خوف من الله

بوست مهم وفيه مشكله كبيره بتوجهني وبتواجه ناس كتير 📌 من. كام يوم شوفت اب بيخليك تبطل تضيع وقتك عالريلز ف بما اني استاذه تعفن دماغ ويومي كله ضايع عالريلز ف قولت انزله يمكن يساعد فتحته لقيته جابلي ان اخر 7 ايام انا استخدمت الريلز لمده 51 ساعه؟!!!! انتو مستوعبين الرقم انا سمعت صوت ضربات قلبي فاللحظه دي من الخضه وكمان انا ففتره امتحانات يعني فالاجازه بقعد أضعاف عدد الساعات دي ومش باخد بالي انا في 51 ساعه ضاعو من عمري بدون سبب وبدون فايده!! انا هتحاسب قدام ربنا على 51 ساعه ثانيه ثانيه فيهم وشوف سمعت كام اغنيه فيهم او شوفت حاجه مكنش ينفع اشوفها شئ مرعب جدا يعني دول 51 ساعه بس ف اخر 7 ايام امال لو جمعت على حياتي ال فاتت من ساعه ما بدأت اتحاسب هيكونو قد ايه؟ اتمنى انتو كمان تعرفو خطوره الموضوع دا وتحاولو تبطلو تضيعو وقتكو وادعولي ربنا يهديني ويهديكو انت كممان اسمه الاب stay free

مش عارفة هقول اى بصراحة بس حاسة ان جوايا كلام و مشاعر متلخبطة كتير، لما كنت بسيبه علشان ربنا و خوفى عليه من ربنا، كان بيبقي عندى ميكس من المشاعر، انا بكون مرتاحة و مبسوطة انى بحاول ارضى ربنا، و بكون زعلانه و موجوعة علشان بيوحشنى بيوحشنى بكل تفاصيله، كنت بحب اوى اقعد اعيط عند ربنا و لما كنت بقدر اكلم كنت بكلم و لو مكنتش بقدر كنت بحاول اريح نفسى انه سامعنى و حاسس بيا من غير ما اكلم، كنت بفرح اوى لما ربنا يبعتلى رسايل يطمن قلبي بيها، اليوم اللى كنت احلم بيك فيه، كنت بصحى أسعد واحدة في الدنيا، لما كنت بلاحظ تقلباتى اللى هو ساعة بضحك و معرفش السبب و مرة تانية حزينة و بعيط من غير سبب، كنت بفتكر دعائى كل يوم وقت المطر ان ربنا يجعل بينا رابط روحى.. مش هقول ان قوية و اضحك على نفسى و مدهاش وقتها في الحزن، لا طبيعي اكون حزينة و موجوعة و كل ده عادى من حقى، هى مجرد فترة و هتعدى و الحمد لله انا بحب تربية ربنا ليا، و اكيد فى آخر المطاف ايدى هتكون فى ايد نصيبي اللى مكتوب في كتابى من قبل ما اتولد فى عفو و عافية يا رب ❤️‍🩹🥀

في موضوع فعلا خانقني و مش عارفه اعمل ايه انا الحمدلله طالبه في كليه طب و قدامي سنتين و اتخرج و سنه امتياز في جامعه خاصه الحمدلله ، في سنه اولي اول ما دخلت الكليه كنت حابة يكون عندي اصحاب و مكننش عارفه انه الاختلاط غلط لان كل اللي اهلي قالوا عليه قبل الكليه انه لو خبيتي حاجة علينا تبقي غلط غير كده لا ، و دخلت الكليه و كان عندي شلة اصحاب ولاد و بنات و اهلي عارفين عادي خالص و عارفين زمايلي الولاد كمان و كانت شلة كبيره و في الاخر بقينا ٥ ولدين و ٣ بنات و في الفتره دي في زميل ليا اعترفلي بحبه وانا كنت خايفه و رافضه و كان مجرد يعني زميل في قبول بس مش اكتر و احنا اصحاب و كده ، المهم قولت لوالدتي وقتها و ملقتش منها رفض بس نصحتني نحتفظ بصداقتنا و مع الوقت حبيته و والدتي عرفت و بالصدفه جت الكليه عندي يوم و اتعرفت علي كل اصحابي و عندها خلفيه اننا قريبين من بعض ، انا و هو مع بعض بقالنا سنتين و كام شهر في السنتين دول سيبنا بعض يجي ٣ مرات عشان بعد ما حبيته ادركت انه حرام و غلط العلاقه دي تكمل بس كل ما نسيب بعض كنا نرجع لان في بينا اصدقاء مشتركين و محدش يعرف انه في بينا حاجة عشان هو رافض طبعا عشان خايف عليا و علي سمعتي بس غصب عننا بنتعامل مع اصحابنا و مشاريع الكليه و كده انا دايما حاسه بتأنيب ضمير ناحيه العلاقه دي مع انه والله شخص كويس جدا و محترم و عنده طموح يعني بيشتغل طول الفتره دي و حتي في الدراسه مع ان الكليه صعبه بس برضو مهتم بدراسته ( بيشتغل مدرب سباحه) عنده شقته في بيت اهله شقه منفصله يعني هو في سلم خارجي و الشقه في نفس البيت بس ( الموضوع ده انا قلقانه منه بس هو بيتكلم بقلب جامد و انه محدش هيدوسلك علي طرف و اتعهد قدام اهلك انه او بعد الشر حصل اي مشكله هننقل فورًا بس انا مش هقدر اجيب دلوقتي شقه بره و الظروف و لحد ما يبني نفسه بس مش ده موضوعنا دلوقتي) هو عنده شقه و قدي في الكليه و شاطر و مجتهد عنده طموح بيحبني بس انا فعلا مش قادره ابعد عنه مش عارفه و خايفه من ربنا وبقعد ادعي ربنا يهديني و خايفه منكملش و ربنا يعاقبنا بحبنا ده انا فعلا مكنتش اعرف انه غلط غير بعد ما حبيته للاسف و بحس بتأنيب ضمير و بعيط و بتعب نفسيًا بس مش عارفه اعمل ايه انصحوني اعمل ايه

انا بخاف من ربنا ونفسي ابقي كويسه دينيا عشان ربنا يستجبلي انا مش وحشه حقيقي وعملت عمره الحمدلله بس بعد العمره عملت حاجات غلط بس غصب عني ازاي مش عارفه انا قبل ما اروح العمره اتعرضت لظلم جامد ووجع قلب من الاكس وفسخنا الخطوبه باوحش طريقه منه المهم بعدها قرب مني ناس وحشه وانا كنت محتاجه احس ان ف حد جنبي احس ان ف حد بيكلمني حلو غصب عني وكلمني ف كلام وحش وبدأت احس ان الكلام ده بيخليني انسي الواقع لحظات وبعدت وقفلت السكك دي وسافرت وجيت لقيت ناس من دول بيكلموني تاني واحده ورا واحده رجعت تاني للاسف وكل ما ابقي مخنوقه اعوز كده بس جوايا مش عايز وبدعي ربنا انهم يكرهوني وميبعتوش تاني هم شخصين بس عموما عملت بلوك بس ساعات بعوز اكلمهم تاني وتعبانه من احساس اني كده بقيت مش كويسه انا فعلا تعبانه اوي ساعدوني بالله عليكم