حوار داخلي

من ضمن تحطيمي لنفسي اني لما بمر بموقف زعلني و محدش اخد باله و ازعل مع نفسي و ابتدي اعيط كلامي لنفسي بيقولي ايه اييه ؟؟ هنخيب ولا ايه ؟هتعملي فيها دور المكتئبة و الي مرت بحاجات وحشه في طفولتها ولا ايه ما كل الناس مرت بحاجات اكتر من الي انت مريتي بيها ده انت اوڤر اوي بعدين بتعيطي على ايه هو كل ما يحصل حاجه هنعيط ..انت مزهقتيش من كون انك انسانة ضعيفة متعيشيش دور الضحية انت مش لوحدك هنا و بعدين مش هنفضل نقف على كل موقف يزعل هو حد بيركز مع حد ما انشالله تتفلقي و بس كده و اعتقد يعني الكلام ده و الحوار ده بيحصل بسبب الكلام الي كان اهلي بيقوله بس مش بنفس الطريقة لكن مشكلتي اني باخد كل حاجه اسطمبه فبحطم نفسي انا لو شوفت نفسي دي ماشية في الشارع هرنها علقة مووت