صعوبة التعامل مع الناس

المشكله الي عندي اني م بحب اتعامل مع الناس يعني لما بكون وحدي كدا بكون تمام ومثلا لو كنا انا وزملائي ف باص ومشغلين اغاني وبيضحكوا ويهزروا ويغنوا شباب وبنات ... انا بسيبهم واقعد وحدي والبس الايربودز وخايف ده يأثر عليا وعلي شغلي بعدين لاني شغلي بعدين هيكون فيه تعامل مع الناس ولازم اكون فرفوش وحلو ف التعامل معاهم علشان يجوا تاني + المشكله الاكبر اني م بحس خالص خالص خالص مفيش اي احساس لا ب حب ولا كره ولا اهتمام ولا خوف ولا حاجه.... لو حد عدى علي حاجه زي كدا وعرف يتخطاها ياريت يتكلم + كنت بروح لدكتوره نفسيه بس حسيت انها م ليها لازمه او مفيش تحسن من ناحيتي وبحضر عدد جلسات ع الفاضي ف بطلت اروحلها

هو طبيعى ان يعدى عليك فترة تغيرك 360 درجة للأحسن و فى نفس الوقت فى شوية سلبيات تدخل حياتك انت اصلا متعرفش تعدي يومك منغيرها بس و تبقى شخص ساكت حتى لو موقف حصل ضايقك ترجع الاوضة تحرق سجاير و برضو تكمل مشوراك أكن مفيش حاجة حصلت بس انت من جواك عارف ان ده مش انت مبقتش عارف تتعامل مع الناس و لا بقيت الرياضى بتاع زمان بدور على المثالية لكن كل شيئ حواليك مش سامح

ليه ممكن حد. من الاهل يأذى اولاده نفسيا بسبب تفضيله لشخص واحد منهم بس و لما بتاعتبه ينكر ده تماما مع ان واضح ل الكل الظلم اللي بيعمله ده الموضوع بقى مؤذى نفسيا جدا اوقات بسبب مشاكلهم تفكيرى بيكون فعلا سلبي جدااا و مش عارفه اتعامل مع الناس حتى بسببهم

هو انا عايز اعرف ايه المشكله مش عارف اتعامل معا الناس وفي وحده ديما هل انا عندي اكتئاب ولا هو في ايه نفسي يبقا ليا صحاب واحب واتحب واعيش يعني مش كأني عايش في جبل لوحدي فا هل انا ممكن يكون عندي حاجه زي اكتئاب مثلا مخليني ساكت علي طول ولوحدي