صراع عاطفي

بابا تعبان الفتره دي وبيتعب كل شويه وانا مش قادره اتعاطف معاه او اخاف عليه بيتعب معظم الوقت بسبب التكييف وانا شايفه انه عارف السبب وبيعمله ف ليه مستني حد يقوله يبطل الحاجه دي مثلا ويستني الاهتمام دا وهو مش بيقدم اي اهتمام ليا ولا يعرف عني حاجه وعاوز الكل يهتم بيه الموضوع يبان تافه بس خانقني جدا وزعلانه من نفسي اني مش قادره اتعاطف معاه لانه بيتعب اوى فعلا بس جوايا غضب منه انه طول عمرى ميعرفش عني حاجه ولا فكر يتكلم معايا ومش بيفكر غير في نفسه وبس وميعرفش حاجه عن دور الاب

بعت له رساله بقول له اني مش قادره اكمل و لسه مشفهاش و كل شويه بدخل و عايزه امسح الرساله و بعدها بقول المشاكل هتتكرر تاني و هترجعي تكتبيها تاني احساس صعب … بحبه اوي بس مش هقدر اكمل اعمل ايه؟! الغلط مش من عندي بس طباعنا مختلفه دايما بيطلعني غلطانه و انا مش عقدر على كده بيستخدم اسلوب قلب الترابيزة كتير و دور الضحية بيجري في دمه و برجع اقول لا ده عامل زي العيل الصغير هو مش مستوعب هو بيقول ايه بس برجع افتكر انه خاني مرتين و سابني مرتين لو باقي في كرامتي ذرة كان سبته من زمان و دلوقتي هايفه و متورتره

انا هحكي و محتاجة حل فعلي عشان حقيقي مش قادره و اسفة لو طولت حقيقي انا و بنت كانت علاقتنا حلوة اوي حرفيا زي اللي بتبقى في المسلسلات كدا كنا قريبين اوي و كلو خلال اتعود ان احنا الاتنين مع بعض و للأمانة سعات اما كنا نتخانق او نبعد حبة كانت هي اللي تبعت و بتاع و انا عارفة اني غلطت بس مش عارفة هو الموضوع معقد اوي احنا كنا كويسين لحد وقت معين معرفش اية اللي اتغير انا معترفة كنت سعات بتعامل ببرود و كدا المهم جه وقت كدا تقريبا اوائل ٢٠٢٣ و احنا كنا نعرف بعض من قبلها و اعرف مامتها و اخواتها و تعرف مامتي و اخواتي و بتاع و كدا جت الفترة دي لقيت ان بقت تقول كلام بيدايقني و بنبقى بنهزر يعني مثلا كنا في مرة بعتلها فبقولها الدنيا بتشتي عندي و فرحانة و هي مكانتش بتشتي عندها و كان وقتها الترند بتاع اللي هو يا صفرا اشربي بيبس دا فبعتلها الاستيكر دا فاتصلت بيا و كانت بتضحك و بتقولي هغير منك على اية دا انتي شغالة خدامة عند اخواتك و انا بسافر و بعمل كل حاجة و انتي لا انتي (و قعدت تتهته حبة او مش عارفة تنطق الكلمة و بتسأل الكلمة اسمها اية) صعلوقة و قعدت تضحك و انا ساكتة و بحاول استوعب فقولتلها تمام و قفلت قالتلي انتي زعلتي ؟ دا هزارنا على طول طب متزعليش مني انا مقصدش انتي عارفة انا بحبك اد اية و بعدها بحبة اما جيت اعاتبها قالتلي لا انا مقصدش انا كنت بهزر و انا اخترتك من وسطهم كلهم و انا بحبك و كدة و انتي عارفة كان ممكن اصاحب اي واحدة من التانيين و هما بردو اهو بيسافروا و كدة بس لا جيتلك انتي و بحبك و انا قولتلها باين اني بحس انها بتعاملني اني اقل منها و كدا فقعدت تقولي لا و انا بحبك و خلصنا وقتها الحوار و كدة (انا مكنتش بسافر عشان بابا مشغول في الشغل و كدة بس احنا الحمدلله ميسورين يعني) و بعدها بقا بدأ كلام تاني زي انزل ستوري و تعرف اني كلمت واحدة وقت طويل فتقولي غريبة استغربت عشان انتي معندكش صحاب غيرنا و انا وقتها قولتلها ان البنت اللي كنت بكلمها تبقى فلانة و هي مبتحبش فلانة دي اصلا و حاولت اصالحهم قبل كدا و هي كانت بترفض مع ان البنت هي اللي كانت بتبعتلها و كدا و مرة تانية حصل حاجة فقالتلي انتي انانية و مبتفكريش غير في نفسك يومها انا رجعت البيت قعدت اعيط معرفش كام ساعة و اقول انا؟؟؟ و ماما تقولي سيبيها اقولها لا انا بحبها لا المهم انا بعدها بعدت خالص و بقيت بتعامل ببرود اوي و ردودي مكانتش حلوة خالص و بقيت اصلي و اعيط و ادعي انها تيجي منها هي و تسيبني عشان مش عايزة انا اللي اسيبها و كدا كنت شايفة ان دا صح و ان انا بس اللي اتأذيت و كدا مع ان دا مش صح حتى في موقف بعدها بنت جت قالت انها متدايقة و عايزة نخرج تفك شوية و كدا و انا و بنت كمان وافقنا (انا و البنت اللي وافقنا احنا الاتنين صحاب صحبتي اللي بتكلم عنها و البنت اللي عايزة نخرج صاحبتي مش بتحبها اوي) و انا كنت عارفة ان صاحبتي مسافرة و هتيجي لسة الاسبوع الجاي و البنت عايزة تخرج الاسبوع دا عشان بعد كدة مش هتعرف فصاحبتي لقيتها اتدايقت مني عشان مقولتش حتى اني مش هروح في حتة منغيرها و كدا و وافقت على طول و انا معرفتش اتفاهم معاها و هي كانت متدايقة مني اوي و انا بحاول ابرر لنفسي في الآخر بعت للبنت التانية اللي هي صاحبتها بردو قولتها حصل كذا كذا فحاولي تهديها بعدها اما خرجنا مع البنت اللي كانت عايزة تخرج انا و صاحبة صاحبتي دي هما راحوا يلعبوا و انا كنت قاعدة فصاحبة صاحبتي تليفونها رن فاديتها التليفون فبتديهولي احطه و راحت هي فلقيت صوت طالع من الموبايل طلع صوت صاحبتي دي في ريكورد و هي بتعيط تقريبا و بتقول اللي انا قولت بس بتريقة اللي هو نينيني كدا فانا قفلته و حطيته و قفلنا الموضوع و بعدها في آخر ٢٠٢٣ كنت انا اتقفلت منها خلاص و مستنية اي فرصة اسيبها بيها و لقيتها هي بتقولي انها بعدت عن كلو عشاني و عايزة نرجع شبه الاول و انا كنت باردة اوي صراحة و حتى مامتها كلمتني عايزة تعرف بعدنا لية فقولتها هي عملت كذا كذا قالتلي انا هكلمها بعدها بفترة مامتها كلمتني عادي و بطريقة ما فتحت انا الموضوع تاني و قعدت اقولها هي عملت كذا و كذا قالتلي بصي يا ترجعوا زي الاول و منتكلمش في اللي فات تاني و تنسيه يا تبعدوا بقا و خلاص كل واحد من طريق و يومها قعدت اعيط معرفش لية بس ماما قالتلي اسيبها و بتاع فقولت لمامتها وحاولت افهمها اني بحب صاحبتي بس اتأذيت و مش هقدر استحمل بس مفهمتش و من بعدها بقا الدنيا ولعت و هي غلطت و انا غلطت و وجعنا بعض اوي بعدها بفترة كبيرة اوي كلمتني سلمت عليا من موبايل قريبتها جه يوم ميلادها في اواخر ٢٠٢٤ بعت لقريبتها اني عايزة صاحبتي في حاجة و كنت عايزة اقولها بس كل سنة و انتي طيبة و خلاص بس لقيتها شالت البلوك و اتعاتبنا و اتكلمنا كذا مرة نتعاتب فيها مرة انفعلت و هي كانت حنينه اوي و انا قعدت اسألها على حاجات في بالي ردت و تقولي لا انتي تتحبي و ما غلطتيش و ما أذيتينيش و كدا و بعدها تقولي انتي اذيتيني اوي و كل مرة اسألها طب عملت اية قوليلي تقولي مش قادرة اتكلم دلوقتي او هعمل حاجة او كدا و انا مش هنكر اسلوبي كان صعب و كان كل اللي في دماغي افهم انا غلطت في اية او احاول اوصلها ان البرود و كدا كان رد فعل لافعالها و كل دا و عمالة اكرر اني مش مسامحاها حتى و هي بتقولي متزعليش قولتلها مش هقدر اسامح لحد آخر مرة اتكلمنا فيها و اسوء مرة يوم ١ مارس ٢٠٢٥ نزلت هي ستوري بتقول كلام معناه: قالتلي انتي في كفة و العالم كلو في كفة و بعدين سقفت بالكفتين على وشي فبعتلها قولتلها انا مش مسامحاكي و بتاع و الكلام دا قالتلي احسن يا قمر مش عايزاكي تسامحيني اصلا (انا مكنتش مستوعبة و مش عارفة ارد اقول اية قولتلها قلبي) و انا مبيفرقش معايا حد انتي ولا فارقا معايا انا قولتلها لما عند الله لقاء قالتلي اعملي فيها المسلمة يلا فكررتها تاني و رديت على انا مبيفرقش معايا حد قولت ولا انا بس معرفتش ارد على التانية الباقي في اول كومنت