تفسير

جماعة شخص عرفاه كشغل بس .. أما شافني فضل يعدي من قدامي كل شوية رايح جاي قريب مني جدا كمسافة يعني و يقولي انتي بتتوتري بسرعه و مرة تانية يقولي موبايلك هيقع من جيبك شيليه ده ماله بقي حد عنده تفسير

اهلا يا شباب مشكلة كدة وعايز ليها تفسير، هى مش عائق اوى لكنزلافضل لو تتحل هى إني عندى تركيز عالى فاى حاجة بعملها وفنفس الوقت الى بيحصل انى بتشتت بسرعة فأوقات كتير. والغريبة فنفس الوقت احيانا بعمل حاجاتين مع بعض بحسن ادارة، فأى التفسير لكدة

السلام عليكم شباب كنت معجب ب بنت كانت معاياا في الثانوية ف انا دخلت هندسة في جامعة وهي دخلت طب في جامعة تانية بس جيت بعد 3 سنين اعترفتلها اني معجب بيهاا بس ردها عليا بتقولي انها عارفة اني محترم وابن ناس وعارف ان مينفعش يكون في كلام بين ولد وبنت فاياا كان ردها معناه ايه انا سكت ومرتش ارد اصلاا الكلام دا كان من حوالي 5 شهور ف جيت اليوم حلمت بيهااا وكنا مبسوطين مع بعض في الحلم وانا والله ولا هي كانت علي بالي ولا فكرت فيهااا بس مش عارف جات ازاي ومش عارف دا معناه ايه اصلاا وايه اللي خلاا دا يحصل

أحم مع إني نعسان وسهران، بس مرة وحدة كدة لقيت عندى طاقة رهيبة أوى، زى اىى بتيجي لحظة الحماس او الانتصار فحاجة. المهم أنا أستغليتها ولعب شوية تدريبات، أى نعم وقعت وخبطت حاجات كتير عملت صوت فالوقت المتأخر دة بس عادى😅 انا الموضوع دة بيحصلي كتير عموما هو حلو بس لو حد عنده تفسير

في موضوع شاغلني بقاله فتره يعني وحبيت اتكلم فيه ياريت الي يعرف تفسير منطقي يقولي ومعلش لو طولت شويه🙏🏿 كان في حد اعرفه يعني عشان ساكنين ف نفس المنطقه وكده ونفس سني ف بشوفه كتير وكده ،جت فتره من سنه او حاجه ، هي كانت اول مره نتقابل اصلا ومن بعدها بقيت بشوفه كتير بس مش بنتكلم ، هو كان بيفضل يبصلي كتير اوي ويضحكلي ويعمل حركات غريبه يعني م الاخر كان باين عليه انه معجب ومش ليا انا بس ، المهم انه حصل حوارات كتير واتكررت المواقف وكدم لحد م عرفت انه اصلا مصاحب وبيعمل الحركات دي ، والموضوع فضل كتير اوي وساب البنت دي اكتر من مره ورجعلها وكل ده وهو برضو بيفضل يبصلي ويضحكلي وكده. المهم اننا بعدها اتكلمنا وهو مكانش بيكلمها ، واتكلمنا اسبوعين بالظبط وبعدين محدش فينا كان مرتاح عموما وهو كان طريقته مش احسن حاجه وانا معجبنيش الموضوع اصلا ف بطلنا نتكلم والي عرفته بعدين انه رجعلها يعني عشان كده بطل يتكلم معايا وانا بصراحه مكانش فارق معايا اصلا لان لما كنا بنتكلم كان برضو هو الي طريقته غريبه وبيفضل يسأل على مواعيدي وبعمل ايه وهنزل امتى وكده. المهم اننا من بعد م بطلنا نتكلم وهو لسه برضو كل مره بشوفه لحد دلوقتي بيفضل يبصلي والحركات المتخلفه دي ، وكذا مره حصلت ومشي ورايا اصلا ، وبرضو الاقيه واقف عند الدرس بتاعي اكتر من مره وبيروح لما اما امشي. ف الموضوع بجد مقرف ده غير ان صحابه برضو لما بشوفهم بيفضلو يبصولي من فوق لتحت كانهم بيصوروني الموضوع مقرف بأمانه ومستفز حتى لو مش بيقولو كلام او كده يعني موضوع مش لطيف وانا مش فاهمه برضو انت عايز مني ايه يعني؟🫩

انا حاسس اني متدايق بس مش عارف ليه و حاسس انو زعلان و مش عارف ليه برضو و بحس انو فرحان و برضو مش عارف ليه🙂 حد عندو تفسير منطقي او غير منطقي حتا عشان انا عاوز اعرف الكلام ده و الحجات دي معناها ايه

مش عارف ايه حلي أنا اصلا في العادي محترم جدا و حتى لو قاعد مع ناس مش محترمه بمشي و بسببهم الفكره اني 18 سنه دلوقتي و قبل كدا مكنتش بتعامل مع بنات خالص و حرفيا بتكسف و اصلا حتى مكنتش عايز ولا حابب اجرب اتكلم معاهم و حاجه كمان انا اصلا مش بفكر في حب ولا جواز ولا كلام من دا و ولا حتى كمان خمس سنين ولا حتى اكتر الفكره أن أنا مش بطلع شخصيتي الحقيقيه و اني اضحك و اهزر و اناغش حد و كدا ف في العادي اه بضحك مع الناس بس في الأغلب ساكت المهم أن الفتره دي بقا بقيت بحس بحاجات غريبه مبدأيا بس بدأت اتكلم مع قرايبي البنات اكتر و اكلم ناس اونلاين و كدا فمش فاهم اصلا ايه الأنا حاسس بيه و كلامي متلغبط مش عارف أفسر نفسي اصلا هحاول اشرح انا ممكن احس بغيره على اي حد بكلمه (ولد او بنت) الهو أنا وريتك شخصيتي البجد فاحنا كدا قريبين فانا بقيت اغير عليك اغير من أهله أو صحابه و بقى عندي انانيه، اني بقيت عايز الشخص الاكلمه يبقى يكلمني أنا بس و بكون حابب اعرف حياة البكلمه و تفاصيلها مش بتكلم على شخص معيا، بتكلم على كل البكلمهم، فدا اكيد مرض غالبا بس بحاول امسك نفسي و بقى عندي شعور اني عايز البكلمه دا نحب بعض، مع ان اصلا مش دا الشخص الهكمل معاه علشان شخصيته فيها حاجات مش ماشيه معايا ابقى عندي كمان شعور اني بقيت بخاف لما تقرب من بعض القدامي بتعشم في حاجات بعيده او يفهم حاجات غلط يريت تفسير زكي، يريت حل مقنع و عملي، يريت متقولش انه علشان كدا حرام تكلم بنت....... (علشان الفكره مش بنت و ولد انا بتكلم على كله) اسف طولت عليكوا

انا بحلم احلام مش منطقيه خالص بناس موجدين في حياتي بشكل يومي المشكله ان الناس دي في الحلام بتكون بطريقه مش هقدر افسرها انتو اكيد فاهمين مع اني في الحقيقه مش بفكر في الناس دي كده اصلا ولا في بالي الكلام ده الغريب اني بكون مستمتع بالحلم ده وبقوم مبسوط

محتاجه تفسير ورأي ف نفس الوقت ي اصداقائي هو زميل دراسه بس اكبر مني ب 4 سنين مفيش بنا اي كلام ولا اي تواصل من اي نوع بس مؤخرا كنا بنتقابل ف المواصلات بحكم دروسي وهو بحكم كليته كان فيه نظرات من ناحيته هو حتي لما كنت باخد بالي وابصله برضو كان بيفضل باصص ومش بيشل عنيه .. بصراحه انا قلت دا هبل خصوصا أن انا شايله فكره الارتباط من دماغي اصلا مكنتش بركز اصلا الموقف دا اتكرر كذا مره لكن اليوم حصل موقف تاني صدفه غريبه جمعتنا انا وهو وأستاذ دا كان بيدرسلنا فجأة أول لما شاف وجهي ما بصليش زي كل مره ممكن علشان الاستاذ كان واقف وخاف ياخد باله ؟؟. مش عارفه . بس كله اللي عمله بصلي كدا واول لما عرف أن دي انا اتوتر كداااااا وبقي يبص الناحيه التانيه وحساه كان عايز يهرب وكان بيقصر في الكلام ما بيني وبين الاستاذ علشان يخلص وكل واحد يمشي ف انا مش عارفه دااا ايه حد عنده تفسير ل دااااا هو عمره م حاول حتي يكلمني أو يلمح ب حاجه انا ما بقتش فهماه.

عايزة أسأل عن حاجة انهاردة كنت مع اهلي بنزور تيتا الله يرحمها واختي كانت كويسة مفيهاش حاجة خالص وفضلنا قاعدين حبة وفجاة دخلت واحدة قريبة ماما اول ما جت لسه رايحين نسلم سمعنا صوت كان حاجة وقعت لقينا اختي اغمي عليها بنفس وضعية الوقوف ورياكشن وشها يعني وقعت واقفة من غير ما دوخ ولا حاجة و وشها ازرق واتشنجت فدا اي لو سبب علمي طب نكشفلها اي بس هو بجد دا محصلش غ لما طنط دي دخلت وهي بقت كويسة بعدها

مش فاهم مالي النهارده كل ما انام احس اني متكتف خالص (مش جاثوم) ومقدرش احرك غير صوابع رجلي وايدي بس حلمت فوق ال ٢٠ حلم وكل شوية اقوم واصحى اتنفض حد عنده تفسير دا ايه ؟