جيم

نفسي اتكلم عن مشاعري من غير ما حد يشوفني حساس او كدا نفسي لما احب حد محسش انو ساعات بيشوف فيا حتت تفاهة سيكا بس بتبقا من معزته عندي نفسي لما اقدر حد مرة ميستغلش حسن نيتي اني ابدا بالخير ويفضل يطلب كتير حاجات تانية. عاوز اروح اقعد مع شيخ او ثيرابي اقول كل حاجه غلط عملتها في حياتي عاوز ابطل عادات سيئة وارجع للجيم والكورسات حاسس اني عاوز ادخل مستشفي اعمل فحص شامل واتعالج وأخرج عاوز ابطل اندفاع في الكلام عاوز ابطل قله ادب انا موجود هنا وت لي هوا هوا النيم

دي اكتر فترة انا ضايع فيها،مليش غير شوية الاوزان اللي بفش غلي فيهم في الجيم وكام صاحب جدع بيواسوني هنا بليل،مبقتش متوقع اي حاجة حرفيا معرفش انا هبقي فين كمان ساعة نفسي ادوق الاستقرار نفسي ابقي مطمن

عاوز اربي شعري 😂 ودي اول مره حاسه هيكون تغير عاوو اغير عموما ال Lifestyle بتاعي واجرب حجات جديدة استعمل اي بقي دلوقتي التغذية للشعر كريمات الخ ولسه عاوز انزل الجيم واتعلم الماني وسباحة عاوز اتغير وابداء رحلة التعافي

مساء الخير جماعة محتاجة اسأل ع حاجة مهمة ايه الحل مع التعفن الدماغي والتسويف بتعملو ايه مع التعفن الدماغي بجد، دا كفاية اسمه والله (تعفن)😂 يعني حاجة نيلة بس بجد الموضوع مرهق انا لو في يوم اجازة معنديش اي حاجة حرفيا بيكون اليوم مش مفيدة وبيروح فستك حاولت اعمل زي الناس بتاعت علم النفس وكدا وجبت الون وجبت كراسة رسم بس الالوان باظت فتعكننت اكتر ازاي يااخواتي احس بالانجازات الي بعملها في يومي ازاي اقدر اسيطر ع التسويف حاولت كتير انزل جيم وبكسل في اخر لحظة🥹 تقريبا تعفنت دماغيا خلاص ارجو النجاه والحل

بتعملو ايه علشان تكونو مبسوطين الواحد بقي بيزهق بسرعه وعنده تعفن دماغ بطريقه صعبه ومفيش اي حاجه بتبسطه بسهوله ولا عارف يركز لا في مزاكره ولا ينتظم في كورس او جيم الواحد وصل لمرحله انه بدا يزهق من الريلز 🤣 ومش هعرف اقلل من ماسكه الموبايل لان دي الي بتخليني مفكرش ودماغي تسحلني في مشاكلي بس في نفس الوقت مبكونش مبسوط برضو

احم ايه الملل دا الواحد ولا كانه امتحاناته قربت والله بجد مش عارفه اتكلم علي ايه الحياه ممله مش عارفه اضيف ايه جديد في حياتي بفكر انزل جيم بس حاسه نفسي هكسل و مش هكمل طبعا محدش مهتم يعني بس بحاول اكتر من الحروف 😂 ليا زمان مشفتش حد منزل ڤويس فينكم يا جماعه عاوزين نسمع صوتكم 😾

الستات في الجيم حاجة صعبة بجد كل واحدة مركزة على جسم التانية وبيحسدو في الوش طب نعمل اي طيب نتمرن بالعباية انا بسمع تعليقات مرعبة تجيب اجل اي واحدة بتتمرن اعوذ بالله بحد اي دا ليه كدا ااا

الي مبينزلش الجيم انت فايتك كتير بجد خصوصا لو بنت اكتر مكان هتحسي فيه بالحرية بجد بس اهم حاجة ميكونش مختلط مكان بيفصلك عن الدنيا كلها بجد المكان الوحيد الي لو حسيت بالوحدة او التوهان هيريحك

انا جسمي تخن عن الاول و الموضوع دا مسببلي اكتئاب و بقيت باكل اكتر او اوقات مكلش خالص شايفه نفسي وحشه و اللبس كله وحش عليا مع ان انا مش تخينه الي هو تخينه لا انا ٩٠ ك و انا اصلا طويله و تخينه من مناطق الانثويه و دا مخليني مس عارفه البس براحتي و مخنوقه و بكره شكل جسمي و كل ما اعمل دايت مبخسش نزلت الجيم بعد فتره من ان مبطله رياضه مبخسش بردو مش عارفه اعمل اييه و كل الي حواليا يقولو تخنتي. تخنتي و الموضوع مأثر ف نفسيتي جدا و تعليقاتهم بجد سخيفه

عايزة حاجة تشجعني اخس انا هبدا جيم من بكرا بصراحة بحب اروح الجيم بس مشكلتي في الأكل نفسي حاجة تشجعني اني التزم في الأكل الصحي لاني بتعب في الجيم واول مرجع باكل عادي وممكن اجيب شيبسي كمان ودا مخليني مبخسش بالعكس بتخن

لو انا عايزة انزل جيم بس اتوقع إن اهلي مش هيوافقوا لأن معندناش الثقافة دي احنا مش ارياف اوي يعني بس هيقولولي هتروحي لي و بالنسبالهم اني اهتم بصحتي و جسمي مش شئ مهم اوي لدرجة أنزل جيم يعني ف هل في حل ولا فاكس اصلا قبل كده اختي كانت تعبانة و الدكتورة قالتلها تنزل جيم بابا كان معترض بس وافق لانه علاج مش اكتر يعني و اختي راحت شهر و مكملتش عشان كانت بتتعب كتير جيم بنات بس