دعوات

مشاركة أفكار 🤸 عندي كام حاجة لازم تخلص انهاردة بدأت بالفعل فأول تاسك عندي فاينل بعد بكره ادعولي كتير اوي ف بس بقا، عليّ طلاب العز من مستقره ولا ذنب لي إن عارضتني المقاصد، ... ومن يتهيب صعود الجبال يعش أبد الدهر بين الحفر

سلامٌ عليكمم 🌸. فيه مشكلة خطيرة موتت؛ وهي اني قدامي دلوقتي لحد الساعة 11 بكرة، اراجع فيهم عربي بالكامل واحل عليه، ف انا هقسمه على حسب الاولوية. يعني؛ النحو والبلاغة اول حاجة، عشان ابقى في كامل تركيزي، وبعده الادب بقى وحل شوية نصوص وقطع متحررة، وبعدين ادخل على الشوامل. فاا ادعولي بالتوفيق يا سكاكرر.

من قلب الزنقه و بهو هو حرفيا مطلوب مني الليلادي ٧ محاضرات وملزمتين اسئله كنت دايس حلو من الصبح وجيت بعد الجمعه على ٣.٥ وكنت بموت تعبت جدا فجاه ومقدرتش ونمت لحد دلوقتي ف يبدو انها تطبيقه لحد الامتحان ف دعواتكم لان الماده رخمه ومقالي وان شاء الله اخلصها بدري وانا لسه تعبان برضو بس قومت بالعافيه

يا الله ، حاسس بفرحه ممزوجه ب امتنان وفخر ميكس غريب كدا بقالي تلت شهور مش باخد فلوس من ابويا يااااه فخر والله فرحان اني خفيت عليه شوية من مصاريفي وكمان سعات هو بياخد مني يا الله على الفرحه والله ربنا يرزقني ويرزقه يارب انا ماشي بمبدأ اللي بدفعه مش باخده تاني مع اهلي بالذات ف ربنا يرزقني كمان واعوضهم يارب الصبح هروح اسحب فلوس عشان معادش معايا جنيه ف قررت ادي امي منهم حاجه برضو لو عيشت عمري كله احاول اعوض امي عن اللي عملته والله ما هقدر اوفيها ربنا يرزقها الفردوس يارب هي وابويا يارب وربنا ييسر المصلحه اللي بفكر فيها دي يارب وتظبط هحح خلصنا فضفضه ندخل بقا على الجد الفاينال يوم السبت ان شاء الله وماده ماشاء الله مش طايقها يعني فاضلي فيها ٨ محاضرات هجيبهم من هنا لحد صلاة الجمعه باذن الله وبعد الجمعه في مذكرتين اسئله هحلهم وبارك الله فيما رزق دعواتكم بقا وعذرا على الاطاله

من اسبوعين تقريبا انا تالته ثانوي كنت بذاكر وتعبانه ومخنوقه وخايفة سعتها بابا دخل يبص عليا وقلي شدي حيلك يا بشمهندسه ومن سعتها بقى يقولي يا بشمهندسه بجد فرحت جدا ونفسي اوي افرحه هو ماما بجد ادعولي اعدي السنادي على خير واكون مهندسه ان شاءالله 🤲☺️

معرفش اكتب ايه عمتا بس زهقانه جدا والحياة مش احسن حاجة وضغك مذاكرة ومشاكل صحاب وحاجة يعني نيلة فادعولي يا جماعة اني انجح واجيب درجات كويسة وان تعبي ميروحش هدر ننننتزنبنبعيوبتبوبنبي

انا مخنوق جدا ومش عارف اعمل وتعبان وعايش لوحدي كان في حد هنا بيكلمني وجزاه الله خير ياريت يفهم غرضي من نشري للبوست ده كنت بقول برضو اني شاطر في مجالي اللي هو AI&Data وبجتهد دايما فا دعولي اقدر احقق اللي عايزه

كل سنة وانتم طيبين جميعا عيد مبارك ربنا يفرحكم ويبعد عنكم كل سوء دعواتكم انا مش بخير خالص بس الحمد لله دعواتكم انا تعبان نفسيا بس لله الامر من قبل ومن بعد دمتم بخير عيد مبارك