قلب مكسور

ليه بيعلقني بيه لو مش عايزني ؟! ليه يكسر فرحتي قبل فرحي ب 15 يوم 💔 انا غلطت تمام ... بس روحت لحد عنده واعتذرت بكل الطرق ... ما كلنا بنغلط هو نفسه غلط كتير وانا سامحته كتير ... ليه بس يكسر قلبي ويحسسني المشاعر دي ويخليني عايزه انتحر واكره الحياة 💔

ياااااه يا اصدقائي قد ايه الشعور دا متعب ومرهق ممكن يكون حولك اهلك (اقرب حد ليك) لكن محدش فيهم واصل ل قلبك متقدرش وقت تعبك وكسرة قلبك ممكن تجري عليه تترمي في حضنه تبكي لكنه احساس صعب لما يبقي اقرب حد ليك ميعرفش روحك ..

عاملين ايه؟ حابب اخد رأيكم في موضوع يخصني .. طول عمري عايش لوحدي ودي حاجة بقت طبيعية جدا بنسبالي لحد ما ظهرت هي في حياتي .. الوضع اختلف بقيت ببقى عاوز اليوم يعدي علشان اشوفها اعد الساعات اللي انا عايشها من غيرها .. عدت سنين واحنا مع بعض لحد ما اكتشفت في يوم ان كل ده كذب وانها بتخوني مع ولد تاني .. المشكلة ان الولد ده مش احلي مني ولا حتي معاه فلوس عني ولا حتي شغال شغل احسن مني الحمدلله ميتقارنش بيا اصلا لكن الخيانة وجعتني اوي ... مع ذلك اخترت اني اكمل معاها بعد ما وعدتني انها هتتغير وانا علشان بحبها اخترت اكمل معاها ويارتني ما اخترت ... انا كل يوم بفكر انها بتخوني كل يوم حاسس انها بتكلم حد لحد ما جت المفاجأة ماشي في الشارع لقيتها ماشية مع نفس الشخص تاني حاسس اني مكسور وموجوع ومش عارف اعمل ايه 💔

كانو زمان بيقولو الحب اكتر حاجه بتنضف القلب اتربينا علي ان الحب جميل وان العيب فيكم يا ف حبيبكو ام الحب يعيني عليه بجد اتربينا نحب بصدق بتضحية ولاكن لما كبرنا وحبينا عرفنا ان مفيش حاجة بتنجس القلب والجسد غير الحب حقيقي ملعون الحب الي كسر قلوب كتير

نصيحتى للى قلبها مكسور أن حبيبها سابها وراح لغيرها وهى عايزه تعيط ومش قادرة؛ عيطى يا حبيبتى العياط بيمسح اللى فى القلب والفكر, العياط نعمة ما بعدها نعمة

صباح الخير طول عمري عايش لوحدي ودي حاجة بقت طبيعية جدا بنسبالي لحد ما ظهرت هي في حياتي .. الوضع اختلف بقيت ببقي عاوز اليوم يعدي علشان اشوفها اعد الساعات اللي انا عايشها من غيرها .. عدت سنين واحنا مع بعض لحد ما اكتشفت في يوم ان كل ده كذب وانها بتخوني مع ولد تاني .. المشكلة ان الولد ده مش احلي مني ولا حتي معاه فلوس عني ولا حتي شغال شغل احسن مني الحمدلله ميتقارنش بيا اصلا لكن الخيانة وجعتني اوي ... مع ذلك اخترت اني اكمل معاها بعد ما وعدتني انها هتتغير وانا علشان بحبها اخترت اكمل معاها ويارتني ما اخترت ... انا كل يوم بفكر انها بتخوني كل يوم حاسس انها بتكلم حد لحد ما جت المفاجأة ماشي في الشارع لقيتها في حضن شخص تاني حاسس اني مكسور وموجوع ومش عارف اعمل ايه 💔

خليك هادى وعاصر على نفسك لمونة وإنت بتقرا مشكلتى (بتمنى إنها تكون مشكلتى لوحدى) قصتى بدأت من علاقة عاطفية مريت فيها بمشاعر عكس بعض.. ولحد دلوقتى مش قادر اواجهة نفسى بحقيقة إن فيه حاجة جوايا اتكسرت فى البداية انا اعترفتلها بحُبى بعد ايام كتير قعدت فيها تحت سقف اوضتى وانا بتخيل وبرسم وبعيش قصص وسيناريوهات أفلاطونية.. وهى كانت واضحة معايا وراسمة حدود مينفعش نخطيها "احنا صحاب وبس" وبصراحة قالتهالى كذا مرة بطريقة شيك.. كانت خفيفة على قلبى الوقت فات بس قلبى مفوتهاش، فضل واقف عند الكلمة دى "لاء، احنا صحاب" يمكن فالقعدة دى بالذات اتكلمنا فمواضيع كتير وفتحنا اسئلة ونقاشات شخصية جدًا.. الحاجة الوحيدة اللى فاكرها من القعدة هى الكلمة دى بعدها اخدت قرار إنى مش هكلمها ولا عايز اكون فى حياتها بعد اللحظة دى (انا هظلم نفسى وقلبى مش هيعرف يخليها فى خانة محدودة هى اكبر منها بكتير) انا مكنتش عايز القصة تنتهى، بس الكلمة نهت كل حاجة من بعدها وانا حاسس ان فيه حاجة ناقصانى.. كل يوم بيعدى عليا كإنه copy paste من اللى قبله (مفيش روح) بضحك وبهزر وبنكش وبتنطط وصوتى بيجيب اخر الشارع (وفجأة كل ده بيهدا….. وبيتحول لهدوء وصمت تام) حتى لما جيت اشتغل لأول مرة بعد التخرج، فرحت بالفرصة، بس لسه قلبى زعلان على كلمة "لاء، احنا صحاب" الايام عدت وشفتها كذا مرة وكلمتنى تطمن عليا، وانا قلبى حجر مش عايزها ولا عايز اقابلها جت فرصة تانية تِنعش الروح اللى ماتت جوايا.. لقيت صورتها فالواتساب واتكلمنا شوية حلوين "وكإن محصلش حاجة" ومع اول ميعاد اتفقنا عليه علشان نتقابل (عملتلها بلوك من كل حاجة) هى مش مطلوب منها تحبنى بس انا ليه واقف عندها ؟؟؟ ليه ساعات بلاقى نفسى رايح للكافية اللى قعدنا فيه ٦٠٠ مرة قبل كدة انا وهى وقلبى مش بيرتاح غير للشارع ده اللى فيه الكافية ده ليه بعد ماهى مشيت هى فضلت جوايا…. حابسانى…. هوا انا حساس وعاطفى للدرجة دى ؟ انا مبقيتش عايز حاجة غير انى ارجع انا زى ماكنت وانا معاها انا مكنتش طير بجناحات.. عالأقل وقتها كنت بحس وكان عندى دم دلوقتى مبقيتش مهتم لأى حد فالعالم رغم إن عقلى بيحمينى منها بس قلبى ليه رافض يتخطاها ؟!!!

كنت بحب وحدة و كانت بالنسبالي كل حاجة في الدنيا كانت هي الدنيا ليا و مكنتش مقصر معاها في اي حاجة او على الاقل على حد استطاعتي كانت حبيبتي و بنتي و نونتي و صاحبتي و اختي و روحي و كل حاجة كان عندي استعداد ابيع الدنيا عشانها و العلاقة بينا كانت متطورة لابعد الحدود و المفروض انها كانت محسساني انها بتحبني . المشكلة انها كانت ماشية ورا اهلها في كل حاجة في طمع امها و استغللها و تخلفها و جهلها ورا اخوها الديوث ال مش يساعد اخته للجواز لا ده عايز يتجوز في شئ يخصها على قفاها . و كانت تدخل عند حد من صحابها او تشوف حاجة عند صحبتها تفضل تقول انا كان نفسي فيها و عايزها زيها . و تيجي اخر حاجة ان كان في مشاكل بيني و بين اخوها و خطيبته و هما اصغر مني في السن بكتير و اقل مني في المقام بكتير انا راجل مهندس و هما حياله دبلوم و كان قبلها بيوم مشكلة كبيرة بينهم . و يجي تاني يوم حد يقولهم حاجة عليا و هي تصدقها مع انها غلط انا كنت بسال على حاجة عشان اعملها مفاجئة بيها و يطلعوني بشرب مخدرات و ماشي غلط و ده مش صح ال كسرني و جرحني ان هي كانت عيزة تكسرني و تذلني و تحط راسي في الارض قدام الناس ديه و تكسر عيني قدامهم عشان متكلمش عليهم التاني . المشكلة الكبيرة ان احنا انفصلنا قبل جوازنا بشهر واحد بسبب المشكلة ديه و لغيت النهردة مش عارف انساها و بفكر فيها ٢٤ ساعة و في حرب جوايا مبين حبي ليها و كرهها و غل من ناحيتها بسبب ال عملته فيا انها كسرت فرحتي و فرحة اهلي بيا و باعتني و كانت عيزة تكسر عيني و تذلني . انا بتمنى من ربنا اني انساها و ربنا يعوضني خير عنها و حسبي الله و نعم الوكيل فيكي يا م.س.م.ع وحسبي الله ونعم الوكيل في اخوكي و امك و اهلك كلهم يا رب تقري الكلام ده و تعرفي انك المقصودة و تعرفي انت عملتي ايه فيا دنا حاولت انتحر مرتين بسببك . منك لله و ان شاء الله هتشوفيني و انا ربنا معوضني بال تستهلني و اخليها ملكة عشان انتي مقدرتيش النعمة يا واطية يا بياعة يا ناقصة يا رب اجبر بخاطري و عوضني خير عنها لو حد عندو نصيحة ليا ياريت ميتاخرش بيها لو سمحت