عدم تصديق

ايه الحل لو مفيش حد بيصدقك مهما حصل أو مهما قولت حتي لو انت ف مصيبة و حاسس انك لوحدك و حكيت لأهلك مش مصدقينك يقولولك ماشي ماشي و يسكتوا اكنهم بياخدوك ع قد عقلك و مستعبطينك أو مستهبلينك عموما بالرغم سني ٢٧ مش صغيرة ... حاسة اني لوحدي بطريقة بشعة ومش لاقية حد معايا ومش عارفه اعمل ايه حرفيا

اول مره في حياتي اوصل للمرحله اللي انا فيها حاليا و رغم كل التجارب اللي مريت بيها كانت صعبه جدا بس الفتره دي انا مش قادر اتعامل مع اي حد ولا عارف اتعامل مع الناس .. ط حصلي مشاكل مع اختي الوحيده ويمكن الشخص الوحيد اللي كان لسه بتعامل معاها كويس بسبب حاجات انا معملتهاش و حاجات اول مره اسمع عنها حصلت مني ومشكله أن محدش عايز يصدقني وده مشكلتي طول حياتي بسبب اني مدمن متعافي من 7 سنين ورغم اني مبطل و الحمدلله اني منتكستيش ولا مره بس بردو نفس المشكله لحد ما اخدت قرار السفر بره مصر و هعيش هناك وكده كده مش فارقه

السلام عليكم انا كوكيز هانم ممكن تقولو كوكي المهم مشكلتي اني بحس اي حد بيحبني عاوز مني حاجه او مش بيحبني لشخصي يعني انا لو اتخطبت و خطيبي قالي بحبك و الحاجات دي عامة مش هصدقه و هحس انه بتاع بنات و بجد هتقفل منه جامد و كذالك اى حاجه في حياتي

معرفتش اتعامل مع ولا مرة حسيت فيها بخذلان كنت بكتم جوايا وافضل مش مصدقة ولحد دلوقتي مش عارفه اصدق وكل ذكريات الخذلان اتخزنت تحت سقف " ليه ؟! " هو انا قصرت في حاجة ؟ طب عملت حاجة ؟! . كنت يستقبل الخذلان بضحكة استنكارية بعدها سيل من العياط وبرضو مش بصدق

الاذي النفسي مآثر دايما والجسدي أن ابويا كان بيضربني بتوگه الحذام وامي بتلسعني بالمعلقه والشمع ع ايدي وأماكن حساسه دي مواقف عمري ننساهااا ابدا بجد وان اهلي مكنوش بيصدقوني ولا بيدعموني وانا صغيره