صعوبات

هي هتفضل مش ماشية مع الواحد كتير كدا ؟ يعني مش هتظبط حتي ولو لمرة واحدة ؟ ولا هي خلاص هتفضل مقفلة من كل نحية ونتأقلم عشان ده بقي الطبيعي خلاص ؟ طب ازاي نتأقلم علي حاجة احنا رفضنها من الاساس ومش عجبانا ؟!!!!!

جماعة كنت بفكر اخد سكن جنب الكلية بالظبط أنا داخلة تالتة زراعة و المسافة بيني وبينها ساعة بس طريقها مش أحسن حاجة ف برجع مهدودة و مش بعرف اذاكر في نفس اليوم و بخرج من البيت ٨ برجع ٥ أو ٤ و اليوم بيضيع ف فكرت اخد سكن عشان اركز في الدراسة شوية لأن مستوايا مش كويس و سألت واحدة على سكن جنب الكلية و دي تفاصيله ف شايفين اي ؟ كلمت واحدة على السكن حاسة الدنيا لذيذة موت بس ممنوع مروحة و مكوة عشان الكهربا الترم ب ٢٥٠٠ تقريبا هو سكن خارجي تبع واحدة بس برج كبير جنب الكلية علطول الدور فيه كذا شقة و الشقة فيها كذا اوضة بس على حسب العدد ممكن الشقة يبقى فيها ٤ أو ٥ مثلا كل واحدة ليها سرير و ضرفة دولاب، انا مشكلتي حوار المروحة البنت قالتلي خدي اوضة تكون كويسة من ناحية الهوا و بردو حوار المكوة أنا مبعرفش انزل و النقاب أو الخمار مش مكويين و كمان قالتلي مفيش سخان تقريبا مركزتش في الحتة دي ف مش عارفة هعمل اي فيهم هي كل شقة فيها تلاجتين و فريزر و بوتجازين بأنبوبة فلوسها من البنات مع بعض و الاكل خاص بيكي بردو و النت مش فاكرة الست بتشحنه ولا البنت بس هو واي فاي و كل واحدة ليها شبكة لوحدها مش فاهمة ازاي لكن الكهربا و الماية على الست ف مش عارفة هل عيوبه تتعوض مثلا او تتحل ولا اي أنا أول مرة اخد سكن ف عايزة مكان يكون كويس من ناحية مسافة للكلية و يكون فيه ناس كتير عشان مكونش لوحدي أو حتى يكون معايا بنات من الكلية و يبقى اهلي متطمنين عليا

هوا ليه كل ما اقول دي فترة وتعدي هي فعلا بتعدي بس بييجي الاتقل والاو** منها ليه ليه يا جدعان I'm just a girl والله مش حمل دا كله كل الي طالباه الاسكين كير بتاعي يبقا بخير وبشرتي تبقا صافيه وشعري ميقعش وشوكليت وايس كريم كتير بس والله وصاحبه تكون جدعه وسالكه وواحد يكون راجل ( فيما بعد ) وان كل حاجة تيجي ع الجاهز وكله يمشي ع مزاجي بس والله دا كل الي طالباه أنا مالها بقا الدنيا حاطاني ف دماغها ليه ما خلاص بقا يا حياه دا انتي مدرسه جدا

طول عمري حاسة اني لوحدي ومحدش جمبي الظروف حكمت عليا ميكونش ليا حد واللى موجود يبقي بعيد المشكلة ان الوحدة دي سبب اغلب مشاكلى سبب وجعي وخلتني اشوف ف صحابي اخوااات عشان معنديش اخوات بس كنت كل محب حد واتعلق بيه اوي كانو بيسبوني بردو وبيتغيرو كنت دايما الطرف اللى بيحبهم اكتر ومش قادرة اتخطي كل احساس حسبتو بسبب اني لوحدي او اني كنت بحب اوى عشان بردو لوحدي

الكلام الي هقوله ممكن ميعجبش ناس كتير وهيبقا فيه انتقدات اكتر بس حاسس اني عاوز اقوله. انا شاب متجوز وعندي اولاد. اتجوزت صغير شويه اول ما اتخرجت تقريبا. كنت فاكر ان مراتي دي هتبقا صاحبتي والشخص الي بيفهمني ويهتم بيا ونشارك بعض الاهتمامات وانا ابقا فاهمها وهي تبقا فهماني. بس دا محصلش من اول يوم وانا بقيت حاسس اني لوحدي. انا الي بكتشف حياه الجواز مع نفسي سواء المسئوليات بقا او حتي ابسط الحاجات زي نخرج فين او نعمل ايه. انا الي بعمل مفاجئات وانا الي مركز هنجيب اكل ايه وشرب ايه. حتي ازاي ننظم حياتنا او ازاي البيت بيتنضف انا الي عارف ازاي ومطالب اعلمها. مش بس اعلمها انا كمان مطالب اني اقنعها ان الي بقوله صح. وعشان محدش يفهم غلط هي مش بتتنك عليا. لا هي فعلا متعرفش ولا عندها خلفيه عن اي حاجه في الحياه. ودا صدمني. وبعد كده كمان اكتشفت ان معندهاش طموح لاي حاجه في الحياه. بمعني بسيط انا لاقيت نفسي فاجئه بشارك نفسي كل حاجه. محدش مشاركني. مش بس المسئوليات. دا كمان العلاقه بيني وبينها. انا مطالب اعمل كل حاجه وانا الي اخد اي خطوه وافكر في اي حاجه وانفذها. وحتي لو علمتها. مش بتعمل حاجه بعدها. ....... بمعني بسيط انا عايش كأني لوحدي في مواجهت الحياه والشغل والمصاريف. وبحاول اقنعها انها تشارك صح معايا الحياه. ولكن دا بيحصل بشكل ابطء من الطبيعي بمراحل دا لو حصل. طبعا اي شخص مسئول هيبقا فاهم صعوبه الحياه بالشكل دا. .... طب ليه منفصلناش. اجابتي ببساطه عشان انا مش مستوعب ان اولادي يبقوا بعيد عني او مش موجودين حوليا خصوصا اني عارف ومتيقن انها مش هتبقا مسئوله عنهم بشكل كويس. ولو كمان انا مش موجود الموضوع هيبوظ اكتر. وطبعا بقالنا كتير بنروح لكذا دكتور علاقات زوجيه ونفسيه بس مفيش فايده. ...... طيب انا بحكي كل دا ليه. لاني تعبت. انا بقا نفسي حد اتكلم معاه و احب واتحب والاقي حد اشاركه اهتماماتي ويحبني ويهتم بيا. حد يدلعني وادلعه ويصبرني علي الحياه واصبره علي الحياه. فكره اني عايش وسط ناس بس وحيد اوي من جوايه ومش لاقي حد يفهمني. وكبعا كلامي دا لو اتقال في العلن كله هيعمل شريف وحكيم ومبيغلطتش وهيقولي كلام يضايق. .... بجد انا بقيت حاسس اني ناقصني حاجات كتير اوي ومش عارف اعمل ايه.٠

مبحبش الشفقة من حد، عشان كدة مبحبش حد يعرف عني حاجة ولا بحب احكي اللي بيحصل ولا اللي بيضايقني لحد، المشكلة بقا لما الوضع بيسوء اوي وفي حاجات بتبدأ تبان غصب عني ويتشاف حاجات اول مرة تتشاف وقتها بندخل في الحتة دي مع أهلي وانا مبحبش دة

انا حاسه اني نفسيا وعقليا بموت بالبطئ و مش عارفه اتفاهم مع القريبين مني هما من ظروف صعبه بنمر بيها بيتخانقوا و حد قريب مني بتتكلم معايا بزعيق عشان بس عندها مشكله وانا مبقتش عارفه ولا عندي طاقه استوعب حد يزعق أو يتكلم معايا بأسلوب مش كويس عشان بس مضغوط وانا بس ربنا اللي يعلم اللي جوايا مش عارفه اعمل ايه بجد بس انا حرفيا عندي مشاكل كتيييييييير جدا فمش مستحمله اى لود من حد حواليا او اى stress في أسلوب بيصدر حاسه ان اعصابي بتتحرق حرفيا الكلام مش مجازا من كتر التعب اللي انا فيه ومن قلة كلامي و فضفضتي

ازيكم عاملين ايه ..... لية دايما في مجتمعنا بيحاولو يكبتو احساسنا وكلامنا الولد يقولو علية صايع البنت يقولو عيب وشمال ياعالم يامريضه طبيعي اي حد يحس ويعمل الي هوه عاوزة للاسف العيب ان الي لحق يتجوز ايام الرخص خلع من المدعكه احنا الشباب والبنات نعمل ايه الايام دي نعبر عن احساسنا ومشاعرنا ازاي

انت كنت دايما شاطر وشبلت مسئوليات اكتر من اللي عقلك يقدر يستوعبها ارتاح شويه عشان تعرف تكمل معافره واوعي تبطل تبقي شاطر ومصلحتك اهم من اي شخص مفيش حاجه اسمها صحاب! هتكتشف في اخر المطاف ان محدش هيبقي فاضي لحد

انا بكره العيد ، من وانا صغير وانا عمري محبيت العيد عمري م اختارت لبسي عمري م اختارت حلقه شعري عمري م خدت عديه لنفسي او عيديه تكفي اجيب اي حاجه نفسي فيها ، وكنت افضل اتذل واتعاير بالحاجات العره الي جاتلي ف كرهت العيد حتي لما كبرت لسه مفيش صحاب بفضل قاعد اربع ايام العيد لواحدي ف اوضتي مبجبش لبس جديد عشان بقيت حاسس انه خلاص الحاجه لما مبتجيش فوقتها بتبوخ مفيش حاجه بتفرحني ف العيد مش دا العيد الي بيقولو عليه العيد فرحه طيب فين الفرحه حتي الي كان نفسي فيه اني ابقا مع زوجه بتحبني صعبه صعبه اوي والله يجماعه صعب اتجوز اشبه بالمستحيل فقدت الامل بس ميأستش من رحمه ربنا بس نفسي افرح نفسي في حاجه تفرحني بجد انا مش عايز اعمل حاجه حرام هو دا بجد جزائي ؟!

جماعه انا اكتشفت ان صاحبة عمري بتغير مني وبتكره ليا الخير الغريب ان حياتها مرفهه عن حياتي اهلها مهتمين بيها زيادة ربنا يخليهم لهايا رب وكل اللي نفسها فيه اوامر ودا شيئ حلو جداً طب ليه بنت حياتها كدا تغير مني انا ونا مش بحسد والله ربنا يزيدلها ويبارك لها بس انا يمكن اقل منها مادياً بكتير حياتي فيها صعوبات ومش مرفهه خالص انا شايلة بيت لوحدي ومامتي سايباني انا شوفت ايام كتير في حياتي صعبه وهي اكتر واحدة عارفه دا ليه لما تعرف خبر حلو حصلي تتجاهلني ووشها ينقلب وحرفيا متعرفش تبين فرحتها مقارنتها بيا بتبان في اقل الكلمات زي انها تقولي انتي ليه دايماً عايزه تحسسيني انني قليلة عشان كنا بنراجع امتحان ونا كنت حليت كويس وهي مش واثقه مع انها بردو متفوقه عني بكتير ودلما طلعت الأولي بجد كنت فرحانة بجد وهي زي ما يكون مش مصدقه اني فرحانه ليها عمري ما تجاهلت ليها انجاز ولا استكترت عليها نعمة وهي مع انها عارفه حياتي والصعوبات اللي مازلت بمر بيها من صغري ما شفتش راحة وبتستكتر عليا اي فرحه وتفسدهالي بطريقتها.

یا جوهره یا مخنوقه متضايقيش نفسك كله هيتحل انتي بس وكله هيتحل ان شاء الله والواحد هيتخطى زي ما تخطي حاجاات كثير اوي ف حياته كل بيكمل وكله بيعدي وهتضحكي وهتنسي وكل فوق راس الواحد مش عارف اقول ايه

هوا مافيش هنا حد ناضج فوق ال ثلا @ثين في قصر بعيد ولا في الأحلام ساكنة أميرة عمري الجاي وأنا من تفكيري لا بعرف أنام نفسي أعرف بس أوصله إزاي حراسها كتير والوضع خطير وأنا لا أمير ولا حيلتي جاهة وقالولي أفوق وأرجع بالذوق وما أبصش فوق وبلاش معناة أنا عمري ما أسيب أحلامي تغيب لو لينا نصيب فالحب حياة من إمتى وكان للحب معاد أو سور وحصون حراس وبلاد دي عشانها أعدي بحور وبحور وأموت لو مرة تشوفني جبان

ممكن اسال الناس الي ليه دايما الحياه بتبقي معانده معانا كدة لية دايما بتقف قدامنا وفي حلمنا لية دايما بتستخسر فينا كل حاجه حلوة انا مش بقول كدة عشان مش راضي بحياتي لا هوه عشان اخلص البوست بس 😂

حكايتي بدات لما تزوجت في مدينة بعيدة على مدينتي اللي كبرت فيها ...ما قدرتش نتأقلم مع المحيط اللي عايشة فيه...زوجات اصدقاء زوجي دايما يحكو بالخايب عليا و يتنمرو علي و يراهنو على علاقتي بزوجي بالفشل ... كيفاه نعمل معاهم و منقدرش نبعد بحكم زوجي علاقتو بأصدقاؤو جيدة و ديما يجو مناسبات مشتركة تحتم عليا لقاءهم ..راحت الثقة في نفسي و اصبحت منقعرفش نتعامل و منعرفش نحكي

انا عندي اكتئاب حاد وغير كدا انا لوحدي ومفيش صحاب ولا اي شخص يكلمني مش عاوزه حتي ده لأني مبقتش حتي اثق في اي حد بسبب الي مررت بيه ولكن بحاول اني اعيش ولكن الوحده مش عارفه اتعامل معاها ازاي حد مر بنفس التجربه

ونبدأأنا مش عارف اعمل حاجة كل حاجة بتيجي وتعدي عليا بفضل اكتبها لان مهما حصل حاجة مبعرفش احكي لحد مهما كان قريب مني وعمرو معرف الحقيقة حتي اعز حد ليا أنا الي هو بعاملة زي اخويا بالظبط الي هو فلان ودا الشخص الوحيد الي حاسه بيستحملني بس انا سعات بتقل عليه اوي بس مفيش حد غيره ليا عمر ما كان ليا أصحاب ومفيش حد بيحبني غير المجبورين زي امي ابويا خالي ويتري اخويا بيحبني عشاني ولا عشان امي موجودة مش عارف لو ماتت هيتعامل معيا ازاي هو وابويا الي بيقولي أنا بعمل اي حاجة عشان خاطر امك وهل في حد من بعدها هيحبني ولا سعتها فعلا هيموت احن واطيب واحدة عليا الي بعاملها بقسوة وشدة ومش عارف انا بعمل ايه هي الي خلاني بني ادم تعبت معايا كتير عشان احفظ قران وتشجعني اني أخطب في الجامع وكان عندي الجراءة اني ققف ادام الناس دي كلها عشان متاكد ان في حد ورايا وساندني وكمان أنا مش عارف أنا صح ولا غلط وانا لا املك شيء غير الي امي ساعدتني عليها ولا املك مال ولا عمل ولا جمال ولا اي حاجة مجرد انسان مجرد من المسئولية لا اتحمل عواقبي ولا عواقب غيري وبالرغم من هذا أنا لا أستطيع العيش بمفردي في هذا العالم

الواحد بيقعد يجيبها في حاجات تانية ملهاش علاقة بس هو الإنسان بجد بيمر بكمية ضغوطات لا تعد ولا تحصى،ضغط شغل مميت في شغل انت اصلا كارهه و كنت متميز فيه و بدأت تقع حتى الشخص اللي كنت بتحاول تتجاوز ده بشوية كلام قرر بكامل ارادته انه يسيبك فجأة بدون اسباب بدون اي حاجة ايام صعبة اوي والله

لو عشت طول عمري تحت نقد دائم علي اتفه الاشياء و لوم و احكام غير نهائيه علي كل فعل من الأهل و كنت بحاول اني متأثرش بالكلام الي بسمعه لكن ازاي اعرف اني عكس الكلام ده فعلا ؟ ازاي اتاكد اني عكس النقد أو الأحكام القاسيه دي ؟ مش يمكن انا فعلا فاشله ؟ انا فعلا مثلا مهمله .. ايا كان ازاي الواحد يتخطي بجد ؟

عندى كمية جلد زات غريبة النهاردة حرفيا وكان كل حاجة جيالى تحاسبنى مع اختها حرفيا 😂💔 سايب الشغل من شهرين حبيبتى سابتنى بدون سبب ومعرفش لى لحد الان بدءت تخترع أعزار وكلام مالوش لزمة لحد ماختفت سايب البيت وعايش لوحدى فلوسى خلصت وغالبا دا اخر كرت نت معايا مفيش اكل ف البيت وع فطارى حرفيا بنزل م البيت مبروحش ف حتة بقعد ع الرصيف شبه الشحاتين واروح تانى وكدة يبقى أسمى خرجت قدمت ف شركات كتير ومتوفقتش ف ولا شركة الحمدلله معنديش صحاب ودا بجد مبكلمش حد ودا بجد برضوا كنت خاطب من ٣ سنين وسيبتها بسبب مشاكل عائلة بعت دهب الخطوبة والحمد لله فلوسه خلصت المفروض اصحى الصبح بدرى ادور ع شغل ومش عارف انام مش عارف لى قاعد يسمع كتاب حياتى ياعين مش بكتب الكلام دا عشان مستنى مساعدة أو بشحت عموما بس مش عارف لى كل حاجة اتكومت فوق بعضها كدة مرة واحدة بجد ف حرفيا انا تعبت من كل حاجة ...

سلام عليكم غالبا انا عندي اكتئاب او شخصيه حديه ده اللي بحسه بناء علي اللي بعيشه. المهم انا كشاب عشرين سنه لازم لازم يركز علي نفسه (صلاته ودراسته) وبالفعل انا بعمل كدا بس للاسف الكواليس صعبه جدا جدا.. عايش لوحدي عندي صحاب بس كلهم مزيفين كان ربنا كاتبلي الوحدة... خلاص يبقي المفروض الناس الحقيقة هما اهلي لكن للاسف هما سبب زعلي دايما اصلا اكيد انتو فاهمين سوء التفاهم والخناقات وكده ف ايه الحل انا تعبت بمعني تعبت انا تقريبا بقيت بشحت اللي يملي فراغي والله العظيم

هو المفروض لو عندي وحده صحبتي بتمر ب ظروف مش كويسه و هي مدايقه اووي بسبب الموضع دا اعمل اي يعني بعد عامله اي و الحمد لله و الكلام دت المفروض اقول اي و اعمل اي بردو علشان اخرجها من المود دا ممكن حد يساعدني

كل الناس بتواجه مشاكل ف حياتها اختلاف مع الاهل أو مشاكل ف الشغل أو الشارع أو مواقف تزعل الناس من بعض و حاجات كتير بس مش حلها أننا نهرب منها أو ناخد جمب أو نفضل نشتكي حلها أننا نقرر نخلص المشاكل اول ب اول نواجه و نعدي و ننسي الوحش و نفتكر الحلو و فعلا الدنيا هتمشي🤍🤍

فعلا الدنيا دي غريبه ف عقبات كتير بتقف قدام الواحد بس الشاطر اللي يكمل علشان الحاجه اللي عايزها ايام او اسابيع او شهور بس اهم حاجه نوصل للي عايزينو متياسوش اليأس بيخليك كانك هوا في حياه تتعاش مره واحده بس 👌❤️

مش عارفه ابدء منين بس الفتره دي انا اتقدملي شخصي صالونات ووافقت علي المقابله ولكن انا عندي مرض مزمن وبحس دايما ان الموضوع دا بيخض اي حد خصوصا ان لما بتكلم عن الموضوع دا ف المقابله بشوف تعابير الوجهه ورد الفعل ، علي الرغم من اني مش بوقف محاولات وسعي وبجتهد ودكتوره الحمدلله واهلي كمان منفصلين ومريت بظروف اجتماعيه ونفسيه صعبه والحمدلله ربنا بيعيني بس الناس مبيشفوش المحاولات ولا حاجه الا النقص اللي عند الناس والحاجه اللي مش بإيدهم، انا مش زعلانه الحمدلله اكيد ربنا شايلي الاحسن ولكن فيه شويه زعل بسيط مش عارفه مصدره بالظبط بس خير اكيد اعتقد دي مشاعر طبيعيه الحمدلله.

ده بوست أطول وبأسلوب يدي إحساس بالأمان لو حاسس إن في كلام جواك ومش لاقي حد تسمعه، المكان هنا معمول عشانك ❤️ تقدر تكتب وتفضفض براحتك من غير خوف أو حكم من حد، كلنا هنا بنمر بحاجات صعبة وبنحاول نفهم ونساعد بعض 🤝 خليك على طبيعتك واطلع اللي جواك، صوتك مهم ومش لوحدك.

محتاج دعوة بس مش نصيحة عندي كمية التزامات الشهر دا مش قادر اوفيها خالص و مش عارف هتكمل ازاي غير ب ستر ربنا بس الموضوع حابطني و كاتم علي نفسي اوي ف دعوة بتيسير الحال ربنا يصلح حالكم انا محتاج دعوة مش مساعدة ربنا يجازيكم خير

اللي عنده مشكلة في العلاقات اكتب وهسمعك واللي موجود يساعد وان شاءلله نكون سبب في الخير لبعض وياريت محدش يشوف مشكلة حد علي انها حاجه صغيرة ممكن تكون بالنسبالك صغيرة بس بالنسباله اكبر بكتير

انا بقالي هنا علي الابلكيشين ٢٤ ساعة بس وشوفت كمية مشاكل واوجاع بتقابلنا كلنا ملهاش عدد فده يخليني اسأل سؤال ملح اوي لما معظمنا كلنا عندنا مشاكل وصعوبات بتواجهنا اومال مين الناس السوية في حياتنا اللي بنشوفها قدامنا يوميا اللي ديما بيدعو المثالية والنزاهة والقوة ؟ ولا دول مجرد ناس مصطنعة وبس ؟

السلام عليكم. انا قبل م اخلص ثانوية عامة كنت انسانة متفوقة جدا وكنت شاطرة جدا لما دخلت ٣ ث حصلي ظروفه صعبة فيها ومريت بمرحلة اكتئاب صعبة دمرتني ،من بعد المرحلة دي انا مبقتش عارفه اعمل اي حاجه ف حياتي كل حاجه بقت صعبة وتقيلة عليا انا بق عندي مشكلة ف حتة المزاكرة مبقتش بعرف ازاكر ولا اركز ابدا بقالي ٣سنين ف ١ كلية لا عارفه اركز ف مزاكرة ولا حتى ف امتحان اعمل اي عشن ارجع تاني اعرف ازاكر زي الاول بجد الموضوع بق صعب بالنسبالي نفسي بس اعدي سنه اولى مش عارف وافضل زعلان ع نفسي وع ال حصلي وال اتحولتله فيدوني ي جماعه بالله عليكوا ازاي ارجع ازاكر زي الاول واتفوق تاني

انا حاسس انى خلاص تعبت،بقيت لوحدى تماما ولا اهل ولا صحاب ولا حبيب..زى ما يكون بقيت ممل و تقيل على اللى ف حياتى ايا كان الشخص بقيت بدخل البيت على انه فندق ده لو دخلت اصلا بقيت حتى بتخنق من نفسى تعبت وعايز ارجع حياتى زى ما كانت بجد!!!!

عارفين لما الدنيا كلها تقفل مره واحده وكل حاجة تيجي في وقت واحد لحد ما متبقاش عارف تلاحقها منين انا كده حاليا اي حد يشوف دي يدعيلي بالله عليكو ادعولي ربنا يهديني ويدبرلي اموري