شطرنج

عاوز اتكلم ومش عارف اقول ايه ف هسيب صوابعي ترقص على الحروف بالطريقة اللي تعجبها لو وراك حاجة ماتقراش يا ترى هل هي لسة بتفكر فيا زي ما انا بشوفها كل ما بغمض جفوني كأني وشمتها عليهم ومع ذلك بحاول اتجنبها في الحقيقة بأي طريقة ممكنة ممكن انا جبان وضعيف عن مواجهة الواقع او ممكن الانسحاب كان هو الحل المنطقي اصل لعب الشطرنج علمني اقيم موقفي كويس واعرف انا بكسب امتى وبخسر امتى وان اي نتيجة غير متوقعة ف هي غلطتك انت لانك ماحسبتش كويس ف بتتعلم الحرص والخوف من الغير محسوب بس احنا مش إنجين ومانقدرش نحسب كل التفريعات ف بنغلط ونخسر ومانخيرنا تتمرمغ بالتراب كأنها البزرة اللي بتتزرع والحرص من ان الموقف دة يتكرر معاك هو الشجرة اللي كبرت ما اخدتش خطوة حقيقية في نحيتها واتحججت ان مفيش فرصة ، والخطوة اللي خدتها كان اكونت فيك وياللسخرية مع اول رسالة بعتها فكرت امسح الاكونت واهرب لكن ضغطت على نفسي شوية وماكملتش كتير وبنهاية اليوم كان الاكونت زي اثار الاقدام في صحراء فيها عاصفة رملية ليه انا بفكر في حد ماعرفهوش ولا يعرفني ولا لينا علاقة بالطريقة دي بس ماتخافيش يا نفسي انا هنساها لازم انساها وانسى ايه ومفيش حاجة بينا اصلا طب لسة بفكر فيها ليه مع اني كنت نسيت انت مريض متعلق بأمل غير موجود انت جسدتها في خيالك بصورة مش حقيقية وحطيت فيها كل حاجة نفسك فيها ف انت مابتفكرش فيها انت بتفكر في اللي انت محتاجه طب انا اعمل ايه دلوقتي وانا خايف انها تعرف انه انا ماتخفش هي ماتعرفكش ولا تعرف اللي دخلها ، انت بس اللي بتوهم نفسك انت محتاج اهتمام بس مش لاقي وبتعاند ف ماصدقت لقيت حاجة اتشعبطت فيها نام وانسى نام بس

حد ييعرف يلعب شطرنج وعنده نصايح وكده؟ مشكلتي بشكل عام ان انا مستوايا متذبذب اوي.. مرة العب بتقييم ١٧٠٠ مثلا، واغلب ناس الف ونص واكتر عادي، وبلعب بريليانت كتير بشكل عام، وممكن اكتر من واحدة ف الدور الواحد وكله تمام، وفنفس الوقت بخسر قصاد ناس ٥٠٠ و٧٠٠ والعب بدِقة ٥٠ مثلا.. في حين اني بلعب ف الطبيعي بدِقة قد تتعدى التسعين، واغلب الجيم اغلب الاوقات بيبقى بست موف، وحتى في العادي مفيش بلندرات.. بس برضو ستل بخسر قصاد ناس اقل مني بكتير اوي، وناس اعلى مني بكتير اوي اغلبها برضو. اللي ببيلعبوا الشطرنج اونلاين هيفهموا قصدي، انا وقت الدروب ده ممكن انزل ل٩٠٠ مثلا واحيانا اقل، ف بحذف الآك واعمل غيره بحيث العب مع ناس اعلى ويكون الكيه فاكتور لسه عالي، ف انا حرفيا دخلت بأعلى مستوى، اللي هو ١٦٠٠ اظن، او ١٨٠٠، وغلبت تلت ماتشات من اول خمسة اللي هما اصلا بيحددوا المستوى مع ناس مستواها اعلى بمراحل مني. هو حاليا الريت شبه ثابت على ١٢٠٠، رغم اني قبل م احذف الاكونت كان اصلا ٨٠٠، وانا حذفت وعملت ع طول، مفيش فرق مدة زمنية حتى، بلعب بنفس التفكير وكل حاجة، فرق بس تركيز، وحتى بقالي فترة بغلب كذا حد ما شاء الله يعني، مستوايا احسن من العادي بشكل عام. فاا ده عبارة عن ايه، وحله ايه؟

يسعد مساكم ♥️✨ عايز اشاركم حاجة عبيطة شوية .. اتعينت من فترة ف شركة جديدة ، الشركة نظمت مسابقة شطرنج انهاردة انا كسبت اول مبارة استمرت ساعة ونص وكانت صعبة فشخ و البنت اللي قدامي كانت چنيس و كان حوالينا زحمة كتير اوي ع المبارة ، حاولت مبينش انبساطي عشان مسببلهاش احراج .. بس كنت مبسوط فشخ وانا حتي بناقشها بعد المباراة ✨