يا ريت نقدر كلنا نتعامل مع بعض بسلام ومن غير ما حد فينا يأذي التاني. نتمنى نمشي في الشارع وإحنا مبتسمين وراضيين (طبعاً مع التزام البنات بالحدود اللي تحميهم من أي فهم غلط لابتسامتهم)، نسلم على الناس بصفاء نية، ونخلي تركيزنا في الآخرة. نرضى بالمقسوم ونبطل نبص للي في إيد غيرنا، ويبقى هدفنا الأكبر إننا نكون أحسن عند ربنا. دي رسالة من القلب يا أصدقائي.. إحنا محتاجين نكون واعيين أكتر وعندنا انضباط، ولازم بوصلتنا دايماً تكون الأخلاق والدين، وبعدها المعاملة الطيبة والتصرف بحكمة. أنا عارف إن ممكن نقابل ناس مؤذية حوالينا، بس افتكروا إن ربنا بيأجرنا على صبرنا عليهم. أنت أكيد تقدر ترد السيئة بالسيئة، بس هل ده هيحل المشكلة؟ بالعكس، هتدخلوا في دوامة من الأذى ورد الأذى مش هتخلص أبداً وهتستنزف روحك. عشان كده محتاجين نهدى شوية، ونوزن حياتنا بمبدأ: "اعمل لدنياك كأنك تعيش أبداً، واعمل لآخرتك كأنك تموت غداً". لازم نتعلم إزاي نعيش حياتنا بهدوء وبإرادتنا إحنا، مش زي ما ضغوط الدنيا أو أفعال الناس بتفرض علينا. مش بدعو الى الضعف ولكن بالسلام وهناك فرق بينهما كبير جداً. يا ليت نتناقش في الموضوع ❤️