من وانا صغير وماما شخص انتقادي جدا، بتنتقد كل حاجة، تقريبا عندها عُقدة الكمالية كان في فترة كبيرة فيها مشاكل بين ماما وبابا ف ماما كانت بتنتقد حاجات كتير اوي فيه، وهي فعلا عندها حق كل شخص عنده عيوب بس وقتها انا كنت طفل ف باخد تفكيري ومنهجي من الشخص اللي قدامي بقت بتنتقد أي حاجة فيه في أسلوبه او قعدته او كلامه حتى لو قدامه عادي بتاخدها بهزار وهو ممكن يتقبل هزارها عادي، ف مثلا تنتقد انه بيخبط كتير في أي حاجة بيعملها او وهو قاعد بيهز رجله، هي حاجات تبان تافهة بس دة وَلِّد توتر عندي تجاهه، مبقتش بعرف اتعامل معاه وبتوتر اوي وهو موجود وفعلا انا كبرت بقا عندي عقدة الكمالية وورثتها وبقيت بنتقد كل حد بشوفه في حياتي وبكره قعدتي معاهم بارد اوي مع أهلي بسبب دة، فعلا بتعامل معاهم كإنهم أغراب بل أقل، ودة بسبب اضطراب القلق والتوتر اللي عندي لما بقعد معاهم ماما أعتقد كدة برضو، بتحس بهدوء لما بابا ميبقاش موجود ف دة خلاها تبين دة اوي قدامنا واحنا اطفال ف بالتالي ربى جوايا فكرة ان بابا دة دخيل في الأسرة ماما شخص جميل متقصدش ابدا انها تعمل دة ووقت المشاكل دي هي كانت مضغوطة نفسياً بطريقة صعبة انا مش بنتقدها انا بحكي اللي حصل أعتقد انا بس اللي تأثرت بدة لكن أختي لا، أختي بتعرف تتعامل مع أهلي انا بكرهني بسبب اني مش قادر اتعامل 24 ساعة في الأوضة مش بخرج وانا فعلا مقتنع اني زبالة بسبب دة ربنا ياخدني عادي الحكمة من الموضوع: متخلفش، عشان مهما عملت ولادك هيورثوا أمراض نفسية منك ومن سلوكك انا مش بكره أهلي انا بحبهم