عدم أمان

لو أنا بكره نفسي جداً جداً وشايفة نفسي اوحش حد في الدنيا وبقعد طول اليوم احاول أن مودي يكون كويس نوعاً ما بس مش بعرف، ومش عارفة ايه سبب أن مودي مش كويس ومش بقدر انجز حاجة ولا اذاكر و دايماً عندي احساس دائم بعدم الأمان هل محتاجة ثيرابيست؟ لأن ايه الاسباب اللي مخلياني كده انا مش عارفاها او لو فيه سبب بيبقى تافه مش كبير أوي ف هل محتاجة ثيرابيست ولا الموضوع مش مستاهل؟

عندنا اسره من الجن المسلم عايشه معانا في البيت وديما كانو بيحركوا حجات في الشقه لحد ما فيوم اتفقنا اننا هنسمي على العظم عشان ترجع تتكسي لحم و يكلوها قصاد انهم يبطلوا رخامه وحصل فعلا بس لحد دلوقت لسه المرجيحه اللي في الصاله بتتحرك لوحدها بليل اكن حد قاعد عليها

انا حاسه بالوحده وبعدم الامان والخوف من اي حاجه ممكن تحصل وده بسبب اني حاسه ان مليش ضهر بقيت طول الوقت حزينه وكئييه وده بسبب معامله بابا وماما ليا طول الوقت بيحسسوني امي قليله واني بنت وحشه وان مينفعش اعبر عن مشاعري بقيت بكتم مشاعري وده اثر عليا دلوقتي لما كبرت بقيت بنهار جوايا ومحدش حاسس بيا

بجد انهارده ال overthinking شغال جامد وبسبب الأجازة والعيد نومي ملخبط وبصدع وبشرب قهوة بالليل ومش بحس بأمان م كتر التفكير بقعد أقلب ف الفون ومودي مش أوي وعايزة أروح الچيم الصبح وخايفة تروح عليا نوم بجد 💔

دماغى بقت عامله زى المكتبه إلى هبت فيها عاصفه لغبطت كل الورق والرسومات ف بعض وفى إلى ضاع والى اتبل والى اتقطع كله دخل ف بعضه صور من غير صوت وصوت عالى من غير صوره واضحه ابتسامات معرفش هى لمين مشاعر مش فاكره كان مين سببها حاسه بالانتماء لشىء مجهول معرفلوش اصل بس ف نفس الوقت المكان مش مكانى ولا عمرى حسيت بالأمان مع انى المفروض ف وطنى

الحمدلله حضرت وخلصت الي عليا تقريباً فاضل تاتشات بسيطة بس بردو حاسة ناقصني حاجة يمكن ناقصني أمان أو حضن يطمني الي هو متقلقيش أنا جمبك ومتخافيش انتي كويسة وشطورة كلام بسيط والله بس بيفرق ويشجع -بتدمع- ويمكن علشان مفتقدة مامتي الله يرحمها يمكن ده خلاني احس ع طول بعدم الأمان والخوف الي ملاحقني مفيش بايدي حاجة غير ان ادعي اليوم يعدي بسلام وكويس وأرجع مبسوطة وعلى فكرة أنا طول عمري كده بحس بقلق وتوتر ف الإمتحانات بس ماما كانت دايماً جمبي وبتوصلني للمدرسة وتشتريلي عصير علشان لو دُخت جوا اللجنه حبيبتي ربنا يرحمها طول عمرها بتعاملني كأني طفلة وبتخاف عليا 😭💔

عاوزه اسال عن شعور عدم الأمان والاستقرار في الاسره أن هل لمجرد أن بيصؤف الأساسيات بتاعت البيت الي اقل كمان بيكون كده اب هل الاب الي يطرد عياله ويفرج الناس عليهم ويجيب في سيرتهم مع القريب والغيب هل ده اب هل الاب بيتعمد يبقي تافه وهايم قدام الناس ويتعمد يفضحك بطرقتو وأسلوبه هل ده اب لما كل حاجه تبقي بالخناق والمشاكل لما اب يسلط الاخوات علي بعضها ويكرهنا في بعض هل ده اب هل الاب الي تكون بتموت واخل عمليات ومتاح فلوس ويرفض يديك أو حتي يستلفلك هل ده اب هل الاب الي بيقول أن أولادكم وبناتكم فتنه فحذرهم هل ده اب انا حرفيا بقيت مكسوره من جويا وخايفه جوايا مشاعر كتير متلخبطه😓

مخنوق و مضغوط و قرفان حاسس ان انا السبب في كل الي بيحصل معايا نفسيا اصلا و مبقتش احس بامان من الي حوليا او من اقرب الناس ليا مش عارف اخرج من كمية الضغوط الي حوليا لا المادية ولا النفسية و لا حتي في حد حوليا يسمعني و يهون عليا صح كل حاجة يا اما بالزعيق يا اما بالعصبية يا اما يشيلوني فوق طاقتي اكتر زهقت و قرفت و كل يوم بتخنق اكتر و مش لاقي اي حد يهون عليا كل الي بمر بيه 💔