خروج

حقيقي من اكتر الحجات اللي بتخليني كنت اتمني ابقي راجل هي وقت الاحتفالات والخروج بليل والتجمعات الجامدة دي حقيقي بقول لو اليوم دا بس ابقي راجل 😂 وبعد كدا ابقي بنت تاني مرتاحة عادي خسارة بجد وعمتا يابختكم ياشباب

انا الوحده مبهدلاني وعايش لوحدي بقالي كتير عايز واحده تبقي صديقه ليا ونتابع بعض ونتطمن علي بعض ونتكلم مع بعض في تفاصيل يومنا ونهزر ونضحك ونخرج ونروح ونيجي ونبقي صحاب بدل الوحده اللي الواحد فيها دي ..

تعمل اى لو عاوز تخلع من حاجه خروجه او ايا كان الموقف اى انا عاوزه اخلع بطريقه شيك بس مش عارفه بجد مرهقه جدا وماليش نفس اخرج ف اعمل اى بحيث اللى قدامى ميزعلش او يتضايق لانهم ناس عزيزه على قلبي ومش هيتفهمو نقطة انى مش قادره انزل

انا من سنه2022 وانا قاعده فالبيت بخرج بس مرة مرتين فالشهر وبيكون مع اهلي تقريبا كدة الناس نسيتني بشتغل اه بس حتي شغلي مفهوش ناس غيري انا صاحبه المشروع وقادرة اكفي لوحدي الحمدلله بس انا حاسه ان هيجيلي توحد حتي لو حد دخل حياتي بيبقا فتره كدة وهتروح وانا من نفسي بنساه لاني اصلا بقالي سنين لوحدي عايزة اخرج بقا من دايرة من الشغل للبيت دي اعملها ازااي بقاا ومحدش يستهون والله شويه وهكلم مع الحطان

دنيا زحمه و مواصلات و كله بس انا نفسيي اخرررج انا من ضغط فضلت اعيط بجد و بقالي شهور مخرجتش و فرصه اجازة العيد بتضيع اهي فعايزه انزل بس بكره الزحمه خصوصا لو مش امان و هروح فين و مع مين صحابي مش عاوزين ينزلوا و اهلي تعبانين بفكر انزل اتمشي لوحدي

يا جمااااعة انا مشكلتي كبيرة اوي بجد ... انا بقيت كل أما أخرج الكلاب بتجري ورايا حتي لو راكبة عربية أو توكتوك بيجروا ورايا بطريقة ذعر مش طبيعية و لو حد ماشي معايا يسيبة و يجري عليا انا ويبقي عايز يعضني حرفيا بقيت خايفة أخرج ايه الحل مع العلم انا ٢٧ سنة مش صغيرة ايه السبب بجد أنقذوني 🥲🥲🥲🥲

بتعملوا ايه وقت صلاة العيد او بعد الصلاة ، بتروحوا فين ومع معين ؟ لو انت لواحدك معندكش عيلة او اصحاب بتعمل ايه في العيد.. ايه الأنشطة الي ممكن تعملها او بتخرج ازاي وفين وبتعمل ايه ؟ او عموماً حتي لو مش عيد ؛ لو انت لواحدك إزاي ؟

الناس كلها مع صحابهم خارجين وانا من الصبح مرميه على السرير ماسكه الفون وخلاص بجد يا جماعه صعبان عليا نفسي ، المضحك اني ممكن اتأقلم مع الحياة دي وهبقى مبسوطه لو خرجت لوحدي رحت مطعم او ملاهي بس اهلي مش بيوافقوا ع الحاجات دي حاجه هم والله حاسه اني والشجره واحد حياة فاضيه بلا هدف

كل عام وانتم بخير وعيد سعيد 😇✨ كنت حابب اتكلم عن نقطة وهي إزاي بتقنعوا صحابكم بالخروج زي يوم العيد وغيره 🥲 بحاول اقنع صحابي إننا لازم نتطلع ونتبسط ونخرج بس حرفيا الموضوع صعب 😑 والصراحة الهدف إني حابب يكون عندي ذكريات لطيفة علشان الماضي كان مؤلم وقاسي جدا 🥲 اي حلولكم واقتراحاتكم مع العلم جربت كتييير اطلع مع نفسي وأخرج بنفسي لوحدي وأبسط نفسي بنفسي حسيت اني بضحك على نفسي وفعلا الموضوع مع صديقك أو رفيق بيكون احسن وأحلى فهل أنا صح ولا احساسي كان غلط 🙂

في حاجه غريبه مش عارف ليه بتيجي ليا يعني مثلا لما حد يقولي تعالي ننزل نروح في حطه بضايق اوي و مش ببقي عايز انزل يمكن انا بيتوتي شويه و في نفس وقت لما صحابي بيصروا انزل حرفيا مبندمش اني نزلت بس كل مره بعمل نفس الحركه الي هو انا نازل أهو و مش بنزل الي بالعافيه و مشكله بردك أني ولا بندم اني قعدت في بيت في حالتين مش بندم بس بنبسط اكتر لما بخرج برا الي عنده تفسير يقول

الواحد نفسه ينام وانام كتير اوي واتخرج يااه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انهارده اول يوم اخرج بعد اربع شهور نفسيتي فرقت الحمدلله وحسيت مش عايزه اروح . بس معرفش ليه بقا عملت في نفسي كده ودي مش اول مره تحصل ان اقعد شهور مبخرجش . غالبا جزء الاكبر سبب مني من نفسيتي و الاكتئاب و جزء تاني بسبب صحابي الطلعوا مش صحاب اصلا . بس هحاول هتخطي و اتعود انزل مع قريبتي وبس شوفوا كومنتات كدا هحكي حاجه فيها..

بقالى فتره بقيت احب العزله جدا مبقتش عايزه ناس تيجى لنا ف البيت مجرد وجود اشخاص غير الموجودين ف الطبيعى بحس بضغط عصبى وخنقه بفضل مضغوطه ومضايقه لحد مايمشو من البيت ويرجع الوضع طبيعى على عكس الاول كنت بحب الخروج جدا والاجتماعات العائليه حاليا حتى الخروج مش عايزه اخرج وعايزه ارجع بسرعه للبيت تانى ولو انا بره البيت مش عايزه اقابل حد اعرفه