عايزة أتناقش معاكوا ف موضوع كل م أحاول اتكلم فيه مع اى حد عنيهم تبرق ويحسسونى انى بقول مصيبة وعيب أيه الى انت بتقوليه دا🫣🫣 وهو موضوع التجهيز والقايمة.. بعيدا حتى عن الجانب الشرعي انا هتكلم عن مشاعري انا .. اولا يعنى ايه اتنين يبدأو حياتهم ماسكين ع بعض ورقة عشان لو يوم وحصل حاحة يبهدلو بعض بيها فالمحاكم!! ومع اول خللاف تكون اولويتهم العفش والشقة مش انهم يصلحو علاقتهم ..فبيحصل الطلاق وكل واحد بينقتم من التانى بكل الطرف الممكنة انتو بتعرفو تبصو ف وش بعض ازاى وتحسو انه عادى فرحانين ببعض وانتو ماسكين ع بعض ورقة .. غير انى بحس ان البنت تجهز مع الراجل بيته دى حاجة تجرحها ويا كأنها مطالبة تدفع عشان راجل يقبل ويتجوزها ويفضلوا الاسرتين يفاصلوا بعض!! وع الجانب الاخر الرجالة مش عارفة نفسيا بيتقبلوا دا ازاى حتى لو من باب العرف.. طب ماشي في رجالة ولاد حلال طالع عنيهم بس وضعهم المادي ع اد حالهك ف اهل البنت بتساعد .. لكن ليه لما العريس يكون مقتدر مادياو البنت برضو مطالبة تجهز!! وليه انا لمااجى اتكلم مع ماما انى رافضة الموضوع دا نفسيا وانه بيقلل الراجل ف نظري وانى مبحبش موضوع القايمة تبرقلى كأنى قولت كارثة وان كدا عيبة ف حقنا وانتى عايزة اهل العريس يقولوا مش قادرين نجهز بنتنا😅 طب هو مال العريس واهل العريس بقدرتى المادية هل انا مضطرة اثبتله حاجة؟؟ هتقولوا اب البنت هو الى بيجهز مش البنت ايوا برضو ليه يعنى انا بابا لمااتجوز محدش جابله حاجة هو جهز بيته ف هو ليه مضطر يعمل دا!! وليه تانى نبقى مضطرين نمسك ع بعض ورقة .. المشكلة ان أهلى شخصيا مش مقتنعين بكلامى وان دا مبقاش موجود وفكرتهم ان عشان شكلنا قدام الناس طب م هو يجهز بيته ولو لا قدر الله هو ومراته متفقوش كل واحد يروح لحاله ف هدوء ويديها حقوقها الشرعية حسب مقدرته هو بما يرضي الله وخلاص هو مش دا الأصل ؟؟ ودا الدين الى هو ف مصلحة الطرفين؟! انا عارفة حد هيقولى انه بعض اهالى ا البنات ماديين ومع ان دا مش حقيقي غالبا.. لكن م ترفض المادية الى طلباتها اوفر بالنسبالك بلاش منها و اعتقد اى بنت هتحترم الراجل الى يصمم انه يفرش بيته هو ع اد امكانياته وعجبك عجبك مش عاجبك شكرا وبس..