دكتور نفسي

الفترة دى مضغوطه جدا والتفكير فوق دماغى مش طبيعي حرفيا مش فاكرة اخر مرة امتى كنت كويسة وصحتى النفسية كويسة علىطول تعبانة ومرهقة ولو فصلت ثوانى عن المود بحس بالذنب حرفيا الفترة دى مشغولة علشان عايزة امتحن الميد وبقدم على كذا حاجه كورسات فى أماكن كويسة بعمل اى حاجه زى ما الناس بتعمل مش عارفه اى الاستفادة بس بعمل زيهم وخلاص بقيت بحس افكارى بقت مشوه بس خير كله بيعدى بس احسن خطوة فى كل ده بحاول اخد معاد مع دكتور نفسى كويس اونلاين احاول افهم مالى حبيت اشارك كدا يمكن احس انى تمام شكرا

إمتي الشخص فعلاً لازم يروح لدكتور متخصص علشان يساعده مش مجرد شعور انه مش كويس فعاوز يروح وخلاص يعني ايه المشكلات او الحاجات اللي الشخص لو حس بيها فعلاً مشكلته عاوزة حد متخصص مش مجرد شعور وخلاص

تقريبا بقالي سنتين في دوامة من كره نفسي بسبب شكلي، انا طولي 197 ودائما بفكر اني هبقى مرفوض من العلاقات وهعيش وحيد طول عمري أو هعيش مع حد مبيحبنيش، الفكرة اني اصلا لسه طالب ومش في مرحلة اني افكر في العلاقات ولا حتى بعد تلات سنين من دلوقت، لكن مهما أفكر نفسي بالكلام ده بترجع تاني نفس الأفكار وكأنها مفروضة عليا بالقوة، يعني في الاول كانت ممكن تيجي بعد ما اشوف بوست أو تويتة لواحدة بتذم في الطوال لكن دلوقت بلا اي مؤثر حقيقي لازم ادخل الدوامة دي ولازم تسحبني لفترة من الوقت كلها كآبة وبقت تنتهي بالنوم الحقيقية مش في طولي فعلا علشان الناس متفهمش اخطأ، المشكلة في الحالة النفسية وانا محتاج اروح لطبيب نفسي بس قدامي عائق اني طالب هندسه مش بيشتغل حاليا ومعندوش وقت يشتغل ومعنديش حد يصرف على السيشنز دي

عمرك ما هتعرف ان عندك اكتئاب غير لما تتعالج منه او انك تلحق نفسك اول ما تعرف وتحس انك محتاج مساعده بجد من شخص مختص، اما بالنسبه لتجربتي مع الاكتئاب انا مكنتش اعرف اصلا وقتها ان عندي اكئاب وكان عندي ١٤ وكنت فاهمه اني للي كنت بمر بيه مجرد ضعف ايمان ف بالتالي مكنتش بهتم ،وطبعا كنت بمر بعارض الاكتئاب الشأعه والمعرفه وقتها كنت كتير ان الحياه دي ملهاش لازمه ولا حتي وجودي ليه لازمه ف بتلتالي كنت بفكر في افكار انتحاريه كتير ،المهم قعدت سنه وكام شهر مصابه بالاكتئاب، وعرفت اني مصابه بالاكتئاب قبل العلاج بشهر وفضلت ادور عل دكاتره يكون العلاج اونلاين لان طبعا فكره الدكتور النفسي منبوذه من المجتمع، وبالفعل اسمريت في العلاج ٦ شهور ،منكرش ان العلاج ساعدني كتير و خصوصا الدكاتره النفسين ،عشان كده لو حد خايف ياخد الخطوه لمجر "الناس هتقول اني مريض نفسي" ف طز لان بجد انت اللي بتتأذي وكل ده بيأثر عل دراستك، شغلك، علاقتك بأهلك، علاقتك مع الناس وربنا.

حد يعرف دكتور نفسى كويس فى القاهرة ويكون سعره كويس وبلاش الاسعار اللى اوفر اللى بنسمعها دى عايزة اروح وأكمل مش اروح جلسه ومقدرش اكمل التانية ياريت لو حد يعرف يفدنا كلنا مشكورا يقول وشكرا

بفكر اروح لدكتور نفسي في مستشفى حكومي قلقانه شويه من انهم ميفهمونيش كلمت قبل كدا تبع المجلس القومي للمرأه و الدكتوره الي كلمتني قالتلي كلام سخيف اوي بعد ما سمعتني و حسستني بشعور وحش ف خايفه من المسش

ليه في حد ممكن يوصل واحد انو يروح لدكتور نفساني عشان بتعالج بسبب جرح كبير هو عمله و مخليه مش عارف يرجع يعيش حياتة طبيعية ولا عارف يثق في حد ثاني عشان بس هو كان داخل يضيع وقت و انت غصب عنك حبينه

خطيبتي كانت مريضة نفسيا وانا اقنعتها تروح لدكتور نفسي ووقفت جنبها وصدقا عشت اصعب فترات حياتي معاها بسبب مرضها والنوبات اللي كانت بتجيلها بس قولت استحمل لاني بحبها وعايزاها بخير واول ما اتعالجت أول واحد اتخلت عنه هو أنا وقررت تسبني لحد الآن مش فاهم ولا قادر اتخطي

بفكر اروح لدكتور نفسي في مستشفى حكومي قلقانه شويه من انهم ميفهمونيش علشان مريت بتجربة وحشه كلمت رقم قبل كدا تبع المجلس القومي للمرأه و الدكتوره الي كلمتني قالتلي كلام سخيف اوي بعد ما سمعتني و حسستني بشعور وحش ف خايفه من دكاترة المستشفى ممكن تشاركوا تجاربكم او تنصحوني اعمل ايه