فقد

كنت اطالع ذكريات السناب قبل ٧ سنوات والله كانت ايام جميله وقلوب الناس صافيه عكس الزمن هذا لو تصور خويك راح اشتكى عليك بس في شي حزني حيل طلع مقطع لولد خالتي المتوفي الله يرحمه حزنت حيل واحس اني اشتقت له حيل

لسا سايب شخص كنت بتكلم معاه صبح وليل، كنت متعود ابقي لوحدي، بس دلوقتي مبقتش قادر اقعد تاني لوحدي وخلاص مبقتش قادر ابقي لوحدي تاني احساس الفقد ده وحش اوي عموما ربنا ميخليش حد يحس بيه ابدا، الحمدلله علي كل حال

الحمدلله بقيت احسن من علاقه كنت الطرف الخسران فيها بس مازلت بفكر فيها مازلت بتصعب عليا نفسي ويمكن ساعات ببكي من شده اشتياقي ليها ولكن كرامتي ورجولتي تمنعني من دا هل هستمر بشعور الفقد دا مده طويله خصوصا أنه لحد دلوقتي مسببلي نوعا ما تأخير ف شغلي

احساس الفقد بعد ما خلاص الوضع الجديد بيتفرض عليك انك تتقبل انه خلاص كل اللي كان لسه بيحصل من فتره ما ف حياتك مبقاش ليه مكان تاني ف حياتك وان كل المشاعر والكلمات اللي كنت بتحب تسمعها وكل المواقف اللي كنتوا بتضحكوا عليها سوا والكلام اللي شبه بعض والمناسبات اللي كنتوا بتفرحوا بيها سوا محدش كان فاهم تواريخها غيركوا كل التفاصيل ديه خلاص مبقاش ينفع تتكرر تاني ب اي شكل احساس صعب تقبله والاسوء ان الذكريات ديه لما تفوق تلاقيها مع حد جديد تماما عليك شخص بشع تقبل عليك الاذي بشكل ملوش علاقة تماما بكم الحاجات التانيه الجميلة اللي بنحن ليها صوره علي النقيض تماما مليانه صدمه واستغراب وغضب انه ازاي انت نفس الانسان …. ربنا ما يجمعني تاني ابدا بحبيب يقلب عدو ف الاخر لانها من اكتر الحاجات اللي صعب علي نفسي استيعابها لحد انهارده ف صدمه بقنع نفسي بكل الاشكال انه خلاص بقي عدو مهما عملتي هو بقي واحد تاني تماما وهونتي عليه. واذاكي ومشي اختار اكتر من مره غيرك مش مره لا ده كذا مره نفسي ابطل احس حاجه اتجاهه نفسي اثره يروح وترجع حياتي ليا تاني من غير وجع بتمني ربنا يعوضني ويسامحني علي كل حاجه انا بدفع تمن سذاجتي وثقتي اللي ملهاش حدود لحد انهارده نفسي اللي جاي يكون هين عليا وفيه رحمه ولطف عن كل اللي شفته لان من كل ما بفتكر اللي مريت بيه بجد بحزن علي نفسي .. مكنتش استحق كل ده💔 الحمد لله

القط بتاعي مات النهاردة، بعد ٥ سنين.. كنت متخيلة اننا هنعيش سوا اكتر من كدا.. بس هو مات.. مش قادرة استوعب بجد، حايفة اكون قصرت معاه.. والاهم اني مش قادرة اتحمل عدم وجوده.. كان كل يومي مش مجرد جزء منه انت معيطتش ع وفاة جدتي او خالو كدا انا عايزة القط بتاعي يرجعلي😭😭😭

مش عارفه اقول اي بس جدو تعبان اوي وجدو ده كل حاجه ليا هو بنسبالي ابويا و جدي فنفس الوقت بعد موت بابا الله يرحمه تعب جامد من حادثه و دخل المستشفى و قلبو وقف ربع ساعه و رجع تاني بس الدكتور بيقول حالتو وحشه اوي مش قادره و مش عارفه هعمل اي بس انا ف حاله صدمه ومش فاهمه حاجه💔💔

افتكرت حاجة دلوقتي هي مؤلمة الصراحة وحشني أوي لما ماما كانت بترقيني كانت بتقولي بسم الله أرقيكي من كل شئ يؤذيكي الله يشفيكي وتمسح على راسي أنا بحاول أشغل الرقية وساعات أقولها لنفسي بس مش عارفة أحسها زي ما ماما كانت بتعمل ربنا يرحمها ويرحم بابا يا رب ويجمعني بيهم على خير ويعجل لقائي بيهم والله ..

مكانش انسان يتخطى وفاة انسان يحبو بالعكس احساس الفقد و الحزن يكبرو مهما مرت الاعوام بصح الانسان لازم يتعايش و يتقبل و يفرح انا مثلا حزينة على موت ابي الله يرحمو بصح عايشة حياتي لاني مستوعبة بلي هو ما يحبش يشوفني حابسة في حياتي و تعيسة و الموت كاينة و تكون الايمان تاني حاجة مهمة الله يرحم امواتنا و اموات المسلمين

محتاج اعرف ازاي اعوض شعوري بالفقد وعدم الأمان اللي دايما حاسس بيه، الحمدلله انا قادر ادافع عن نفسي وده مش مأثر علي شخصيتي وشخصيتي مش ضعيفه وبقدر اتكلم واعبر عن كل حاجة، بس بردو جوايا مشكله كده اني حاسس اني لا أنتمي لأي حد ومش حاسس بالأمان مع أي حد ولا في أي حته ..

كنت مرتبطه بحد وقعدنا سوا سنه و٧ شهور وكانت علاقتنا كويسه بس بعد كدا كان بيخصل مشاكل كتير والحاجات الي بنيت علي اساسها فالعلاقه اتغيرت والشخص دا طلع مش مناسب ليا حاولت اشرحلو كتير الحاجات التوكسيك ف علاقتنا وحاولت امشي بس هو كان بيتمسك بيا اوي وبيحاول علشاني بس مش كفايه لحد ما عرفت انو بيخوني وفالاخر سابني علشان واحده تانيه واحنا سوا كان بيدعي حاحات كتير مش ف شخصيتو وبيكدب عليا ف حاحات كتير علشان كان عايز يحتفظ بيا بس فالاخر اما بدات اعرف حقيقتو سابني وكنت عايزه الموضوع ييجي منو لاني استنزفت وكنت مش عايزه احس بالذنب دلوقتي انا حسه اني خسرانه حاجه وعندي شعور فقد مؤلم رغم ان عارفه ان مش هينفع لاني برفض الاسخاص ااي من النوع دا بس هو مثل كتير شخصيه مش شبهو لحد ما اتعلقت بيه