مرتبك
هي صح الطفلة ليق تتعلم كيفاش طيب وشغل الدار وانا نعرف شوية ماشي مانعرفش بصح خصني نزيد نتعلم كيفاش نطيب ومنا بصح ندير شغل الدار باينة ونعاون بصح ماما مايعجبهاش العجب وظلي تعايرني بالكوزينة والطياب هي ويزيد عليها بابا كي شغل النصيحة تاعها تجي على شكل معتبرة ومقارنة بالاخرين و هاذي الحاجة لي تخليني نكره باش نتعلم مانيش نديرها كعذر لاني نعترف بلي خطرات نعجز على الكوزينة وباش نتعلم بصح صيغتهم في طلب الامر ونصحي كانهم يقولوك نتي خدامة والمراة يليق تكون غي في الكوزينة خصوصا من جيهة بابا مانيش عارفة اذا الغلط مني ولا منهم هي علابالي راني غالطة في امور ومقصرة في صوالح بزاف بصح راكم عارفين هذاك الاحساس مانيش عارفة كيفاش نشرحو
