فقدان المشاعر

جماعة هو ليه الواحد بييجي عليه فترة يفقد مشاعره يفقد إحساسه ميبقاش فارقله اي حاجة في أهم سنة دراسية في حياته بعد ما اتطحن حرفيا مبقاش باقي على حاجة هسقط أسقط عادي بعد ما كان من الاوائل بقى عنده لامبالاه رهيبة وتيجي زي ما تيجي بقى ليه الدنيا كدة الواحد تعب ومش عارف يقول ايه

مبقاش عندى مشاعر خالص تجاه اى حاجة او اى حد لا فارق معايا مين موجود ومين لا، لا بكره حد ولا بحب حد مش مهتم بأي اى حاجه تحصل حوالي، اللي يمشى عادي واللي يجي عادي كله زي بعضه مبقاش عندي تمييز لأى حد مهما كان مين او كان قريب منى. يمكن ده مسببلي بعض المشاكل زى انى مبعرفش ادى لحد اهتمام او اميز شخص عن شخص تانى مهما كان بيعمل او مين هو. بس برجع وبقول انا كده في سلام نفسي ومستريح ومش فارق معايا حد ولا عاوز حاجة من حد ولا عاوز حد يعوز منى حاجة.

الإنفصال الواقعي عن الحياه هو الموت، في حاجه إسمها إنفصال إعتباري ده الإنسان بيعيش فيه مجرد من كل حاجة بتخليه انسان الا وهي " المشاعر " ويعيش بالواقع بس وده أسوء من الموت لو حد عارف .. حد عايش كده؟

الإنسان حزين بشكل ولا قادر يتعامل مع بشر نفسه ينام وبس، ولا بقى حاسس بحاجة ولا بقى قادر يعمل الحاجات اللي بتخليه مبسوط زي زمان معتش بيستمتع بيها وبقى فاقد الطاقة نفسه يرتاح ويرجع زي ما كان علي الأقل يعرف يحس مبسوط ولا زعلان حقيقي فقد كل شيء حتى نفسه

حاسة روحي فقدتني ، مش بذاك العمق بصح كشغل انا ماوليتش انا ، كنت نعرف ندير بزاف حوايج ،كان عندي افكار و ذوق و مشاعر و حياة ..فجأة تحولت لكائن مستهلك مايعرفش يكتب رسالة مواسات بلاما يطلب مساعدة من chat gpt ..موليتش نقدر نقرا كتاب كامل ،ولا نقدر نعبر على واش راني حاسة ولا حتى نحس اصلا ، سقسيني على رأيي في اي موضوع رح تلقا معنديش رأي ، كان عندي عقل مليء بالافكار ولا فيه غير كلمات اغاني تافهة

انا بجد عاوزه حد يساعدني ازاي ارجع احس تاني بقيت معنديش مشاعر مش عارفه ليه بس قلبي بقي يدق بس شايف شغله مفيش مشاعر احساس حتي لم بابا دخل عمليات والكل بيعيط مكنتش حاسه بحاجه بحاول انزل دمعه عشان ابان متاثره بس من جواء مفيش حاجه خالص

هوا طبيعي إني محكيش خالص عن مشاعري الحقيقيه أو انا حاسس بأيه دلوقتي ولو ف مره جيت حكيت بحس إني تقيل جدا علي الشخص اللي بحكيله وبحس إنه مش المفروض اشتكي لحد بس فعلا الموضوع مأثر فيا اوي ومعرفش ممكن يوصل بيا لأيه بس بقيت حاسس إني معنديش مشاعر

بقيت حاسس ان فكرة الانسان يكون عنده مشاعر ويحب تاني دي صعبة جدا حرفيا ولا بقيت احب نفسي ولا بقي عندي مشاعر اقدر اديها لحد حتي اللي ارتبط بيهم قبل كدا حاسس اني انا مكنتش بحبهم ولا عندي مشاعر ليهم تفتكروا هقدر احب؟

انا بقالي فترة كبيرة فاقد مشاعري تماما مش بحس بأي مشاعر ولا حب ولا كره ولا حزن و لا فرح بتحول ل روبوت حرفيا كل حاجة باخدها بالعقل و المنطق و بجردها من اي مشاعر و دا مخليني متبلد المشاعر مش عارف اعبر مش حاسس بحاجة ف بخسر ناس كتير بيحصل مشاكل كتير مع خطيبتي بسبب اني بقلل من مشاعرها لاني فعلا مش فاهم يعني ايه مشاعر و واخد كله بالمنطق مع اني كنت اكتر حد حساس و عنده مشاعر فالدنيا