ربنا

انا مريت بحجات كتير بحياتي في فتره قصيره جدا مش بقول اني جامد بس عايز كل واحد يدعي للكل بدافع الثواب ونبقا كلنا اهل وعيله لبعض واتمني اكون بخير بس وربنا يرفقني بحياتي بعدين يااااااااااااااااارب

السلام عليكم و رحمة الله و بركاته.. مشكلة من نوع آخر بما انى كالعادة مميزة، عارفين فكرة انك بجد تاخد قرار انك تبدأ من جديد و كأن مفيش حاجة حصلت و تتعلم من اخطائك و تصلحها، كل ده محتاجة بس قرار، و العزيمة بتيجي بعدها سبحان الله.. من كام يوم لسه كنت بنهار صبج و ليل، و ضعيفة بشكل غير طبيعي،و مازلت ضعيفة برضو مش هنكر، أنا كل يوم كنت بموت من العياط و الوجع، بس المفروض ابدأ بقى و اعالج نفسي، مش هينفع اسيب كل الجروح دى تنزف لحد ما اتصفى، لما ممكن اروح لربنا و واحدة واحدة نصلح حاجة حاجة مش شرط كل حاجة مرة واحدة.. يتمنى من قلبي ان مفيش حد هيقع في كل الاخطاء اللى وقعتها، و لو وقعت قوم عادى و الله ما في حد هيقومك.. انا رغم كل ده ربنا مسابنيش و لسه محسن الي و ساترنى، خلونا نكسف على دمنا شوية و نحاول مش هيحصل غير كل خير، الوجع عند ربنا لما بيأدبنا على حاجة بيكون له لذة مختلفة❤️‍🩹🥀

الناس اللي بتعمل كات... نج او بتاذي نفسها باي طريقه سوا كات.. نج او حته بتخد منومات او وقفه حياتها بسبب شخص معين دخل و مشي عاوزه اسالك سوال استفد ايه؟ بجد والله يعني انت بتاذي نفسك بسبب ناس تلقيهم عايشين حياتهم بشكل طبيعي وانت لسه واقف في نفس النقطه كلنا بنمر بفتره صعبه بس لي اذي نفسي.. احنا اصلا مخلقوين علشان ربنا يمتحنا ف ردك لي الامتحان تاذي نفسك مش تحاول تدور من نفسك؟! هنفضل وقفين في نفس النقطه؟! لا اكيد قوم حط خطه لي نفسك شوف عاوز تعمل اي لي نفسك عاوز تكمل حياتك ازاي تفكر تصلح علاقتك ب ربنا ازاي تبدا تبقي شخص ناجح في حياته بس متاذيش نفسك علشان ناس مشيت و سبتك ومفكرتش فيك وانت عمال تفكر فيهم

السلام عليكم يا فواكه يارب يومكم يبقى لذيذ المهم بقى لو حد هنا طلع عمرة من فلوسه يقولي بقى عملها ازاي و ازاي احوش و كدا(عاطلة عن العمل اهلي بيصرفوا عليا)بس المهم الاصرار لاني نفسي اروح جدا جدا ف اقرب وقت و ربنا يرزقني و يرزقكم يارب

حقيقي مش فاهم ازاي حد حياته كلها خرا في خرا وكل حاجه مقفله معاه وعمره ما اتوفق في حاجه ومع ذلك يفضل مؤمن بوجود ربنا!! يعني ازاي تبقا انت مسلم ومؤمن بوجود ربنا ومش وحش ومش بتإذي حد وربنا يعمل فيك كدا!! هاتقولي ابتلاء حلو ليه بقا بيبتلي الناس؟ عامة كل الاجابات علي الاسئله دي مابتكونش مقنعه ابدا بس الناس بتصدق الي عاوزين يصدقوه وفي الي بيردد علي عما

بعد ما حكيت قصتي الطويلة اللي محدش عارفها معررفتش اكملها ..فضلت باصص للسما والسحاب و سرحان يا ترى كان ممكن يتم النصيحة ب ايه مش عارف ...بس خير انا بس نفسي ربنا يتمم على خير للموضوع ده لاني اتكسرت

من فترة كنت شاغلة بالى ب مشروع التخرج و الفاينل و حفلة التخرج و اللبس و كل التفاصيل الجميلة دى، بس الحمد لله مشروع التخرج خلص على خير، و بقى كل تفكيرى في حفلة التخرج و اشيائها اللطيفة.. بس من كام يوم بقى خدت قرار انى مش هحضر حفلة التخرج، لله، و أهو من ترك شيئاً لله عوضه الله خيراً منه، بس من شوية قابلنى ريلز، و لقيت نفسي زعلت بس مش علشان مش هحضر، بالعكس انا فرحانة انى بحاول ارضى ربنا، بس اللى زعلنى ان حتى لو كنت هحضرها كنت هكون لوحدى كالعادة، ف ايزى🥀💔 من سنة و اكتر تقريباً كنت بحلم باليوم اللى اتخرج فيه و كنت بطلب من ربنا يقر عيني فيه ب فرحة هى اى معرفش بس كنت بدعى يتعملى مفاجأة مثلا و اليوم ده يظهر فيه رفيق الدرب، كنت مجهزة صورة لتصميم بوكيه الورد، بس ثوانى عادى برضو كده كده لسه مجاليش ورد ولا حتى أعرف احساس البنوته اى لما يجيلها ورد بس عادى لسه مفيش نصيب..💔🥀 بس تصدقوا الموضوع صعب، مش عارفة بعيط ليه، بس خير💔🥀

الاول كنت بحلم ونفسي احقق حجات كتير اوي دلوقتي حتي لو الحجات دي كلها اتحققت معنديش طاقه ولا روح اني افرح بيها بقى كل حلمي ان حياتي تنتهي ف اقرب وقت كل شويه بتشاهد عشان لو جت اللحظه دي خايفه اخرتي تكون صعبه كمان بس قاعده مستنياها وعشمانه في ربنا

انا دايما وحيد ومحدش جمبي محدش بيسمع مشاكلي عمري ما لجأت لاني اتكلم مع مش عشان انا كتوم ولا كده بس عشان اصلا انا معنديش حد احكيله معنديش الحد اللي اثق فيه لدرجة اني ابكي واجيب كل اللي ف قلبي قدامه والله الكتمان بياكل الروح انا مش عارف اتكلم ولا اعبر عن احساسي مش عارف اروح ل مين واقوله عاللي انا فيه مين هيسمعني مين هيحس بيا وباللي بعيشه كان نفسي ف حد من غير ميتكلم ياخدني ف حضنه ويطبطب عليا كفايه اني ابقي متأكد انه حاسس ب وجعي انا تعبت ومش لاقي طريق يخرجني انا واثق ان ربنا حنين قوي وشايف تعبي اللي انا مش عارف احكيه لحد شايف الدمار الشامل اللي جوايا شايف كسر قلبي وشايف وحدتي وشايف كسرة نفسي وانا مش لاقي حد اتكلم معاه ولا حتي ارفع سماعة تلفون ع حد واشكيله ربنا الوحيد اللي شايف قد اي انا ضعيف ومستهلك شايف كتمة دموعي وبتعامل عادي وانا موجوع كأن سيف تلم دخل ف قلبي وماشي ب وجعه ربنا عالم باللي فيا مهما إتداري ومهما كتمته جوايا عال ب خنقتي وب قلبي المكسور وروحي اللي حاسسها هتطلع مش عارف اقول حاجه تاني غير اني تعبت اتهلكت ومبقتش قادر استحمل انا جبت اخري بالمعني الحرفي ل كلمة جبت اخري

اصعب حاجه ان مش ان عدوك يخذلك.. اصعب حاجه ان حد يكون قريب منك وهو دا اول واحد يكسرك غدر الصحاب بيوجع علشان انت ما كنتش عامل حسابه ما كنتش حاطط اي حاجه في العلاقه دي غير قلبك. بس الحقيقه ان مش كل حد بيمشي من حياتك هو خسارة في ناس ربنا بيبعدها عنك علشان يحميك مش يعقبك واحنا كمسلمين دنا علمنا ان احنا نبقي اوفياء قال رسول الله صلى الله عليه وسلم اية المنافق ثلاثاذا حدث كذب واذا وعد اخلف واذا اتمنا خان. يعني الخيانه صفه مذمومه مش ضعف منك انك وثقت سيبك بقي من الغدر ده خالص وخليك انت نظيف القلب علشان ربنا شايفك وهيعوضك باللي يستاهلك واللي شبهك

كل مؤذي سيؤذى إنها الأيام كل ساقي سيسقى بما سقى و لا يظلم ربك أحداً .. الدنيا ستدور؛ و المشاهد ستعاد والأدوار ستتبدل .. من قهر سيُقهر ومن ضر سيضر ومن ظلم سيظلم، ومن عاب ابتلى فإن الله يمهل ولا يهمل .. يوماً ما ستفهم أن الدنيا تدور ثم تعود وتقف عندك لتفعل بك ما فعلته بغيرك .. كما تدين تدان .. " وتلك الأيام نداولها بين الناس "العداله الربانيه"

بقالي كتير منزلتش حاجة هنا وده لسبب اني دخلت فترة نقاء وخلوة مع ربنا انا حرفيا مبسوط جدا اني اتغيرت منكرش سعات بحن للماضي ولاكن انا خلاص مبقاش عندي حنين غير لربنا لما تقرر تتوب متخدش معاك فرحت التوبة الحاجه الي بتضعفك مثلا مترحش الجم عشان تخس وانت واخد معاك شورما عشان لو جعت حقيقي لو حد حابب يحكي حاجة وجعا مهتم اسمع كل حد موجوع

في حد عندو تجربة مع الدعاء دعى ربنا بصدق و استجابلو حبيت اسمع حكايتكم لاني احب اسمع حكايات هاك لان كل ما تصدق مع الله ، الله يصدق معك و يعطيك اكثر ملي تتمنى (و من يتق الله يجعل له مخرجا و يرزقه من حيث لا يحتسب و من يتوكل الله على الله فهو حسبه ان الله بالغ امره قد جعل الله لكل شيء قدرا )

وأنت بتدعي بلاش تتقشف .. - واحد صاحبي قعد يدعي ويقول يارب انا عايز شقة واتجوز وعربية أي عربية وخلاص ومش عايز حاجة تانيه .. بيقولي ربنا فتح عليا لحد ما جت ال 3 حاجات دي وبعدها كأن حنفية واتقفلت !! • واحدة قعدت سنين مش بتخلف راحت عند الكعبة وقالت يارب انا عايزه أي عيل حتى لو مشوه .. حملت فعلا ولما ولدت طلعت الطفل عنده عيوب خلقية وداخت بيه على المستشفيات وانت بتدعي بلاش تتقشف !! يعني مثلا انك تقول يارب ارزقني بعربية ولو حتى بباب واحد او انك تقول يارب ارزقني بأي شغل وخلاص .. سيدنا يوسف قال : {قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ}. يقول ابن كثير رحمه الله.. يوسف عليه السلام دعا الله أن يسجن فاستجاب له الله و سجن .. ولو أنه قال ربي العافية و النجاة أحب إلي لعوفي ونجا وانس المنطق وانت بتدعي !! يعني ايه ؟؟ يعني تدعي ربنا بكل اللي نفسك فيه وماتشغلش بالك ازاي الدعوة دي هتتحقق !! سيدنا زكريا دعى ربنا انه يرزقه بالولد مع ان سنة كان كبير قوي وزوجته مش بتخلف بس ربنا ﷻ قال ساعتها "هُوَ عَلَيَّ هَيِّن" .. وبرضوا سيدنا ابراهيم ساب اهله "بِوَادٍ غَيْر ذِي زَرْع" بس لما جه يدعي قال {وَارْزُقْهُمْ مِنْ الثَّمَرَات} وبعدين وانت بتدعي خليك طماع .. اسأل كتير وادعي باكتر من اللي نفسك فيه .. النبي (ﷺ) بيقول {إذا تمنى أحدكم فليستكثر، فإنما يسأل ربه } .. سيدنا موسى طلب من ربنا ﷻ 7 حاجات مرة واحدة وكان الرد ساعتها: {قَالَ قَدْ أُوتِيتَ سُؤْلَكَ يَا مُوسَىٰ}. وادعي ربنا بكل حاجه مهما كانت صغيره .. ورد في الأثر: أن موسى عليه السلام قال : يا رب ! إنه ليعرض لي الحاجة من الدنيا فأستحي أن أسألك . قال الله ﷻ : سلني حتى ملح عجينك وعلف حمارك. ولو عايز تعرف يعني ايه حسن الظن بالله !! شوف دعوة سيدنا سليمان يُفتن ويستغفر وفي نفس الدعوة يسأل ربنا مُلكاً لا ينبغي لأحد من بعده قال تعالى: {وَلَقَدْ فَتَنَّا سُلَيْمَانَ وَأَلْقَيْنَا عَلَى كُرْسِيِّهِ جَسَدًا ثُمَّ أَنَابَ قَالَ رَبِّ اغْفِرْ لِي وَهَبْ لِي مُلْكًا لّا يَنبَغِي لِأَحَدٍ مِّنْ بَعْدِي إِنَّكَ أَنتَ الْوَهَّابُ} سيدنا عمر بيقول ( أنا لا أحمل هم الإجابة ولكن أحمل هم الدعاء) وخليك متآكد وانت بتدعي ان الله هو القريب ، المجيب ، الرزاق ، الوهاب .

انا عارفه أن كلنا بنغلط بس ليه مش قادره اسامح نفسي وديما خايفه ربنا ميسامحنيش وديما بفكر ف الأسوأ ليه انا دائما تفكيري سلبي وبجلد ف نفسي ومبسمحهاش ليه مش عارفه احتوي نفسي واطمنها ليه بفكر ف الأسوأ دائما دا تاعبني جدا حد عنده حل

الجو بدا يحرر وده انسب وقت الشيطان ممكن يلعبلك فيه ويقولك يلا نقلع الحجاب وده انسب وقت تثبتي فيه لنفسك قدام ربنا ان انتي مؤمنة صح وخايفه من ربنا وخايفه فعلا من عذاب النار وبتتمني الجنة مش مجرد لابسه الحجاب علشان اهلي غصبنا عليه او علشان هو كل الناس حواليا لابساه او علشان مابقاش غريبه لا فعلا لابساه علشان ترضي ربنا سبحانه وتعالي سوس الشيطان هتبدا تجيلك من دلوقتي وانا كمان اكيد الحر ابتدا والدنيا لاتو طاج الحجاب اللي انتي حطاه علي راسك وان انتي مغطيه جسمك مش لبسه مكشوف ومغطيه شعرك ومغطيه رقبتك ولابسه حجابك صح اقسم بالله هتؤجري علي دا اجر عظيم جدا جدا لو انتي محتسبه الاجر علي الله سبحانه وتعالى فبالله عليكي اثبني قدام نفسك وقدام الشيطان قدام اي صحبه سوء هتحاول تلعب في دماغك كده ولا كده الحجاب مش لعبه و ربنا يثبتنا جميعا.. صلو علي النبي عليه وسلم 🤍🤍

حقيقي بقيت احس ان ربنا بيبعتلي ناس يدخلو حياتي عشان يديني درس ومعرفش دي كانت صدفه ولا كان معروف انها هتحصل بس عموماً هي صدفه مش حلوه خالص لاني مستفادتش منها باي حاجه حلوه من اللي انا اتصدمت منه ف النهايه او لا مش مصدومه كنت متوقعه اي حاجه تحصل من اي حد وحلوه في نفس الوقت عشان اكدتلي اني مينفعش اثق ف اي بني ادم غير سوي ومريض غير نفسي وبس وان مش اي حد يقولك كلمه حلوه تفرح ع طول ربنا عارف نوايا الناس دي كويس واعوذ بالله منها من براهم يبانو كويسين وخايفين عليك وبيهتمو بكل تفصيله ف يومك وجواهم مليان غدر واذي ف خلق الله بس صدقوني الناس دي ربنا لا هيكرمها ف حياتها لا ف دنيا ولا ف اخره وربنا عادل ومبيسيبش واللي بنعمله ف خلق الله هيترد عاجلا أم اجلاً ، وانا مش مسامحه ليوم الدين ع اللي حصل ده نصيحه متصدقوش حد غير نفسكووو وبس

ساعات بنتمسّك بحلم كأنه كل حياتنا، ونحط فيه كل تعبنا وأملنا ولما ما يتحققش بنحتار: هل ده قلة توفيق ولا اختبار؟ بس يمكن الحقيقة إن ربنا شايل لنا حاجة أحسن، حاجة لسه مش شايفينها، وهتيجي في وقتها المناسب وتكون أرحم وأجمل لقلوبنا.

الحمد لله على كل حال انا راجع بلدي بعد ما واحد ضحك عليا وخد فلوسي مش مهم الفلوس في داهيه انا بس بفكر الراجل ده مش عارف إننا هنتقبال تاني بس ساعتها مفيش امكانيه يرجعلي فلوسي ونا طبعاً مش ملاك والفلوس دي سالفها ياعني بعون الله هحاول اسدها هل هسمحه يوم القيامه ولا لا مبيفكرش إن ربنا مطلع وشايف ومش هيبارك في أي حاجه قرش من غير وجه حق بس الحمد لله انا بس لو هوا واقف على باب الجنه عشان اسامحه ينسي ومش عايز فلوسي كمان انا رفعت دعوتي لربنا

بعد الموت فيش فرصة مش هينفع تقلو استني اتوب او اصلي الموت بيجي عل غفله ممكن وانت ماسك فون بتعمل الغلط تموت مش هتلاقي فرصة تتوب او ترجع انهارده اتوفي حد من شارعنا كان حد وحش جدا اتوفي 25سنه صغير الله اعلم يمكن تاب بس حقيقي بدل مكنا بندعي عليه بقينا ندعييلو ربنا يوفقو اعملو حساب الحظة دي

ازيكم يا شباب عندي أنا بصراحة متلخبطة ومتعبة ومش حاسة إني مش فاهمة حاجة، حاسة إني لسه عندي أمل، حاسة إني ضايعة بس لسه في أمل، مخنوقة. للأسف غلطت كتير، غلطت كتير قوي قوي قوي، خايفة، ضايعة نفسي، بحاول ألحق نفسي بجد، نفسيتي ضايعة، طبعًا دراستي بتضيع بطريقة غصبية. حتى أهلي الحمد لله يعني قالوا إن هما يحاولوا يساعدوني خلاص، وأنا قلتلهم أنا عايزاكوا تساعدوني لكن أنا مش عارفة إزاي. قلتلهم هكلم الدكتور بتاعي يتكلم معاكوا ويكلمكوا عشان تعرفوا تساعدوني. برضو حاسة إني ضايعة، كل حاجة، دراستي دلوقتي بربنا، كل حاجة كل حاجة، بس حاسة إني دلوقتي بحاول، وحاسة إن كل حاجة دلوقتي أحسن، وده ححاول ولسه ححاول إن شاء الله، إن شاء الله بإذن الله، وبحاول ما أفقدش رحمة ربنا. وأنا أصلًا ربنا يعني عفا عني تعبي، حتى بكده قلت خلاص ما أدخلش نكت، والله فكرت في كده، لكن حاسة خلاص أنا مش عايزة أفرج مع الطفل أكبر مني، أنا ما أعرفش، أخي ما عنديش صحاب دلوقتي، ما أعرفش حد حتى خالص، يعتبر طفل أكبر مني، فأنا قلت أحاول على قد ما أقدر في الموضوع، ما أعرفش، واللي يحصل يحصل، واللي ربنا يكتبه هو اللي يحصل. انا كنت ماسخة البرنامج و معرفش حتي هرد ولا لا أنا مش عايزة حد جنبي عشان دي مشكلتي، كلما حد بيبقى جنبي كلما بتعب أكتر، كلما بتكون هي دي المشكلة أكتر. أنا مش عايزة حد جنبي عشان دي مشكلتي، كلما حد بيبقى جنبي كلما بتعب أكتر، كلما بتكون هي دي المشكلة أكتر. أنا مش عايزة حد جنبي. ادعولي يا جماعة، ادعولي، ادعولي، ونصحولي لو عندكم نصيحة لكن حقيقية. أنا خايفة لكن إن شاء الله أصح. بالمناسبة آه محاولاتي ضعيفة مع دوما كمان، قاعدة من غير نظام، أي حاجة تانية بضيع وقت. لما بقدر أعمل مجهود بعمل مجهود بسيط بسيط بسيط بطريقة أقدر أوصل، لكن ربنا عارف إني بحاول، وأنا فعلًا بحاول حتى لو مش قادرة أعمل حاجة فعلًا، لكن نصيبي أنا بحاول، حقيقة بحاول أرجع لربنا، وبحاول أذاكر، بحاول حاجة مفيدة، أي حاجة مفيدة، بحاول والله.

عملت تغيير كبير جدا في حياتي علي الاقل بالنسبالي نضفت الدايرة الي حواليا من الاشخاص الي ملهاش لازمه وبحاول اقرب من ربنا وبحاول دايما اكون كويس بس احيانا كتير بيبقي نفسي في حد يسمع كل حاجه جوايا ويقف جمبي

انا مش عارفه انا ليه باعمل البوست ده ومين ربنا سخرني ليه علشان يقراء الكلام دا... هو انت فاكر ان ربنا هيستخسر فيك الخير وقت وانت كنت فاكر ان الطريق اتقفل وان الدنيا بقت خلاص ضلمة حواليك ربنا كان بيحميك من طريق اخرته وجع اخرته وحشه اخرته انت ما كنتش هتحملها والحاجه اللى مشيت مره واحده مشيت تتدبير الهي عجيب ربنا عمي بصيرته عنك علشان النهايه كانت لازم تكون كده لانه لو كان خيرا لوقي 🤷🏻‍♀️... علي فكره ربنا مش بيستخسر فيك الخير ربنا شال عنك الاذي اللي لو انت كنت كملت كان هيصيبك بكره تعرف ان ربنا لو كان سابك الاختياراتك كنت غرقت مافيش حاجه خيير هتمشي من طريقك ابدااا اطمن ربنا عارف وسامع دقات قلبك وعارف اللي انت مخبيه ربنا هيعوضك وهينسيك كل ليه سالتها وانت محتار وهينسيك كل ليه سالتها وانت مش عارف ايه اجابتها وخلي اليقين ده في قلبك ديما عسى ان تكرهوا شيئا وهو خير لكم 🤍وعسى ان تحبوا شيئا وهو شر لكم🤍 ونكملها بقي. والله يعلم وانتم لا تعلمون 🤍🤍

انا الحمدلله ملتزمه في صلاتي وملتزمه في اذكاري ازاي بقي الواحد يقرب من ربنا اكتر ويبقي احسن في عبادته وازاي ربنا يستجيب لدعاءه وايه هي اوقات الاجابة ولو حد عنده علم باي حاجه االانسان ممكن يعملها عشان يستجيب ليه

قرفان من العيشة ككل وقرفان من البشر ومن الناس ومن المذاكرة وانام شغف وفقدان معنى الحياه وفترة ما يعلم بيها الا ربنا مش عارف هتودينا فين تاني مش عارف اخرتها اي مش عارف عواقبها اي الفترة دي حاولت اطلع منها بكل الطرق ومش عارف مش عارف اعمل اي تاني مش عارف

هوا الناس الي كانت بتقول صعب نتوب ونتغير جربو فعلا يجدعان ده الخطوة فمسوار التوبة بالف خطوه ف الشر بجد انا توبت وبقلوقو ان الموضوع سهل جدا انت مجرد متاخد خطوة واحدة هتلاقي نفسك بقيت احسن حقيقي جربو تحبو بدون مقابل ربنا بس الي هيحبك بدون مقابل الحب بينضف القلب كانت مقصوده اننا لما نحب ربنا هوا كمان هيحبنا الحب حلو بس بلاش يكون بمقابل بجد

بغكر نفسي وبفكرك ، قبل ما تشتكي من الناس ومعاملتهم ليك وخذلانهم المستمر او عدم تقدريهم ، شوف الاول علاقتك بربنا ، اصلح ما بينك وبين الله يصلح الله ما بينك وبين الناس ، محبه الناس ليك دليل على حب الله لك ، ف شوف علاقتك بربنا قبل ما تشتكي من علاقتك بالناس.

لأول مره مبقاش عارفه اقول ايه او اعبر عن اللي جوايا بس كل اللي انا عارفاه اني بحاول اطلع نفسي من اللي انا فيه حتي لو بحاجات بسيطه بحاول اكمل بحاول اكون كويسه وانجح اكتر واكتر عن اللي وصلتله لان بالنسبالي اللي وصلتله ده مش كفايه لا لسه فيه تاني وطبعا كل ده بكرم ربنا عليا واني عندي ثقه كبيره اوي ف ربنا انه مش هيخذلني زي المرات اللي فاتت ، علاقتك بربنا احسن كتير اوي عن علاقتك بصديق بأخ باي حد لانه بيسمعك دايما حاسس باللي جوايك مهما تطلب منه من دعي عمره م هيردك الا وهو جابر بخاطرك وهو الوحيد قادر انه يغير كل اللي انت فيه ده ف لحظه ثق انت بس فيه وقول يارب وصدقني هو الوحيد عالم باللي جواك واللي بتحس بيه من تعب ربنا كريم اوي ورحيم اوووي اوي فوق م تتخيل كفايه راحه البال اللي بتحسها بعد كل صلاه كده وانك مبسوط اوي ان ربنا راضي عنك دي بالنسبالك المفروض تبقي حاجه كبيره اوي عارف ليه عشان غيرك بيحاول يقرب من ربنا بس مش عارف يعمل ده ولا عارف ينتظم ف صلاته ومش معني كده ان هو وحش بالعكس ربنا مديله فرص كتيره اوي تخليه يعيد حساباته الف مره عشان ربنا يثبته قرب منه صدقني عمرك م هتخسر لكن الخساره اللي بجد انك تبقي عارف ان ده فرض عليك ومتعملهوش♥️👌..

هو الطيبين راحو فين ؟ ليه شايفاني بفكرى وروحي جاية من كوكب تاني انا مش عارفة اكون وحشة ، لا بعرف اكدب ولا اغش ولا انافق ، انا تعبت أبين اني قوية وانا من جوه أضعف من الورق ، وزعلي خلاص بدأ يوجع جسمي 😔 مدد ربنا ليه دايما بيتأخر

تصدق معرفش لا بجد مش عارف امتى وازاي وهل فعلا خلاص كدا راح لحاله ولا ممكن يرجع تاني وكانت استراحة محارب زي ما بيقولو معنديش هو الواحد كان بيحاول يصبر نفسه بس وقتها ان ربنا اكيد يريد بيه الخير و حسبنا من الخسارة انها دنيا فانية و الله المستعان

ما ضاقت الا لما فرجت قاعد مستنى الفرج بقالى كتير اوى ومستنى اشوف حكمة ربنا وعوضه الكبير وعندى ثقة فى دا جدا بس تعبت من الهم والكرب والله مفيش حاجة بتكمل ومفيش حاجة راضية تمشى زى ما انا عاوز

ي جماعه انا جايه أقولكوا ان كل حاجه بتحلل الحمدلله من عند ربنا و كله بيعدى و متبطلوش تدعوا و ربنا يناولكوا كل الى بتتمنوه فى موضوع كان شاغل بالي جدا و حاسه انى مستحيل مطلعش ب خساير كتيره يعنى كنت حاسه انى ملهاش حل بس الحمدلله ربنا حلها من عنده و رغم كل حاجه بجد حاسه ان فى جبل اتشال من عليا الحمدلله بجد🤍

الحنيه بحس دايما ان الانسان الحنين دا بيبقي رزق من ربنا الحنيه هي فعلا مفتاح لكل حاجة في الدنيا دايما متأكده ان عمر ما ظروف الحياه الصعبه بتغير الشخص الحنين لانه مهما حصل مش هيعرف يبطل يبقي حنين و كدبه كبيره ان حد كان حنين ف البدايات يبقي قاسي ف النهايات

كلنا بنقصر احيانا ومفيش حد مثالي بس انا مقصره في اهم حاجه في الدنيا وهي الصلاه بجد انا زعلانه من نفسي اوي بسبب الموضوع ده انا لما بصلي بحس ان لساني اتلجم على اي حاجه غلط اقولها وبحس ان العقل تلقائي بيمنعني عن اي حاجه غلط اعملها ويبقى في سلام داخليا بس برجع تاني وابعد عن ربنا زعلانه من نفسي اوي بجد ومش عارفه اعمل ايه مع ان انا الحمد لله يعني عندي حته الضمير الصاحي ده مش بيسيبني تأنيب طول الوقت , اتمني حد يساعدني ويارب يثبتنا جميعا 🤲🏻♥️

أكتر حاجة هتساعدك في إنك تتخطى مرحلة معينة في حياتك هي إنك تفكر نفسك إن ربنا عايز كده وده الخير ليك، وأكيد له الحكمة في أنه يخليك تمر بالظروف دي، وإنه سبحانه وتعالى "لا يُكلّف نفسًا إلا وسعها"♥️ ﴿ لا يُكلِّف اللهُ نفسًا إِلاَّ وُسعها ﴾ لن يضع في طريقك عقبات لن تستطيع تجاوزها، لن يبتليك بشيء يُفقِدك صوابك، لن يجعل أقدارك أصعب من أن تتحمَّلها، امتحان الله دائمًا ما يكون على قدر صبرنا، ولن يُكلِّفنا برحمته ولطفه ما لا نطيق، أو ما لا نستطيع تجاوزه

جماعة هنعمل ايه ف الفراغ العاطفي اللي عندنا نملاه ازاي رغم وجود باقي الجوانب الحمد لله لكن ده برضوا جزء اساسي ف يومنا نعمل ايه بكل المشاعر دي واحنا مش مرتبطين ولا حتي عايزين نرتبط غير لما ربنا ياذن بالخير

هو يعني اي السعي يعني ديما اسمع ان الواحد لازم يسعي علشان ربنا يكرمه بس هو السعي اني افضل ادور علي شغل كتير ولا ممكن يكون السعي ليه اشكال تانيه غير دا حاسس اني المفروض اعمل حاجات كتير و مجهود اكتر بس مش عارف المفروض اعمل اي

الناس فاكرة حياتي كانت سهله عشان بس قولت اني بكون مبسوط وانا وحدي لكن هي كانت عبارة عن كوارث من سجن ظلم لعلاقة استمرت سنين وفشلت وحجات كتير جات ورا بعض لكن بعد دا كله مش هقول وقفت من جديد لأني بفضل الله موقعتش أصلا في أسود لحظات حياتي كنت بضحك واقول ربنا هيحلها وبتتحل فعلا عاوز اقولكم اني شوفت حجات مينفعش اسميها الا معجزات من تدبير ربنا في حياتي والحجات اللي بفتكرها مصايب يطلع الخير كله فيها والدعوات اللي متحققتش اكتشف انها كانت مصايب ربنا صرفها عني عشان كدا لو الدنيا بتطربق حواليا قلبي مش بيتهز لحظة أنا كنت بشوف في السجن رجالة بشنبات جايين في مشاكل تافهه بيعيطوا وانا اللي كان ممكن مخرجش تاني اصلا كنت بضحك من كل قلبي وحاسس ان الناس كلها محبوسه وانا طاير في السما بتفرج عليهم لدرجة اني بعد ما خرجت بحاول اوصل لنفس المستوى دا من الفرحه مش عارف 😂 الصدمات الكتير كسبت منها قوة مش طبيعية مش بتأثر بأي حاجه ورغم كدا محافظ على قلبي لين بفضل الله مش بقسى ولا بتعصب وبعرف اتحكم في غضبي كويس جدا

لو حد شايفك بطريقه غلط مش لازم تثبتله.. سيبه شايفك بطريقه الغلط دي لحد ما هو فجاة كده وانت ناسي اصلا ناسيه شايله من دماغك هيبتدي يكشف ان هو كان غلطان فده عادي فانت مش لازم حد فاهمه غلط او فاهم حاجه عنك غلط او شايفك بصوره غلط تصححله الصورة دي وتفهمه ده مش دورك ده انت ما عندكش وقت تبرر اساسا ان ده المفروض لو انت بني ادم فعلا ناجح وعندك استعداد انك تبقي بني ادم بقي ناجح بجد وما ينفعش تحط في دماغك ده لازم كل حاجات دي ترميها وراك وتمشي في اتجاهك زي ما انت اي حد شايفك بصورة غلط حقودي بقي زعلان منك مش عارفه اي تمام بس سيبه زي ما هو كده في يوم من الايام هيبتدي يندم هيبتدي يكتشف بس مش لازم اليوم ده يبقي بكره ولا بعد اسبوع ممكن بعد 10 سنين فانت هتفضل قاعد لعشر سنين بقي بتحاول تثبتله ان الكلام اللي هو كان واخده عنك ده او الصورة اللي هو واخدها عنك دي غلط لا انت بتبتدي تشوف حالك وحياتك وعادي جدا بتنسي البني ادم ده وبتمحيه من علي وش الدنيا وبتبتدي تشوف حياتك انت مالكش دخل انسي اي مشكله وعيش اليوم بيومه يومك انهارده خلاص قضيته تمام شوف في اخر يومك انت عملت اي صح وعملت اي غلط بكره نفس الكلام عيش حياتك ودبر امورك لو انت اللي هتدبر امورك مين اللي هيدبرها معلش ربنا كده كده انا عارفه بس ربنا قالك اسعي وانا معاك اسعي و سيب الباقي علي ربنا فانت دبر امورك ومشي حالك وسيب الامور وسيب الباقي علي ربنا بس ده كل المطلوب منك لكن انك تقعد تحاول تثبت لحد صوره هو كان واخدها عنك غلط ينهار اسوح احنا مش مش فاضين لدا

جماعة هو انا لو حبيت شخص من اول نظرة وحصل مشاكل بينا من اول مرة و للاسف حاولت اصلح معاه وهو رفض مع أنه هو الغلطان بالرغم اني حاسة أنه معجب بيا بس انا بعدت من مكانه و مش عارفه هشوفه تاني ولا لا و بعدها لقيت شخص متقدملي نفس اسمه وباين أنه شخص محترم لكن مش ستايلي خالص بس شكله مقبول ف مش عارفة اقبله و ديه إشارة من ربنا أن الشخص الاولاني مفيهوش الخير ولا ايه ؟؟؟؟؟