عادي
أنا بمرّ بفترة صعبة شوية… الاحتياج للحنان… للاهتمام… لكلمة طيبة أو حضن يطمنك إنك مش لوحدك… إحساس الوحدة بيبقى تقيل جدًا لما القلب يكون محتاج. والأصعب بقى، لما الظلم ييجي من أقرب الناس… من الأم.الواحد طول عمره فاكر إن الأم أمان وسند، بس لما تحس إنها مش شايفة وجعك أو مش مقدّرة تعبك، الوجع بيبقى مضاعف. أنا مش بشتكي قد ما أنا بحاول أعبّر… يمكن الكلام يخفف شوية، يمكن حد يحس بيا، أو حتى أدّي نفسي حقها إني أقول: أنا تعبانة… ومحتاجة رحمة. ربنا يعدّي الأيام دي على خير… ويجبر قلبي جبر ينسّيني كل اللي فات.