هي مشكلة غريبة شوية لكن هل فيه حد كان بيحب الروايات قبل كده او كان مدمن روايات او دودة كتب بمعنى اصح ومبقاش قادر يقرأ تاني ؟ انا زمان مكنتش بفوت يوم منغير ما اقرا رواية وساعات كنت بقعد بالخمس والست ساعات بقرأ لكن دلوقتي مش قادر ، قلت يمكن بسبب تركيزي و السوشيال ميديا وكده بس لقيت انه لا، انا مسحت السوشيال ميديا خالص ولسة مش قادر ارجع اقرا زي الاول
مع انه القراية كانت الحاجة اللي بتملا الفراغ اللي جوايا، واللي مكنش فيه حاجة بيملاه غير الكتب وكده
دلوقتي انا محتاج احس بنفس الراحة اللي كنت بحسها لكن مبقتش اقدر، حتى لما اقعد احاول، بحس دماغي بتترجاني اني اوقف محاولة عن القراية و اقوم، اكني بعذبها
وجربت حاجات كتير وهوايات كتير تانية عشان املا الفراغ ده بس مش قادر، مفيش حاجة بتهديني او بتملا وقتي بهدوء حتى الجيمز
