تقدم

متعرفة ع شخص من فترة وشوية يلمح انه عاوز يتقدم وشوية ميكلمنيش خالص لمدة و فيه لعبة مشتركة بينى وبينه بندخل نلعب وكان بيدخل معايا انا وصحابي ميتكلمش ولو اتكلم كلامه موجه ليا جه إمبارح دخل معانا قعد يهزر جامد أوى مع صحابي ويناديلهم بإسم دلع وبعتلهم ادد والمفروض انى كنت حاكية ل صحبتي عليه وقيلالها ان فيه اعجاب منى وانه بيلمح علطول ولقيتها بتقولى انا قبلت الادد بتاعه معرفش ده صح منها ولا غلط بس اتدايقت ومبقتش حابه الحوارات دى وبفكر اغير اكونت اللعبة ب اكونت تاني ومضيفش حد عليه ولا اضيفه هو ولو فيه كلام برا اللعبة يبقي ع القد بدل مهو بيلعب بنفسيتي

هشارك ده تاني عشان محستش وصلت لحل لسة من سنة تقريبا حصلتلي مشكلة زي ما بيقولوا كانت صحوة مش هيفرق احكيها المهم تعرفوا انها صحتني حرفيا بعد سنين كثير معاناة و مشاكل جوايا و رجعت بعدها بشوف الحياة من نظرة احسن كثير حقيقي من نواحي كتير اتغيرت حرفيا تماما لشخص احسن كتير كنت قريبة جدا للنسخة اللي حابة اكون عليها فعلا من نواحي كتير اتغيرت كفكر و كعادات و لكن واحدة واحدة انا معرفش حصلي ايه خالص ولكن انا بقيت ببعد عن اللي وصلتله يمكن لسة ماشية حابة عليه سواء اني بطبق حبة من الافكار اللي نتجت عن تعلم أو العادات اللي الافكار دي ساعدتني ابنيها و هنا بتكلم عن عادات روتينية اساسية بالنسبالي بس دا لان كنت متدمرة لدرجة مكنتش بتحرك اصلا و لكن مش عارفة ايه السبب بدات ارجع تاني زي الاول و هنا انا في دماغي كام افتراض لكن مش متاكدة ان بيقولوا ان العقل بيقاوم اي حاجة جديدة او كمان اني كنت بصراحة فعلا بحمل علي نفسي و شغفي وقتها حملني حاجات مش من طاقتي او يمكن اي سبب تاني معرفش

هوا عادي الواحد يبقا داخل عال٣٠ خلاص و محققش اي شيئ في حياته هل في امل؟ وغير كده كل الي حواليه بيتقدمو في حياتهم و انا واقف مكاني بالعلم اني مريت بفتره اكتئاب غبي الصراحه خمس سنين تقريبا بسببها طول الخمس سنين قبل ما انام كنت بفضل اقول حسبي الله ونعم الوكيل و من فتره لقتها رجعت كلمتني و بتقولي انها اتجوزت و في مشاكل كبيره مع جوزها و حجات و كل الي برد بيه ربنا يكتبلك الي فيه الخير و العلم انا رجعت اكلمها عشان اعمل تست لقلبي بس الحمد الله مطلعش شغال

انا انهارده حاسه اني مضايقه من نفسي لاني مش باخد خطوات ف حياتي بشكل حقيقي عشان اخليها زي ما بحلم ودماغي كانها توهان وف غيبوبه بجد مش بيخليني افوق غير الوجع مش بيحركني بجد غير لما يحصل موقف كانه بيديني بالقلم يقولي فوقي وانك لازم تتحركي معرفش ايه علاقة اني اتوجع باني اخد خطوات بجد تجاه حياتي وليه رابطه ده ب ده وليه مش بتحرك من باب حب وشغف وحماس زي زمان ودايما كل يوم بحس ان رغم الانجازات اللي بعملها وبتكون كويسه لكن هي انجازات مش هتاخدني للي انا عايزاه برده بحس انها ايام بتمر وبتصعب عليا جدا اللحظه اللي باجي انام فيها واحس ان المحصله لسه صفر معرفش ده عشان انا حاطه احلام كبيره لحياتي والمفروض استسلم واعرف احلم علي ادي ولا اغير ايه فيا عشان اكون اد البنت اللي بحلم دايما اكونها

لو سمحتو حد يعرف دكتور نفسي شاطر بس يكون كويس و عن تجربه +تفتكرو ازاي الواحد يقدر يتخلص من شعور انه واقف ف مكانه و كل الناس للي حواليه عماله تتقدم و تشتغل و تنجح ف حياتها و هو لسه مش حقق اي حاجه و دي الحقيقه بصراحه يعني انا مش اشتغلت و حاسه اني مش بعمل اي حاجه ليها لازمه و كل للي قدي و كانو معايا اشتغلو و بيكسبو فلوس كتير ونا مش عارفه اغير التليفون للي باظ

انا قاعد في مكاني ال بقعد في علطول لوحدي بقالي 4 سنين ودخلت الجامعه ولازلت حاسس اني لوحدي بظن اوقات اني قدرت اتقلم عليها لكن هي اوقات الوحده بحسها بني ادم وبيخنق فيا واقف مكاني حاسس اني محبوس مش قادر آخد خطوه او اتقدم مش عارف كل ال حوليا ديما شافني الشخص الحزين المكتأب بس مبعرفش اخبي انا ضعيف جسديا و مبعرفش اتكلم أو عندي لغه حوار يعني بحس اني لو اتكلمت مع حد بيستغرب من اسلوبي مش عارف ليه بشوف كل العيوب دي او حاسس اني مثير للشفقه والناس بيشفوني كده حتي صحابي في الجامعه انا ديما علي أمل مره افتح واتس اشوف حد يقولي ازيك اقسم بالله نا ماقادر اوصف لما بفتح هنا وأشوف مشاكل الناس بحس اني مش لوحدي ال بعاني

انا عندي ٢٠ سنة في تالتة كلية دخلت تخصص كنت فاكرة إني هحبه وإن ليه شغل كتير بس لما دخلت لاقيت الواقع مختلف ومحبتش التخصص وحسيت إني مش قده وحالياً مش عارفة أعمل ايه حاسة بتشتت رهيب وواقفة مكاني مش بتحرك في الوقت اللي بشوف فيه كل اللي في سني بيتقدموا في حياتهم سواء شغل، دراسة، خطوبة، انا مفيش أي تقدم إطلاقاً نفسي يكون ليا شخصية وهدف أسعى عشان احققه المشكلة إني مش عارفة انا عايزة ايه وفي نفس الوقت عمري الحمدلله ما دخلت في أي علاقات محرمة بس نفسي أحس إني مرغوبة لأن ده السن اللي المفروض البنات بتبدأ يتقدملها عرسان وبالفعل كل أصحابي بيتقدملهم ناس لكن انا مفيش وبحس كتير إنهم بيستغربوا عشان كده مش فاهمة ليه يعني انا حاسة إن لسه بدري أساساً عالخطوبة في سن العشرين لكن جيلي متقدم خطوات سابقة السن بكتير انا مشوشة ومشتتة وخايفة افضل ثابتة مكاني متقدمش ولا شغل ولا جواز ولا أي حاجة نفسي أحقق كل اللي نفسي فيه ومش قادرة أعمل حاجة .. مش عارفة انا لوحدي ولا فيه حد زيي.

اعمل ايه لما احس اني تايه في حياتي تماما و الايام بتجري و انا معملتش اي تقدم جديد مش عايز نصايح علم نفس لان اصلا ده مجال دراستي في الكلية انا محتاج رأي فعلي مش مجرد كلام اكاديمي مممممممممم

عايزه اخد رأيكم في حاجه لاني مش عارفه اتصرف ازاي دلوقتي انا كنت اعرف حد من تلات سنين كده وجينا ف اول سنه من تعارفنا كنا حاسين بمشاعر بس محدش اتكلم ف جيه فجاه قالي انه مش هيقدر يكمل معايا لانه هيروح يخطب البنت اللي بيحبها وكان مرتبط بيها المهم العلاقات اتقطعت بقينا سلامات بس طول السنتين اللي بعدها وعرفت انه البنت سابته واتجوزت حد تاني اصلا المهم جينا ف شهر ١٢ اللي فات اتقابلنا وقالي انه عاوزني ف موضوع مهم وقال انه عاوز يتقدملي المهم انا وافقت وبقالنا من ساعتها اهو مش عارف يتقدملي لان حصلنا مشاكل كتير ف بيوتنا سواء عندي او عنده ف مفيش وقت مناسب لحد اخر فتره مامته جالها كانسر ف اكيد طبعا فكره الخطوبه دلوقتي متأجله ،بس المشكله دلوقتي اني بحس انه بيسمعني وقت ما يكون هورني بس يعني حتي لو انا صديته وقولتله اني مبحبش كده بيحترم ده بس مؤخرا اتغير بقا لما اقوله اني مبحبش كده بيسكت بقا ي اما يبقي اونلاين وميردش وبحسه عاوز يسكتني وخلاص امبارح بيقولي بحسبك زعلانه كنت هصالحك وخلاص وبعدين كمان كنت تعبانه نفسيا الفتره اللي فاتت وبروح ثيرابي ف جيت اتكلم معاه لاقيته بيقولي طيب وانتي شايله كل ده ليه يعني اي بجد يا جماعه حاسه في حاجه غلط جدداا وعاوزه اسيبه بس حاسه اني اوفر ملحوظه : انا كمان حاسه انه هورني دايما سواء بيحب او بيتسلي لانه البنت اللي كان بيخطبها سابته اصلا عشان خانها مع صحبتها

كدا الندم علي الماضي انت مش هتقدر تغير حاجه هي حصلت خلاص يس انت تقدر تتعلم من اللي حصل ده الدروس اللي تقدر تخليك تتحرك لقدام حرر نفسك من الخوف من المستقبل انا عارفه ان احنا بنبقي خايفين من المستقبل علشان المستقبل بنسبالنا هو حاجه مجهوله بس خليك واثق في نفسك و صدق نفسك وفخور بنفسك خليك فخور بكل محاولاتك مش كل الاجازات بتكون ملموسه او احنا شايفينها بعينينا ممكن بكون اكبر الانجازات اللي انت اتعلمتها في اليوم لنك اتعلمت الصبور ممكن يكون اكبر انجاز حققته ان انت بقيت شخص رحيم باللي حواليك خليك فخور بكل حاجه انت بتحققها وخليك عارف ان انت هتقدر تتعامل مع اي حاجه في المستقبل بطريقتك انت

عندي مشكلة بس مش عارف ايه التصرف الصح (طويلة شوية انا اسف بس فعلا مفيش حد قادر احكيله الكلام ده) دلوقتي انا ف اول سنة ف الكلية اتعرفت على واحدة وحبيتها احنا مرتبطناش وانا صراحة قلتلها اني بحبها وقتها وهي مديتنيش إجابة واضحة ولا انها موافقة او رفضت (بس عرفت من مصدر تاني انه لا) المهم انا فعلا بعدها بسنة كنا برضو لسة صحاب وبنتكلم بس انا كنت فقدت الأمل ان ممكن تغير رأيها ومكنتش طول الفترة دي من بعدها لمحت او قلتاي حاجة خالص تدل اني لسة بحبها بس طبعا اكيد العلاقة كانت مختلفة عن قبل ما اقولها بقا في شوية جفاف يعني.. ف بعد السنة قلت اجرب اعرف غيرها يمكن ده فراغ وانا مش واخد بالي وغلطت لاني عرفت كذة واحدة وقتها وارتطبت ف الاخر بواحدة فعلا بس هو اسبوع مستحملتش ال بيحصل حواليا ده كله واني بضحك علي نفسي فقررت ابعد عن أي بنت اعرفها ف حياتي واسيبها هي بس ال موجودة وحصل فعلا بس الفترة دي ال هي كانت نص سنة تقريبا حصل gap كبير اوي ف علاقتنا بقينا مش بنتكلم كل يوم مثلا وممكن شهر مثلا علي ما حد يكلم التاني يسال عليه وفضلنا علي نفس الحال ده لحد ما اتخرجنا وانا طول الوقت ده ثابت علي فكرة واحدة اهتم بدراستي عشان الاقي شغل ويبقي قدامي فرصة اتقدم رسمي يمكن ده کان سبب رفضها منالبداية اتخرجت وفعلا بعدها بقا تقريبا ان اتشالت من حياتها مستحيل كانت تيجي تسأل عليا ودخلت الجيش وقلت فرصة انساها وبرضو معرفتش هي مبقتش مهتمة خالص ولا حتي انت بتسأل علي اني داخل الجيش امتي والدنيا دي بالرغم اني قلتلها وبقت تختفي من السوشيال ميديا خالص وكنا متعودين كل سنة السكوت بيتكسر عن طريق واحد بيخش يوم عيد میلاد التاني يقوله كل سنة وانت طيب وهي بقالها سنتين مقالتهاليش حتي بالرغم اني مواظب على كدة برضو وخلصت جيش واشتغلت الحمدالله بتفاجئ ان بقالها فترة بتشير بوستات كتير اوي عن ناس متجوزين او مخطوبين او حاجات حب وكدة (الموضوع راعبني مش عارف هو في حد ولا ايه الوضع ومفيش اي حاجة تبين ده وانا كرامتي مش قادر تخليني اسال انا بقيت بستني اهيف الفرص عشان خش اتكلم في اي موضوع ودايما الكلام بتقفل من ناحيتها بالرغم ان الكلام يبقي ماشي مام وزي الفل وفجأة بيتقفل) لفكرة اني اعرف مخطوبة ولا لا لأن الشك هيموتني مش عارف اعرفه ازاي اختها مخطوبة ومش کاتبها ف حتة مثلا ف خايف لتكون هي نفس الفكرة وفي نفس الوقت لو دخلت سالت يبي المفروض اتقدم وانا لسة بقالي كام شهر شغال بس علي الاقل محتاج سنة ونص اجهز اي حاجة اتكلم بيها وبرضو بقول لو اتخطبت ممکن ده الحاجة ال اقدر اخيرا امنع نفسي افكر فيها ف فعلا نا ف علاقة من طرف واحد مع نفسي لمدة 7 سنين بكل الحالات والتغيرات على عدت عليا ومش عارف اخرج منها ازاي او ايه التصرف الصح

ماذا نفعل عندما نسقط في القاع وحياتي انا دمرتها بنفسي بسبب كسلي والتخاذل والادمانات السيئه بجد حاسس اني خلاص مت ومفيش امل اطلع من الحفرة اللي وقعت نفسي فيها ...الناس بتتقدم وانا لسه زي ما انا بس برجع كمان لورا

كان عندي سؤال، لو عريس صالونات أتقدم لبنت و لما راح لقي يعني مستوي عيلة البنت اقل من مستواه، بيت مبني من حجر في منطقة شعبيه مستواهم المادي أقل...حاجه زي دي ممكن تأثر علي قراره؟ و بلاش الجو بتاع انا هتجوزها هي مش البيت ولا مستواها المادي. ننزل علي أرض الواقع هل حاجه زي دي ممكن تأثر علي اختيار الراجل للبنت؟

جماعة عايزة اقولكم حاجة ايجابية انا بسبب البرنامج ده بدأت اتحرك ومقفش عند الحته اللي نقصاني كنت فاكرة ان حياتي واقفة بسبب عدم وجود شريك ف حياتي وكنت ع طول حزينة وزعلانة لكن بسبب كلامكم انا النهاردة مكنتش بعمل حاجة غير اني اتبسط باللي معايا اتفرجت ع بودكاست وحاولت اتعلم انجلش ولابست حلق "كان بقالي كتير شايلاه هو والسلسلة بتاعتي " وعملت شعري تسريحة حلوة اوي وحاسة اني i am just a girl اويي 💗💗 ادعولي اكمل ومرحعش انتكس تاني وحياتي تقف

انا محتاج بنت كويسه و بنت ناس اخطبها و اتجوزها فى الحلال تكون زوجه صالحه و تقف جمبي و تدعمنى خصوصاً انى متلغبط و حاسس ان عمرى بيعدى و انا مش عارف اتحرك ولا اتقدم نفسي ربنا يرزقنى ببنت الحلال

لو حد شايفك بطريقه غلط مش لازم تثبتله.. سيبه شايفك بطريقه الغلط دي لحد ما هو فجاة كده وانت ناسي اصلا ناسيه شايله من دماغك هيبتدي يكشف ان هو كان غلطان فده عادي فانت مش لازم حد فاهمه غلط او فاهم حاجه عنك غلط او شايفك بصوره غلط تصححله الصورة دي وتفهمه ده مش دورك ده انت ما عندكش وقت تبرر اساسا ان ده المفروض لو انت بني ادم فعلا ناجح وعندك استعداد انك تبقي بني ادم بقي ناجح بجد وما ينفعش تحط في دماغك ده لازم كل حاجات دي ترميها وراك وتمشي في اتجاهك زي ما انت اي حد شايفك بصورة غلط حقودي بقي زعلان منك مش عارفه اي تمام بس سيبه زي ما هو كده في يوم من الايام هيبتدي يندم هيبتدي يكتشف بس مش لازم اليوم ده يبقي بكره ولا بعد اسبوع ممكن بعد 10 سنين فانت هتفضل قاعد لعشر سنين بقي بتحاول تثبتله ان الكلام اللي هو كان واخده عنك ده او الصورة اللي هو واخدها عنك دي غلط لا انت بتبتدي تشوف حالك وحياتك وعادي جدا بتنسي البني ادم ده وبتمحيه من علي وش الدنيا وبتبتدي تشوف حياتك انت مالكش دخل انسي اي مشكله وعيش اليوم بيومه يومك انهارده خلاص قضيته تمام شوف في اخر يومك انت عملت اي صح وعملت اي غلط بكره نفس الكلام عيش حياتك ودبر امورك لو انت اللي هتدبر امورك مين اللي هيدبرها معلش ربنا كده كده انا عارفه بس ربنا قالك اسعي وانا معاك اسعي و سيب الباقي علي ربنا فانت دبر امورك ومشي حالك وسيب الامور وسيب الباقي علي ربنا بس ده كل المطلوب منك لكن انك تقعد تحاول تثبت لحد صوره هو كان واخدها عنك غلط ينهار اسوح احنا مش مش فاضين لدا

رحله التعافي او الشفاء من علاقه موذية او علاقه توكسك هي مش خط مستقيم هي يوم فوق ويوم تحت ولازم تعرف كده كويس في يوم هضحك وتخرج وتتبسط وتلاقي نفسك كويس جدا ويوم تاني هتلاقي نفسك متضايق زعلان بتعيط وحاسس ان انت رجعت لنقطه الصفر وده طبيعي جدا احنا مش لات احنا بشر احنا بني ادمين مش معني ان انت رجعت خطوه لوراء يبقي انت خلاص رجعت لنقطه الصفر اوقات بيكون الرجوع لوراء جزء كبير قوي من انك تتقدم لقدام وبيعلمك حاجات كتيره قوي من فكره ان انت بتحس باوقات ان انت بتحن لشخص معين اوقات بتحس ان انت بعد اما وصلت لحنه كويسه وبدات تتخطي وبدات تتعافي فجاه تحس ان الشخص ده وحشك او مفتقده فده مش معنها ان انت رجعت لنقطه الصفر ده معنها ان انت انسان طبيعي جدا وطبيعي يبقي يوم اب ويوم دون هي ايام لكن انت كده علي الطريق الصح