غموض

انا خلاص فاضلي شهرين او 3 و اتخرج وعاوز اعرف ايه اللي بيحصل بعد فترتك الجامعية من حيث التغير في حياتك يعني هل بتبقي الدنيا ممله بعدها هل بتعرف تعمل علاقات زي ما كنت بتعمل في الجامعه هل اشتغلت فمجال تبع كليتك ولا لا انا حاسس بس ان الدينا هتبقا مبهمه بعد التخرج وهل في وقت للتعلم اصلا او اطور نفسي ولا الشغل هيبقا واخد كل الوقت عاوز اعرف قصه كل واحد بعد تخرجه

انتوا بتعملوا ايه لما تكونوا في سن انتو مينفعش ترتبطوا فيه و رافضين اصلا الفكرة و عايزين من المشاعر دي الجزء الصح منها الجواز يعني و في نفس الوقت انتوا مش معجبين بحد و ولا حتى مع نفسكوا كده حد شاغل بالكوا بحس اني كتير بفتقد حد معين في حياتي لكن معرفش هو مين بحس اني محتاجه اروح اتكلم معاه حاسه انه كان في حياتي حد مختلف عن كل الي حواليا لكن انا معرفوش مقبلتوش قبل كده زي ما يكون تواصل روحي او حاجه زي كده كتير بحس انه موجود معايا و بحس بيه و كتير بحس انه بعيد عني حاجه زي شخص هتعامل معاه فالمستقبل بس انا معرفوش او اني هكون مترابطة بيه اوي فالمستقبل كتير بحس الاحساس ده و انا داخله في شهر حاسه بكده و بقى ميلفتش نظري حد نهائي و مش عايزة اركز مع حد لان بالفعل في حد واخد تفكيري بس معرفش هو مين كتير بحس بالشخص ده حواليا بس عن طريق حاجات انا بستخدمها زي سريري البطانية مخدتي او حتى كتبي تلفوني اي حاجه متعلقة بيا بحس انه بيتواصل معايا بيها صدقوني مش عارفه اجبها ازاي بس دي الحاجه الوحيدة الي اقدر اشبهه بيها رغم اني معرفش هو مين والله 😭😭😭 كتير بحسه بيفهمني و بيحس بيا اكتر من الناس الي حواليا

الفكره مش ف الشجاعه ولا انك تقدر تواجه المواجهه سهله الفكره انك مش بتطلع بنتيجه خصوصا أما تكون بتتعامل مع شخص غامض مش واضح مخبي حاجات اكتر من اللي تعرفها بكتير خلق عندك ضعف ف شخصيتك من كتر ما انت مش فاهم حاجه أنا مبقتش عارف اتعامل مع عدم الوضوح

السلام عليكم، عايزة اتكلم عن موضوع يمكن يكون مقعد شوية بس دماغى خلاص حساها وقفت ومش فاهمة حاجة، فيه واحدة صحبتى كنا صحاب اوى وفجأة مش عارفة ايه اللى حصل، انا كنت فى كلية بس حولت منها ودخلت كلية تانية، المهم ردة فعلها على دا كان غريب ومش هى لوحدها برضو حتى صحابى التانيين، انا استغربت بس كنت مضغوطة ف ما اتكلمتش فى الموضوع وفجأة فى اول الدراسة كان يصادف يوم ميلادى المهم هى ما اتكلمتش خالص رغم انها كانت بتشوف الاستوريز عادى ف وقتها استغربت فعلا وانا مش فاهمة فيه ايه ف دخلت لصحبتى التانية وسألتها ف لاقيتها بتقولى انها زعلانة منى من قبل كدة وانا حتى مش عارفة ايه الاسباب، بعدها كلمتها وان هى تفتح الموضوع وتقول اصلا ايه اللى حصل ما اتكلمتش ولا قالت حاجة، بعدها سافرت وجيت وكنت ابعتلها على الواتساب وبرضو مافيش وتتكلم عادى وقبل ما اسافر اتصادفنا فى مكان ف هى دخلت واللى هو اكأنها ما شافتنيش رغم انها شافتنى عادى برضو، حاولت اكتر من مرة بعد ما جيت،هو الموضوع دلوقتى بقالو اكتر من سنة ونص، وخلال الفترة دى ما حاولتش هى ولا مرة، صحبتنى التانية النهاردة كنت بكلمها ف عرفت انهم ما حاولوش يصلحو لانها قالت ليهم ما حدش يتدخل ف استغربت برضو منين مصايقة انهم ما حاولوش ومنين انتى اللى طلبتى كدة، بقيت احس كل ما الموضوع يتفتح بضايق اكتر وبضايق اكتر انهم دايما بيحاولو يوصلو ليا انو ليه ما افضلش احاول لغاية ما هى تتكلم 🙂🙂 واعرف بالصدفة كمان انو فيه اسباب من زمان اوى يمكن 3 سنين او حاجة كمان داخلة فى الموضوع وبرضو مش عارفاها ايه هى اصلا، ف ما بقيتش فاهمة هما ليه بيعملو كدة، رغم انو فيه حااجات كتيرة وتصرفات كتيرة بيعملوها بتضايق بس مش بعلق عليها وبنسى اصلا، دلوقتى انا كنت مكلماها علشان نتكلم فى الموضوع بس بقيت حاسة حتى لو اتكلمنا انا مش عايزة اقرب منهم تانى، احساس ان الشخص يبقى مهمش وحش اوى ودا بقيت حاساه ومن فترة بس كنت بكدب نفسى بس عمرهم اصلا ما فى مرة سألو حتى ولو بمسج ولازم انا اللى ارن وابعت علشان اكلمهم اصلا غير كدة لأ حاسة انو الموضوع طول اوى، بس حقيقى فيه كلام كتير جوايا ومش عارفة اطلعه 🙂

ماذا عن حب من طرف واحد ؟ حب شخص غامض لا يتكلم كثيرا ! لا يتكلم مع البنات، لكنه يتكلم معي لكن في مواضيع دراسة فقط، لم يبقى الا القليل و تنتهي الجامعة و لن نلتقي مجددا!! هل من حل؟ ادعو الله كثيرا فأنا أريده حلالا و اعلم ان الله لن يخيبني ، لكن فقط أريد أن يطمئن قلبي