، قلبي حاسس بالذنب وعقلي واخد جنب". دي حرفياً الحرب والصراع الداخلي اللي عايشه كل يوم؛ صراع مابين إني كمراهق في السن ده محتاج حد يكلمه ويسمعه، وبمعنى أصح محتاج "أنثى" في حياتي، بس في نفس الوقت عقلي واقفلي وبيقولي لأ مش وقته، ولسه لازم أكبر وأخلص تعليمي وأبدأ أشتغل وأستقر علشان أبقى أفكر في الموضوع ده. الأزمة الكبيرة إني معنديش الإرادة الكافية اللي تخلي عقلي ينتصر على قلبي، وفي نفس الوقت معنديش الإهمال الكافي اللي يخلي قلبي ينتصر على عقلي، ومحدش فيهم عارف يفوز على الثاني، رغم إني شخص عقلاني ودايماً بفكر في مستقبلي وإني أكون إنسان ناجح. أنا شخص اجتماعي، بس مابتكاملش مع ناس كتير من اللي في سني لأني مش بلاقي حد شبهي خالص، فبتعامل أكتر مع ناس أكبر مني (في العشرينات والثلاثينات)، واللّي في سني قليلين جداً. كمان أنا عشت في أسرة حصلت وفيها مشاكل كتير قوي، وده خلاني مابقاش أثق في أي حد؛ لا أسرتي ولا أصحابي ولا أي حد.. ممكن أثق بس مش بدي الأمان 100% أبداً. علشان كده حاسس بالوحدة، مش لاقي حد يقدّرني ويكون عايز يسمعني من غير ما أطلب منه وأقوله "أنا عايزك تسمعني"، حد يكون مهتم بيا بجد، وفي نفس الوقت عندي احتياج عاطفي كبير لوجود بنت في حياتي (مع العلم إني راجل مش بنت). بالنسبة للناس الكبار، أنا بفهم في لغة الجسد كويس جداً وبفهم عقلية أي حد قدامي، وعندي ذكاء عاطفي وعقلاني كبير. بس لما باجي أتعامل معاهم بحس إني ممكن أكون تقيل أو خانق بالنسبة لهم لو فتحت لهم قلبي، لأنهم ملتزمين بشغل وبيت وأسرة ومش عايز أضايقهم. أما بالنسبة للناس اللي في عمري أو أصحابي أو أسرتي، فمش قادر أثق فيهم.. أنا جربت قبل كده أتكلم معاهم في حاجات، وفي الآخر برجع أندم ندم شديد إني اتكلمت وفتحت قلبي. مابلاقيش غير تريقة واستخفاف بكلامي مهما كان كبير أو صغير، ده لو لقيت حد يسمع أصلاً وميكونش ماسك التليفون ومشغول عني وهو بيكلمني، أو بلاقي حد ياخد كلامي ويستخدمه ضدي ويقوله لحد تاني كخيانة للثقة، أو دايماً انتقاد ومبسمعش كلمة حلوة. أنا واحد دقيق جداً وباخد بالي من أدق التفاصيل، وبعرف أزاي أكسب أي حد قدامي وأخليه يحس إني عزيز عليه حتى لو ميعرفنيش. فا انا دايما عايش بمبدأ: (دائرتي صغيرة لأنني اهتم بالجودة و ليس الكمية) الوجع والندم بقا بييجي لما الشخص اللي قدامي يستقل بكلامي أو يتفق عليا او يستخدم كلامي ضدي وأنا واخد بالي كويس ومستوعب لغة جسده ومشاعره. تراكمات الزعل والجد والاحتياج دي كلها مخلية جوايا بركان وعايز ينفجر.. هل حد هنا بيمر بنفس الصراع ده؟ وأعمل إيه علشان أطلع التراكمات دي من غير ما أندم؟

كنت مسحت البتاع ده وهمسحه تاني عادي بس حاولت اطلع الي جوايا بشتى الطرق ومعرفتش عشان كده قررت اعمل غلطة صغيرة احسن من غلطة كبيرة وهي الكتمان والكتمان بيجيب عصبية وبلا بلا بلا من الاخر كده انا قررت خلاص اروح لاي مستشفى جامعي واعمل استشارة عندهم لاني فعلا في حالة مزرية وانا تعبت انا كل شيء بفكر فيه حتى لو مش مقتنعه ففيه ناس جوا دماغي مقتنعين عادي يا جماعه انا عايشة لوحدي في عالم تاني حرفيا انا عايشة ديما في خيالي انا كاني مش مع حد سواء كنت مع اهلي مثلا قي مناسبة او كده ولكن دماغي مش معاهم انما هي مع سناريوهاتها الوهمية لانها شايفة ان الحياة مملة جدا والناس رخمين وكمان شايفة ان مفيش حاجه مهمة غير اني اعبد ربنا وحرفيا كل يوم بيتعد لحد ما اموت ايوة انا الموت بالنسبالي حاليا بقى من اكبر الاهداف بكره كل الناس ومفيش غير حد واحد في بالي نفسي قررت تستعمله ضدي فانها تكرهني في عشتي وتكتر السناريوهات على قد ما تقدر وانا اساسا مش في الكدر سعات الوعي الزيادة بيودي للجحيم فعلا وانا ناس كتير جدا شايفاني كده وانا منكرش ده ومنكرش اني فاهمه نفسي ولكن للاسف انا بردو فاهمه ان الدنيا ملهاش قيمة امام الحياة الاخرة وده ليه مميزات وعيوب والعيوب اني actuallyمش قادرة اعيش اساسا وعايشة في عالم اخر مفيهوش شفقة حتى انا بكره كل حاجه ونفسي اموت ولكن guess whatانا مش شايفة نفسي مؤهلة اني احقق الي نفسي فيه واكون من اهل الفردوس الاعلى ولسة محتاجه شغل اكتر ولكن الزمن ده مقرف والناس مقرفة مش برمي غلكي على الناس ولكن صدق رسول الله صلى الله عليه وسلم (القابض على دينه كالقابض على جمرة من نار )

*بقولها لي نفسي❤️‍🩹* *بكتشف إني بقول أوجاعي بدون صوت* *بحكيها بعيوني بسكوتي بتغير ملامحي* *الناس تشوفني عادي تضحك وتعدي* *وهي مش دارية إني جوايا معركة مش بتخلص* *الوجع الصامت أوحش وجع* *لأنه مبيطلعش بيفضل ياكل فيك من جوه* *تصرخ ومحدش يسمع تبكي ومحدش يشوف* *وتفضل تقول لنفسك أنا كويس* *لحد ما تصدق الكدبة وتتعب أكتر* *بس يمكن كده أحسن* *عشان اللي بيوجع بجد ميتقالش* يارب والله بموت بجد 💔ادعولي

انا مثقله بكلام كتيرر نفسي اقوله حاسه لو قولته هيخفف عن قلبي كتيرر نفسي ف طريقه اتكلم واقول كل ال عايزه بس م مع شخص يعني م عايزه حد ينصحني يقولي كلمي حد من صحابك او اهلك لا عايزه كريقه اكلم بيها نفسي بس تخفف عني م عايزه اتكلم مع حد مبحبش احكي لحد حاجه انا عايزه اتكلم واطبطب وكل حاجه لنفسي صدري مكبوت اوي وحاسه نفسي ضيق من الثقل ال ع صدري وحاسه اني محتاجه اعيط ابوح بال جوايا من غير ما يتقلي لي شايله كل د وكل د ميستاهلش 💔

مش كل رسالة محتاجة رد، ومش كل حكاية محتاجة حل. أوقات الواحد بيبقى محتاج يرمي اللي جواه وخلاص، زي واحد شايل حمل تقيل من فترة، او مجرد فضفضة عابرة وأول ما نزله حس إنه أخف... رغم إن الحمل نفسه ما اتغيرش. Fresh Lemon

لو حد فاكرني أنا كنت نزلت بوست من فترة وقلت إني دخلت الأبلكيشن ده عشان أتكلم وأفضفض يمكن ألاقي حد يسمعني من غير ما يحكم عليا النهارده وبعد كل الوقت ده لسه شايل نفس الحمل ولسه مقدرتش أقول لأهلي الحقيقة أنا مريض كانسر وكمان مريض قلب وبعيش كل يوم بين الخوف والوجع والتظاهر إن كل حاجة بخير يمكن ناس كتير هتستغرب إزاي مخبي كل ده، لكن اللي يعرف إحساس إنك خايف تكسر قلوب أقرب الناس ليك هيفهم أنا ساكت ليه أنا مش بكتب الكلام ده عشان أشفق حد عليا ولا عشان ألفت الانتباه أنا بكتبه لأن الحمل بقى تقيل ويمكن الكلام يخفف شوية ادعولي يمكن دعوة من قلب حد فيكم تكون سبب في فرج أو شفاء، وربنا يهون على كل مريض ويطمن قلب كل واحد شايل وجع لوحده

انا مضايقه من حاجات كتير مووتت بجد 🥲.. فكرت ان اول ما اخلص ثانوي هرتاح انا بجد مضايقه و مش عارفه احكي لمين و طول اليوم بضحك و هزر حاسه اني اتجننت ( مش عايزه حد يستظرف و يعلق يقول نصاحب و بتاع قررررففف اويييي اكبروا و خليكوا بني ادمين طبيعين بقا)

فرحت جدا بفكرت اني هكلم منغير محد يعرفني انا نفسي في حد يسمعني بجد منغير ميحكم عليا حد بس افضيلو دماغي لاني مضغوط جدا وعندي مشاكل كتير عاوز حد يسمعني وميحكمش ولا يضيق حد يكون رويح لاني حياتي مكلكعه

بقالي يومين مخنوق والمشكلة معظم اللي حواليا مش فاهمني جوايا كلام كتير عايز اقوله بس مفيش حد وممكن كمان عشان معظم اللي بيحصل معايا مش بحكيه لحد ف دا مخليني مخنوق أكتر حاجات كتير بتحصل معايا بس مش بحكي ل حد ولما أجرب أكلم حد بندم اني اتكلمت

انا اهدي شخص ممكن تتعامل معاه في حياتك وده في حد ذاته متعب... بواجه معظم مشاكلي بالسكوت والكتمان واللي حوليا كلهم شايفين ان انا شخص صبور وبتحمل بس الحقيقة ان كل يوم باخد من سلامي النفسي وروحي حتة .... مشاكل كتير في حياتي لكن انا مش عارف اواجه ولا اتكلم علشان بحس اني هبقي تقيل وانا مش بحب اكون تقيل .. نصايحكم؟

بوست طويل عشان لو حد عايز يسكب من الاول اول مرة احس اني مرهقة كده من التفكير نفسيا وبدنيا ذكرى واحدة عمالة تتعاد ادام عيني من فترة كبيرة ومش راضية تتمحى مش مأثرة على حياتي على اد ما هي مأثرة عليا وعلى نفسيتي وعلى دماغي مبقتش قادرة اسكت اكتر من كده سر بقاله اكتر من اربع سنين لو اكتر مكرهني في شخص بتعامل عادي بس انا جوايا كارهه او مش قابلة الاجازة مهلكة عليا وعلى دماغي بجد حصل فيها كمية احداث متعبة بجد انا ساكتة بقالي كتير اووي وكل حاجه اتراكمت عليا بجد قبل اي حاجه انا مش عايزة احكي انا بنقل احساسي دلوقتي احساس العجز من انك مش قادر تتكلم واحساس التعب من انك خلاص جبت اخرك اقسم بالله حاسة بجبل على صدري مش قادرة اتحرك ولا قادرة اتكلم ولا قادرة ابطل عياط طول عمر الموضوع في دماغي بس كنت بشغل نفسي بحاجات كتير بس دلوقتي انت ودماغك بس في الفترة دي اكتشفت حاجات كتير اوي عن نفسي انا مكنتش اعرفها اولها اني كنت بتناسى الذكرى دي كانت في دماغي بس طول عمري بقول اني ناسية وان اللي حصل ده حصل في دماغي بس وان ده مش حقيقي لحد ما قابلت شخص عنده نفس المشكله رجعت لنقطة الصفر اللي انا اوردي عندها بس انا مش مقتنعة واكتشفت عني اني عمري ما حكيت بجد عمري ما حكيت مشكله حقيقة كل مشاكلي كانت صغيرة بتداري حاجات كبيرة وراها اكتشفت ان صحابي بيحكولي حاجات كتيره وانا عمري ما تجرأت وحكيت بحكي البارت اللي انا عيزاه بس واسيب الباقي لنفسي لحد ما اكتشفت اني بجد محدش يعرف عن حياتي حاجة انا لو في نقطة تحت الصفر فا انا عندها بجد مش بأفور الفكرة اني بعد كل ده بصحى عادي جدا امارس يومي وبضحك وبهزر وانا اللي معروف انها بتعمل اجواء في المكان وبعمل كده اقسم بالله ببقى كاتمة العياط بالعافية

بتصعب عليا نفسي ان من و انا صغيرة اتعودت اسكت عن حقي و لو حصلي مشكلة محكيش عشان مفيش حد معايا، لحد دلوقتي لو حصلي مشكلة و حتى لو انا صاحبة الحق مش بقول لحد و بسكت عن حقي عشان مفيش حد يقف معايا. بجد دي اكتر حاجة مؤلمة علي مر السنين و حصل حاجات بشعه و انا صغيرة و محكتهاش، اني لحد دلوقتي بسكت دي حاجه بتوجع اكتر.

مافي شي اسوء من انك تفكر ب 4k بس تتكلم ب 144p"المشكلة مو إني ما أعرف أحكي، المشكلة إن اللي براسي أكبر من الكلمات اللي عندي و الي بيقدر يفيدني يفيدني و هل أنا بتحاج دكتور او خلص مش عارف شو بالزبط

والله حرفيا يا جماعه مش اي حد يستاهلنا ولا يستاهل الكويس مننا الوحد فعلا بيتعامل بالي بيتربه عليه وبطيبه قلبنا مع ان في ناس ف حياتنا بس الواحد بيختار الوحده وراحه البال لان حرفيا الواحد مبقاش عنده طاقه لحاجه ولا عنده طاقه حتي انه يعاتب حد علي حاجه غلط عملها عشان ميدخلش ف نقاش يتعبك ف الواحد بيكتم جواه ويسكت افضل يمكن ده سبب حجات قديمه او ناس هي وصلتك تبقي حد او وضع الحياه ف العموم والله الواحد مبقاش فاهم ده سببه اي وليه لدرجه ان الواحد بقي يخاف يدخل ناس جديده ف حياته او يدخل حد ف حياته العاطفيه بسسب انك مش فاهم حاجه 😑

مشكلتي إني بقضي معظم وقتي لوحدي، ونفسي يكون عندي صديقة نتكلم بشكل مجهول، نسمع بعض ونشجع بعض ونساعد بعض نعدي الأيام الصعبة. هل ده شيء طبيعي ولا أنا بطلب حاجة نادرة؟ مشكلتي إني بقضي معظم وقتي لوحدي، ونفسي يكون عندي صديقة نتكلم بشكل مجهول، نسمع بعض ونشجع بعض ونساعد بعض نعدي الأيام الصعبة. هل ده شيء طبيعي ولا أنا بطلب حاجة نادرة؟

محتاجه احكي وافضفض عن الي جوايا والي حاسة بية بس دايما لو البنت اتكلمت يقولو عيب وغلط هوه انا مش انسانه ومحتاجه حد جنبي الوحدة صعبه طول عمري لواحدي وياريت بنات عشان الموضوع محرج جداااا

قاعد مع نفسي وباخد كوفي في مكان عام وبفكر في كل اللي مريت بيه وشايف موقف قدامي "لمحت بنت بتعيط وهي بتتكلم في الموبايل وبتحاول تخبي دموعها عشان الناس ماتاخدش بالها" الموقف ده رجعني بالزمن لورا وفكرني بكام مرة كل واحد فينا اضطر يلبس قناع إني تمام وكل حاجة زي الفل وهو من جواه مهدود ومحتاج بس حد يسمعه من غير ما يحكم عليه أو يقوله معلش جمد قلبك أنا كراجل عشت سنين طويلة من حياتي فاكر إن القوة هي إني أكتم الوجع وإن الضعف عيب لحد ما اكتشفت إن الكتمان ده بيحولنا لأشخاص قاسية ومطفيين وبندخل في علاقات لمجرد إننا خايفين من الوحدة ونيجي على كرامتنا وصحتنا النفسية عشان نرضي أطراف تانية وفي الآخر بنخرج فاقدين الشغف وبنسأل نفسنا هو أنا مكنتش كفاية والموضوع ده غالبا بيبدأ من صدمات الطفولة وضغوط الأهل والمجتمع اللي بتجبرنا نعيش في قوالب مش شبهنا ولازم نطلع مثاليين وممنوع نعبر عن تعبنا التشافي الحقيقي بدأ معايا لما سمحت لنفسي أضعف وأواجه مخاوفي وأصلح علاقتي بنفسي عشان كدا حبيت أكتب الكلام ده هنا ..

السلام عليكم طيب عندي مشكلة مع التعبير مش بعرف اعبر عن حزني او عن حاجة مضيقاني في العموم بفضل بطاقة الحزن دي جوايا و مش بعرف اطلعها حته اقرب الناس ليا مش بقدر احكيلهم و بحس ان انا احكي عن نقطة ضعفي دي حاجة هتبين ان انا ضعيفة و انا مش بحب ابقى كدا طيب عارفه انه مش كدا بس دي تخيلات في عقلي و مش هعرف اغيرها 🤷🏻‍♀️

حاسس إني مخنوق بجد الفترة دي. كل شوية أقول هقوم أظبط حياتي وأركز في شغلي ومستقبلي والكورسات وكل حاجة… وبعدها ألاقي نفسي واقع تاني من غير سبب واضح. بقيت شايل جوايا كلام كتير ومش بعرف أطلعه لحد. دايمًا عامل نفسي قوي وقد الدنيا، لكن الحقيقة إني تعبت. ضغط شغل، خوف من المستقبل، إحساس إني لازم أنجح بسرعة وإني متأخر عن ناس كتير… وكل ده بياكل فيا واحدة واحدة. وأوقات كتير ببقى محتاج حد يسمعني بس، مش لازم يحل حاجة. مجرد كلام من غير ما أحس إني تقيل أو بكدر على حد. لو حد مر بفترة زي دي قبل كده وقدر يعدّيها، ياريت يقولي عمل إيه… عشان حاسس إني لو فضلت كاتم أكتر من كده هفرقع.

مش بحب اكتب حاجة مضيقاني او اعرف حد اني متضايقه و كدا بسس بجد انا متضايقه مش عاوزه احكي الموقف بصراحة بس بجد موقف مضايقني موت و مش عاوزه احكي برضو هو عامة مش بحب احكي لحد انا زعلانه ليه او ابين لحد اني زعلانه حته 🤷🏼‍♀️ محدش يدخل يقولي مالك؟ و الكلام دا ماشي انا قولت اهو مالي

أنا بجد كنت سيبت التطبيق ده لانه فيه ناس غريبة بشكل مرعب حاله حال الدنيا أكيد بس هي مش ناقصة أصلها بس عادي مش لاقية حد أقوله حاجة وبحب أطلع اللي جوايا عشان بحس اني كل ما كتمت بتعب أكتر مش عارفة ليه بقيت بحس ان من كتر الحاجات اللي بتحصلي دي ان ربنا بيحبني أوي أوي وبيبقى عاوز يطهرني من أي ذنب عملته وبعمله اه الحاجات دي متعبة فوق الوصف وبتوصلني كتير للانهيار بس خلاص بقيت حاسة انه عادي يعني الدنيا فانية واللي يحصل يحصل بقى حقيقي مش عارفة ده تصالح ولا ده حالة نفسية ولا ده ايه والناس .. الناس بقيت متوقعة دايما انهم ماشيين اللي هو أكيد انت مش مكمل لا أكيد هتبعد أكيد هتنسى أكيد أنا مش مهمة لأي حد فعادي بردو كله عادي خلاص مفيش جديد بس كدة ده اللي جوايا حاليا طلب أو رجاء أخير بلاش كلام وحش أو تعليقات غريبة عشان حقيقي بتؤذيني وفي نفس الوقت بطلب منكم دايما الدعاء ولكم بالمثل والله أنا بتمنى لكل الناس تبقى مبسوطة من قلبي شكرا ❤️

حاجه جواكوا مش قادرين تقولوها لحد 🥲 النفس تبكي على الدنيا وقد علمت أن السعادة فيها ترك ما فيها لا دار للمرء بعد الموت يسكنها إلا التي كان قبل الموت يبنيها فإن بناها بخير طاب مسكنها وإن بناها بشر خاب بانيها امولانا لذوي الميراث نجمعها ودورنا لخراب الدهر نبنيها اين الملوك التي كان مسلطنة حتى سقاها بكأس الموت ساقيها

اكتشفت إن مش كل حاجه ينفع تتحكي حتى لو كنت واثق في الشخص ده بلاش ترتاح مع في الكلام عشان مش كلو هيفهم نيتك ومش كل الي قال أنا معاك معاك بلاش تطلع اسرارك لحد والله خليك ساكت علا الاقل كنت هتفضل زي منتا

انا دايما وحيد ومحدش جمبي محدش بيسمع مشاكلي عمري ما لجأت لاني اتكلم مع مش عشان انا كتوم ولا كده بس عشان اصلا انا معنديش حد احكيله معنديش الحد اللي اثق فيه لدرجة اني ابكي واجيب كل اللي ف قلبي قدامه والله الكتمان بياكل الروح انا مش عارف اتكلم ولا اعبر عن احساسي مش عارف اروح ل مين واقوله عاللي انا فيه مين هيسمعني مين هيحس بيا وباللي بعيشه كان نفسي ف حد من غير ميتكلم ياخدني ف حضنه ويطبطب عليا كفايه اني ابقي متأكد انه حاسس ب وجعي انا تعبت ومش لاقي طريق يخرجني انا واثق ان ربنا حنين قوي وشايف تعبي اللي انا مش عارف احكيه لحد شايف الدمار الشامل اللي جوايا شايف كسر قلبي وشايف وحدتي وشايف كسرة نفسي وانا مش لاقي حد اتكلم معاه ولا حتي ارفع سماعة تلفون ع حد واشكيله ربنا الوحيد اللي شايف قد اي انا ضعيف ومستهلك شايف كتمة دموعي وبتعامل عادي وانا موجوع كأن سيف تلم دخل ف قلبي وماشي ب وجعه ربنا عالم باللي فيا مهما إتداري ومهما كتمته جوايا عال ب خنقتي وب قلبي المكسور وروحي اللي حاسسها هتطلع مش عارف اقول حاجه تاني غير اني تعبت اتهلكت ومبقتش قادر استحمل انا جبت اخري بالمعني الحرفي ل كلمة جبت اخري

حاسس اني فاقد القدره علي الكلام مخنووووووووق جدا جدا ومش عارف اروح فين ومش فاهم السبب لو حد سألني مخنوق من اي مش هعرف ارد انا لما ببقي كده بيبقي جسمي كله سايب مش ب نفسي ولا بجسمي رامي دراعاتي وببقي مش عايز اتحرك بحس اني لو جيت احرك ايدي مش هعرف انا مخذول من كل حاجه حتي من نفسي انا مفيش حد بيأذيني اكتر من نفسي معرفش انا محتاج اي هل انا محتاج حد احكيله طب انا والله ما عارف اتكلم لو اتكلمت هحكي اي ولا ولا اي انا مش قادر اقول غير اني تعبت ويأست وانا مليش حد معنديش صحاب انا مخنوق وممكن لو عوزت انزل معنديش حد اقوله تعالي انزل معايا معنديش اقوله انا مخنوق اوي تعالي اسمعني معنديش صاحب انا محتاج وجودك جمبي كل الناس اللي ف حياتي مفيش ولا واحد اقدر ارفع عليه سماعة تلفون اقوله انا مضايق ومخنوق عمري ما حكيت لاي عن اللي جوايا ولا عمر حد سمعني انا دلوقتي شخص صامت كل اللي حاسس بيه الم ف صدري الم بين ضلوعي وزعل وعيني مليانه محتاج افرغ كل دموعي وكل اللي حاسس بيه ف حضن حد يسمعني حد بيحبني انا مبيحبش اي حاجه انا فيها انا مبقتش فاهم اللي انا فيه ومبقتش عارف اعبر عن احساسي انا مش فاهمني مش فاهم حاجه حرفيا تعبت اوي ومش شايف مخرج من اللي انا فيه

مش عارف مالي الفترة دي بس حاسس إني مخنوق جامد. كل شوية بقول هقوم وأظبط الدنيا وأرجع أركز في مستقبلي وشغلي والكورسات وكل حاجة… وبعدها بلاقي نفسي واقع تاني. بقيت شايل جوايا كلام كتير ومش بعرف أطلعه لحد. ودايمًا عامل نفسي جامد وقد الدنيا، بس الحقيقة إني تعبت والله. حاسس إني تايه شوية… لا عارف أبقى مرتاح ولا عارف أبطل تفكير. ضغط شغل، خوف من المستقبل، إحساس إني لازم أنجح بسرعة وإني متأخر عن ناس كتير، وكل ده بياكل فيا واحدة واحدة. وأوقات ببقى محتاج حد يسمعني بس، مش شرط يحل حاجة. حد أفك معاه من غير ما أحس إني تقيل أو إني بكدر عليه. لو حد مر بالفترة دي قبل كده وعداها، ياريت يكلمني أو يقولي عمل إيه… عشان حاسس إني لو فضلت كاتم كده هفرقع يبرو.

والله ما علاباليش وش نقول، راسي راه معمر وفي نفس الوقت حاس روحي فارغة، كلش مخلوط وما قدرتش نعبّر. تعبت بصح، تعبت من هاد الحالة ومن كلش داير بيا. مرات نحس غير نحب كلش يوقف شوية باش نقدر نفهم روحي ونرتاح. ماشي نطلب حل ولا حاجة، غير حبيت نهدر شوية خاطر كتمان كلش راه يرهقني. ما نعرفش وش راه جاي ولا كيفاش تكون الأيام الجاية، بصح نتمنى غير تجي أسهل شوية. إذا تقدر، ادعيلي برك، هذا واش نحتاج درك.

بصراحة ومن غير مجاملة ولا قسوة. من اللي حكيته الصورة اللي باينة مش “شخصية وحشة” ولا “نفسية ضعيفة”… الصورة أقرب لـ: إنسانة اتعرضت لضغط وصدمات كبيرة ومتراكمة، واضطرت تتعلم تعيش وهي شايلة أكتر من طاقتها. عن شخصيتي واضح فيا حاجات قوية جدًا: عندك وعي بذاتك (بتلاحظي حالتك وبتسألي عنها) عندك قدرة على التحمل عالية جدًا وبتحاولي تكمّلي رغم التعب (شغل، جيم، مسؤوليات) وفي نفس الوقت: بتكتمي كتير عشان تحمي نفسك وبتتحملي لحد ما توصلي لمرحلة انهيار داخلي وبتحتاجي أمان عاطفي مش دايمًا متوفر عن نفسيتك اللي ظاهر مش “حزن عادي”: اكتئاب على فترات ثِقل وإرهاق نفسي تأثير صدمات قديمة لسه بيطلع مع وسواس قهري (وده بيزود الاستنزاف) وده مش معناه إنك “مش بتتحسني”، معناه إن في طبقات كتير بتتعالج ببطء عن حياتك حياتك فيها: انتقالات وضغوط مفاجئة فقد وأحداث صعبة فترة كورونا وعزلة تجربة أسرية فيها أذى وبعدها تحسّن ده كله يخلي الإحساس العام عندك: “أنا عديت بحاجات أكبر من طاقتي من غير دعم كفاية وقتها” عن تصرفاتك تصرفاتك دلوقتي (الكتمان، التحمل، السعي إنك تكملي) مش غريبة… هي طريقة نجاة اتكونت عندك مع الوقت مش عيب فيك، لكن محتاجة تتعدل عشان ما تستهلككيش الخلاصة الصريحة إنتي مش “مكسورة” إنتي مرهَقة ومحمّلة فوق طاقتك فترة طويلة جدًا وفيك قدرة واضحة على التحمل… بس محتاجة تتحول من “أتحمّل” لـ “أتعافى” ولو هقولك رأيي في جملة واحدة: إنتي إنسانة قوية زيادة عن اللازم… لدرجة إنها تعبت نفسها

لو كل واحد يسيب التاني في حاله ومايعملش نفسه حاكم ومُنزّه بجد هنرتاح يعني لو تعرف اللي عمال يضحك ويسف ويهزر ده قد ايه بيحاول يخبي اللي جواه بكل طاقته عشان بس مايتقالوش انت ضعيف أو مش صابر أو شكاء أو نكدي لو تعرف اننا ساعات بنضحك عشان بس نتأكد ان قلبنا لسه عايش مماتش لو تعرف اللي تخن تخن يمكن من دوا أو حالة نفسية أو حتى خلل هرمونات حرق أو حتى يا سيدي الأكل الحاجة الوحيدة اللي بتبسطه واللي قل وزنه كمان لو تعرف اللي وشه كبر فجأة كبر من ايه لو تعرف اللي بينام بينام على ايه ويصحى على ايه أو حتى بيحلم بايه لو تعرف اللي ماتجوزش ماتجوزش ليه واللي ماخلفش ماخلفش ليه لو تعرف هو حاسس ايه لو تعرف بيتعامل في بيته ازاي وبيشوف نفسه ازاي لو تعرف هو شايل هم ايه لو تعرف القلوب مقفولة على ايه ووالله مش مطلوب منك ولا المفروض تعرف كل ده بس تعرف تسكت وماتحكمش وتسيب الناس في حالها تعرف لو عاوز تتدخل تخليك ايد رحيمة مش ايد قاسية بتخنق ارحموا شوية لعلنا نُرحم😢

انا اوقات بحس ان جوايا فراغ كبير واني لوحدي ونفسي اوي احس ان في حد جنبي بما اني معنديش حد في حياتي كوني شخص وحيد فا دا مأثر فيا ومقدرش اطلب من أهلي ان عايزه شخص ف حياتي هيشوفوها عيب وهتحرج اطلب حاجه زي دي انا شخصيه كتومه جدا وزعلانه اوي اني مبقتش بقدر اعيط زي الاول نفسي ارجع لنفسي القديمه واعيط واستفرغ طاقة الحزن دي بكتفي اني بفضل سرحانه صعبه اوي

سلام عليكم انا اللي كنت منزل من ساعة لما قولتلكم ممكن تفرحوني... المهم دلوقتي انا عايش لوحدي الفترة دي ومخنوق جدا جدا وبقالي ساعة مش عارف انام من الزعل التراكمات مأثرة عليا جدا جماعة والله انا مقفولة عندي من كل ناحيه انا عايز حد يسمعني لحد الاخر عشان يقدر يحكم عليا الكتمان ده تعبني وعملي مشاكل غير المشاكل التانيه اللي انا فيها... مش عارف اقول ايه تاني بس يارب البوست ده يجيب فايدة لان ده اخر امل

بقيت اسمع اكتر م بتكلم كنت من فتره بعرف احكي اللي جوايا وكنت مبسوطه من اني لقيت حد يفهمني بس حتي الحد ده طلع زيهم بالظبط اتخدعت فيه من الاخر اينعم كنت بعرف احكي كل حاجه معاه وبعرف اعبر عن اللي جوايا من خنقه وكان فعلا جمبي وبيحاول يحل معايا بس دلوقتي خلاني اتاكد اني مثقش غير ف نفسي وبس دلوقتي بقيت احب اسمع كل اللي قدامي واديهم ف حلول واكون جمبهم وادعمهم لحد م يكونو كويسين وبخير ، لكن انا اتكلم او احكي حاجه جوايا للاسف مبقتش اعرف ولما حد يسالني احكيلي مالك دايما بهرب من السؤال ده اللي هو محدش يسألني اي حاجه عني لكن أنا اسأل عادي واحاول احل ، غير كده انا مش قادره اتخدع تاني حقيقي مش قادره لانها كانت صدمه كبيره اوي بالنسبالي ومعنديش طاقه اتصدم تاني في اي حد مهما كان مين اه اوقات كتير بتيجي عليا وعايزه احكي لحد فاهمني بس في حاجات كتير بتمنعني احكي وهو ان دماغي دايما مهيألي ان محدش هيفهمني وان كل الناس زي بعضها وبقا عندي تروما من قربي للناس حقيقي انا تعبت اكيد مش قادرين تفهموني صح؟؟

أنا شخص كتوم جدا و انطوائي وحالتي النفسيه صعبه بسبب الوحده غير كدا التاتاه وانا وانا بتكلم والناس اللي اعرفهم بعاملهم بشخصياتهم عشان عارف ان الڤايب بتاعي أو كلامي أو تفكيري أنا مش هيحبوا أو هيكسلوا أو تسليك وماشي تمام انت زي الفل وخلاص وغير كدا أنا مش بحكي حاجه عن حزن أو غضب ليه. خالص أنا دائما يقابل اي حد بهدوء لدرجه برود عشان خايف اترفض أو اتجرح من كلمه عشان أنا للاسف بفكر فكل كلمه حد بيقولها ويحاول أتوقع بناء على كلامه معايا هيقول ايه فبتراجع وغير اني مش بعرف اختار اصعب حاجه فحياتي الاختيار بين حاجتين يعني اختار اقول ولا لا أو اقول الموضوع ده ازاي بالطريقه الفلانيه ولا الطريقه العلانيه وكذا وقيس ده برضو عشان اني بفكر. كتير اوي بفكر كتير فكل حاجه حرفيا مبقدرش مفكرش لدرجه خلاص عيني شكلها غريب من قله النوم وتحسها ميته وينام كتير اوي أو بنام قليل اوي للاسف الموضوع معايا مش من سنه ده من زمان فتره طويله حتي لما كنت أصغر وزاد بعد. وفاه جدتي السنه اللي فاتت الله يرحمها يارب أنا آسف لو طولت بس كنت لازم اكتب اي حاجه عشان تعبت من الكتمان +معلش تعديل عشان نسيت حاجه مهمه واعتقد واضح ذاكرتي ضعيفه بطريقه بشعه وتركيز قليل جدا رغم اني في أحداث من ايام زمان اوي فاكرها بالتفاصيل حرفيا ممكن اعمل حاجه والف انساها أو حد يقولي حاجه مهمه مثلا انسا الموضوع برضو مأثر عليا وبقا محسسني اني بقيت شخص تاني وخائف النسيان يزيد

هو انا امتي هشارك؟ امتي احس بشعور المشاركه؟ بحس ان فيا حاجه غلط والله معقول مش بعرف اتعامل او بغلط وانا مش واخد بالي الوحدة والكتمان تعبوني وعايش لوحدي كنت مستني السند من اهلي بس للاسف مش بطيقهم بعمل اللي عليا سواء من مذاكرة وغيره بالعافيه بطاقه صفر حرفيا

هلا ليه دلوقت بعد ما كنا كاتمين مشاعرنا بقينا عاوزين نطلعها نيجي نطلعها لناس منلاقيش منهم نفس الشعور وليه لما يكون فيه ناس عاوزه تحبنا احنا مش بنبادلها ليه احنا بنختار المؤذي لينا ؟؟؟ بجد

سبب صمتي وكتماني هو عجز الكلمات عن وصف شعوري حاسة ان حتى لساني مش حاسس بيا ومش قادر يعبر بتغلبني الضحكة ونا بعبر وتلقائيا بلاقي لساني بيعبر عن الموضوع كانه خفيف وعادي لكن والله ان قلبي يحترق وروحي تذبل

للاسف اتعودت عالكتمان لحد ما جوايا اتحرق بقيت شبه القزاز المكسور الي متلزق حاسة ان جوايا جرح وكل فترة يتفتح ينزف ويلم تاني كدا بقالي ٣ سنين بتعالج من الاكتئاب الاكتئاب والوسواس القهري

حد عنده سر مجنون او مصيبة عملها ومش معرف حد يقولهالي؟ محتاجة طاقة و دوبامين وضحك شوية بجد. وعامة حتى لو سر مؤذي او مشكلة حاجة حزينة يعني قولوها وهحاول اساعد قدر الامكان، او حتى على الاقل تبقوا تخلصتم من حمل كان بيثقلكم لحد ولا تعرفوه ولا يعرفكم، خصوصا ان سر مؤذي بيبقى فعلا صعب على صاحبه اوي انه يشيله لوحده...

جماعه هوا احنا ليه منقولش للناس انهم متربوش في وشهم عادي وانهم عالم جلياطة كدا زمن غير ما نتحرج ونفضل نكتم في نفسنا علي الفاضي ونوجع دماغنا لما نفتح دماغهم والله اسهل واحسن بلاش قرف عشان الموضوع بقي ويرد اوي لما الي قدامك تبقي عارف ان الي قدامك مش هيعرف يرد عليك عشان محترم وزوق مش جلياط زيك وتجي عليه دا يبقي اسمه ايه ؟!

عندي حاجه غريبه دا يمكن بيخليني انسانه كتومه أن يكشف من مشاعري اوي اي مشاعر حزن فرح حب بتكسف يعني مبحبش اتكلم مع حد عن مشاعري يعني لما يكون ف حاجه مزعلاني اوي واجي احكي لحد بعد ما اكتب بحس ايه العبط دا ي بنت امسحي وامسح رغم أنها ممكن تكون حاجه كبيره جدا وتستاهل ازعل عليها

كتير اوي بحس اني عاوز احكي كل حاجة واحكي انا ايه وصلني للي في بس بحس محدش مناسب انو يسمعني يعني بحس ون الكل بيشوفني غلط حتا لو سمعك وصدق كلامك بتحس انو اتغير فكلامو انا بجد نفسي حد يسمعني عشان انا جواي كتير اوي عملت حجات كتير غلط

هل عمرك قابلت شخص ارتحتله لدرجه انك من غير ما تحس حكتله كل أسرارك ؟؟ تفتكر هاتقدر تتكلم وتفصفض مع حد متعرفهوش؟ تفتكر عندك الجراه انك تطلع اكتر الاسرار جزاك واللى دفنتها سنين لو لقيت شخص مناسب ترتحىه وحسين أن هو ده اللى ينفع اتكلم معاه

كل واحد فينا جـواه بـلاك بوكـس ونفسـه يخـرج اللى جزاه من غير ما حد يمسك عليه نقطه ضعف او حتى يستغل ده ضده ومش شرط يكون حاجه معينه بجد اوقات الفضفضه مهم مي.ن عاوزه تحكيى عن حاجه مكتومه ونسمع بعض ؟

سلام جميعا اول بوست لي هون ان شاءالله تكونو لاقيتو حلول لقصصكم المهم انا طبعي كتومة جدا جدا ووو جدا وهالشي اكل مني ومن اعصابي ومن صحتي ومن علاقاتي عبالي اغير هالشي حتى لو بشكل سري و مجهول دمتم 💜

مش عارف اقول ايه وله ابدا منين اول مره اجرب احكي اي حاجه عني اوي مش بي الساهل احكي ديما معروف عني كاتم وديما الي بسمع وبحل وعندي حلول لمعظم المشاكل. بس ده تقريباً شعور الكتمان وكل ده من كتر الكتب الي قراتها بتاعت علم النفس وكدا. المهم انا مش سهل اكلم عن نفسي بس بجد عاوز ارتب حياتي وابدا من جديد في كل حاجة عاوز اكون بجد شخص جديد وناجح. عندي كتير افكار بجد كويسه جداً بس صعبه اني اعملها. حد زي كدا ؟؟!

اوقات الواحد فينا محتاج يبقا معاه ام يحكيلها عن مشاكله ومفيش غيرها الي تعرف انا امي شخصيه ضعيفه اي حاجه بقولهالها بتقولها ل ابويا خلتني احرم اقولها حاجه بقيت بقول ل ابوي اكتشف ان ابويا زي امي بيقولها كل حاجه طيب انا ذنبي اي يكونو ضعفاء الشخصيه ومبيعرفوش يتصرفو لوحدهم في حاجه عايز اقولها لامي محدش غير امي تعرف وفي حاجات بقولها ل ابويا مش عايز غير ابويا يعرف.. خلوني كاتم جوايا مشاكلي خايف احكيها لحد اذا كانو الاتنين دول عملو كدا الغريب هيعمل اي .. هل انا مكبر الموضوع جايز بس انا مش عارف اتعايش معاه ..

أنا أظن أن المجتمع هو لي فرض علينا السكوت و الكتمان، أما أنا فأظن أنها سمة من سمات شخصيتي، لا أعبر هن مشاعري و أحب الاحتفاض بأفكاري لنفسي لأنني شخص حذر جدا و من الصعب أن اتحدث إلى الآخرين و حتى لو حدث و تكلمت مع الناس يكون ذلك بشكل سطحي، باختصار ليس لدي شخص مقرب احكي له

الســـلام عليــــكم عايز اتـكلـم معـاكـو شويه عن موضوع كده دلوقتي انا كنت بحب بنت وانا كنت في اولي اعدادي كده كنت بتدرب اسكيت وشوفتها وفضلت افكر فيها وبقيت بفكر فيها طول يومي وهي مش معايا خالص ولا واخده بالها مني اصلا بس كنت كل شويه اشوفها في كل حته زي تلاقي ارواح كده وكان معايا رقمها بس كنت خايف ادخلها تحرجني ووالله انا محبتهاش بشكلها حبيتها بطيبتها باحترامها مبتكلمش ولاد المهم فضلت كاتم ده كلو جوايا وحبيتها من بعيد بس لحد ما وصلت تانيه اعدادي واختفت من حياتي خالص لمدة سنه ووصلت تالته اعدادي الترم الاول وكنت خلاص قربت انساها ويعتبر اتخطيت حبها . فيوم بقي شوفتها وانا في الجيم كانت واقفه بره بس ملامحها اتغيرت وبقت اجمل من اخر مره لما شوفتها . رجعت فكرتني بكل حاجه بكل حبي ليها ودورت لقيت لسه رقمها عندي وحاليا انا في تالته اعدادي الترم الثاني وخايف اخش اقولها اني بحبها علطول تعملي بلوك وفي نفس الوقت مش عايز اكتم جوايا تاني عشان نفسيتي بتتأثر . اسف لو طولت عليكو والسلام عليكم

عارف شعور الكتمان عارف شعور انك مش قادر تتكلم شعور أن انت تبقا عايزه تفضفض عايز تخرج الي جواك بس مش عارف الكتمان ده مرض عندي من و انا صغيره شعور مؤلم و الي بيقول عليه مريح يبقا مجنون انت مش بتعرف تتكلم في أي حاجه انت عايزه فيها عاطفه يا هتعيط و بردو مش هتعرف تتكلم يا هتلاقي لسانك اتربط و بردو مش هتعرف تتكلم شعور متمنهوش لحد لما بشوف حد بيتكلم مع مامتو أو باباه عادي كده و بيعطلو ببقا عايزه اقولو. انت بتعمل كده ازاي لا بجد بططلع كل الكلام ده ازاي شعور بيخنق بيقتلق و انت حي و الشعور الي الأوحش منو كمان أن الي حواليك ميبقوش فاهمينك بس كده انا كنت عايزه احكي الي جوايه من غير محد يعرف انا مين و متمناش ابدا ان حد يبقا عنده الشعور ده شعور ايه المرض ده مرض يخنقق و يموتك و انت حي مرض يقتلك و يقتل قلبك مرض مش هيخليك تعيش لحظه حلوه في حياتك ابدا