تعويض

“يمكن تعبنا شوية، ويمكن عدّى علينا وقت حسّينا فيه إن كل حاجة ماشية بالعكس… بس الحقيقة إن ربنا عمره ما بيقفل باب إلا وراه خير أكبر إحنا لسه مش شايفينه. كل تأخير ليه سبب، وكل وجع بيعدّي بيعلّمنا، وكل مرة كنا فاكرين إننا خلاص مش قادرين… قدرنا نكمّل. ف ليه نيأس؟ ما يمكن الأيام الحلوة جاية في الطريق دلوقتي، ويمكن الدعوة اللي بنقولها كل يوم ربنا بيحضّر لها وقت أجمل مما نتخيل. خلّوا عندكم يقين إن بعد التعب راحة، وبعد الضيقة فرج، وإن القلوب اللي بتصبر ربنا بيعوضها بطريقة تنسيها كل اللي فات.”

لما يبقا فيه حد في حياتكم ويملاها وتبقوا بتتكلموا معظم الوقت وييجي وقت الشغل بقا أو النوم وينام أو يشتغل بس هو كان مالي حياتك وحاسس بفراغبتقضوا الوقت دا ازاي لحد ما يرجع عشان تتكلموا مع العلم شغال عادي وشغالة بس حلاوة البدايات والاهتمام وكدا حاجة كمان لو الشخص دا اختفى الفراغ اللي هيسيبه دا بيتعوض ازاي والجرح

اي اكتر حاجة بتخوف غير أول مرة من كل حاجة و لحظة فقد شخص قريب لقلبك؟ أدوني افكار مش عارفة اكمل الحروف ب أي بس ادعولي ربنا يعوضني خير و يوفقني و يجبر خاطري و يرزقني بالحاجات اللي نفسي فيها و اقدر ابطل اخاف

اصعب حاجه ان مش ان عدوك يخذلك.. اصعب حاجه ان حد يكون قريب منك وهو دا اول واحد يكسرك غدر الصحاب بيوجع علشان انت ما كنتش عامل حسابه ما كنتش حاطط اي حاجه في العلاقه دي غير قلبك. بس الحقيقه ان مش كل حد بيمشي من حياتك هو خسارة في ناس ربنا بيبعدها عنك علشان يحميك مش يعقبك واحنا كمسلمين دنا علمنا ان احنا نبقي اوفياء قال رسول الله صلى الله عليه وسلم اية المنافق ثلاثاذا حدث كذب واذا وعد اخلف واذا اتمنا خان. يعني الخيانه صفه مذمومه مش ضعف منك انك وثقت سيبك بقي من الغدر ده خالص وخليك انت نظيف القلب علشان ربنا شايفك وهيعوضك باللي يستاهلك واللي شبهك

اني اتخانقت و مش كان مجرد كلام دا فعل كمان و كذا مره و المواجهه خرجت منها اكني الخاينه و مشوفتش تعويض و المعامله. بالمزاج و اكني مش موجوده او ليا لازمه مع اني الأحسن فى كل حاجه بشهادته و بشاهدت كل الناس...

انا في تاني سنة تالته ثانوي معايا اربع مواد كنت ماجلاهم هشرح حالي فيهم ب اختصار وعايزة رد منطقي وحقيقي منكو . من غير بقا تعاطف و تحفيز انا عاوزة اعرف هل ب وضعي الحالي دا. وانا قدامي بالظبط ع امتحاناتي 35 يوم لما اشيل اسبوع قبل الامتحان يعني ... يعني اي اقصي نتيجة ممكن اوصلها ؟ واي مستحيل ولا مش ممكن بصراحه ف وضعك دا ا الحق اظبط اللي فايتني واخش الامتحانات انقص ف كل مادة من درجة ل درجتين بس مثلا ؟ الفيزيا 4 فصول كهربية و 4 فصول حديثه فايتني نص الفصل 2 و نص 3 . و4 كاملا وفايتني فصل 7 و 8 يعني مزاكرة اول فصل و 5 و 6 والنص الاول من الفصل التاني والتالت الكيميا حالها احسن ..مزاكرة 70ف الميه منها لكن ناسيه بس ومش حله كتير بدات مراجعه وراجعت الباب 4 و نص الباب 5 ناقص باقي الباب 5 والابواب 1 و 2 و3 واللي يعتبرو اخف شويا الاحياء مزاكرة كويس فصل 1 و 2 ... 3 نص نص 4 متراكم ... 5 كويس و 6 متراكم الرياضة البحته نسياها .. وفايتني زي اربع دروس مثلا محتاجين سماع شرح لكن الباقي عاوزة مراجعه كدا لكل فرع وهتبقا الدنيا تمام التطبيقية كلها ع بعضها 12 درس مزاكرة منهم زي 3 او 4 دروس بس مش شايلة همها بصراحه لانها هتكون اخر مادة همتحنها وقبلها فاضي 10 ايام بالظبط يعني حرفيا عندي الشجاعه اسيبها اخلصها ف 10 ايام لانها مش اصعب حاجه يعني عادي

دلوقتي في مطعم كل ما اجيب منه اكل مره الفراخ كانت ريحتها زفرة ومش طبيعية و رنيت عليهم و كلمني بأسلوب وحش و قولت مش مهم يمكن مفيش في أيدها حاجه يعملها ، ومرة الكباب والشيش كانوا مش مستويين و شايفه الدم في الاكل و آخر مرة طلبت مكرونة بالسجق، وكان فيها ريحة بايظة، وبعدها تعبت جدًا و جالي تسمم و برجع دم و أنا بعتلهم و قالو رني علي الشكاوي و كلم بعدم اهتمام أنا محتاره اعمل ايه ارن علي الشكاوي و لو برضو مفيش اهتمام اكتب في جروب المحافظه بتاعتي و اقول اسم المطعم ولا مرنش علي الشكاوي و اكتب علي الجروب علي طول طيب لو جالي رد المفروض اطلب ايه منهم التعويض

ياجماعه رساله م قلبي لكل عضو هنا.. انا اسف ليك وبعتذرلك مكان كل شخص اخطأ ف حقك وظلمك او اهانك او زلك انا اسف ليك علي كل حاجه كان نفسك فيها ومخدتهاش او ملقيتهاش زي ما اتوقعت انا اسف لكل واحد حد خذله وضيع حقه انا اسف لكل بنت وولد حد اتحرش بيهم انا اسف وبعتذرلك عن كل شر شوفته ف حياتك ربنا يعوضنا كلنا بالخير ويطبطب ع قلوبنا ويبدل حالنا لافضل حال بحب كل واحد هنا من قلبي وبعتذرلكم عوضا عن الحمقي والظلمه واصحاب القلوب المتحجره واصحاب الخسه والغدر..

انا مش عارفه انا ليه باعمل البوست ده ومين ربنا سخرني ليه علشان يقراء الكلام دا... هو انت فاكر ان ربنا هيستخسر فيك الخير وقت وانت كنت فاكر ان الطريق اتقفل وان الدنيا بقت خلاص ضلمة حواليك ربنا كان بيحميك من طريق اخرته وجع اخرته وحشه اخرته انت ما كنتش هتحملها والحاجه اللى مشيت مره واحده مشيت تتدبير الهي عجيب ربنا عمي بصيرته عنك علشان النهايه كانت لازم تكون كده لانه لو كان خيرا لوقي 🤷🏻‍♀️... علي فكره ربنا مش بيستخسر فيك الخير ربنا شال عنك الاذي اللي لو انت كنت كملت كان هيصيبك بكره تعرف ان ربنا لو كان سابك الاختياراتك كنت غرقت مافيش حاجه خيير هتمشي من طريقك ابدااا اطمن ربنا عارف وسامع دقات قلبك وعارف اللي انت مخبيه ربنا هيعوضك وهينسيك كل ليه سالتها وانت محتار وهينسيك كل ليه سالتها وانت مش عارف ايه اجابتها وخلي اليقين ده في قلبك ديما عسى ان تكرهوا شيئا وهو خير لكم 🤍وعسى ان تحبوا شيئا وهو شر لكم🤍 ونكملها بقي. والله يعلم وانتم لا تعلمون 🤍🤍

فكره صعبه اوي لما تبقي بتراقب الحياه مع غيرك بس انت مش بتعيش قانون ان الحياه بتعوض كل انسان بحجم الم الفقدان بس الرحله منتهيه معاك بالالم بس لسه في مستقبل بس مش عاوز تعيش فيه بصيت لصورتي وانا صغيره وقولتلها موتي وبكيت وفعلا الموت لاحقني وخوفت منه اول مره علي الرغم اني بتمناه بس مش مستعده ليه لاني شايفه ان الحياه قاسيه وده الطبيعي بس انها تبقي قاسيه و مش بتعوض ده الاسوء كنت مستنيه تعوضني في اي حاجه اتمنيت ابسط حاجه وبرضو مرضتش بيا كل طرق الحزن لاحقتني بكل الاشكال ومستغربه ان لسه جسمي بيتحرك وحاملني اني اصحي كل يوم اعيش واشوفني بتالم وبفقد بس لو كنت لقيت معنى واحد لحياتي مكنتش هدور علي الموت يمكن لما الاقي الموت هلاقي المعنى بس العوده منه بنفقد كل حاجه تاني وعلي الرغم من كل ده انا الشخص اللي كل الناس بتلجأ ليه عشان تحل مشاكلها التافهه مش قصدي انها تافهه بس شعوري بالمي اكبر من كل شئ علي الاقل لما ببص في حياتهم بلاقي الحياه واخده جزء ومعوضه جزء وهنا انا بتمني لجزء التعويض كل خير بس بتمناه برضو لنفسي ليه كل ما احاول الاقي طريقي نهايته الألم بس ومحدش بيسمعني لاني متعودتش اتكلم انا العلاج لكل شخص حتي الغريب بس انا مين يسمعني مين غير نفسي قدام مرايتي

اخواتى وحبايبى اللى فضهرى انا قعدت مع صاحبى فسكن من يومين بالظبط دا تالت يوم ليا هو قاعد فشقه ملكه مش بيدفع ايجار ورافض كل الرفض ياخد اى ايجار منى حاولت معاه بكل الطرق ورافض تماما اقدر اعمل اى اعوض بيه دا عشان محسش انى متقل عليه ( ممكن ادفع باقه النت والكهربا ) اقدر اعمل اى تانى ؟

مشكلتنا اننا اتعودنا ان النهاية لازم تراضينا لازم الخير ينتصر قدام عينينا واللي ظلمنا ييجي مكسور يمكن مشلول يمكن ندمان ويقعد يترجانا نسامحه واحنا نقف نفكر نسامح ولا نخليه يدوق شوية من اللي دوقناه ونعذبه كده بس الحياة مش مسلسل مفيش مشهد اخير هيتعاد عشان يجيب لنا حقنا بالشكل اللي متخيلينه مفيش حد هييجي يترجانا واوقات كتير مفيش حد هيحس اصلا انه ظلمنا الحقيقة الصعبة ان النهاية احنا اللي بنكتبها يا اما نقعد مستنيين عدل درامي يمكن ما يجيش ونفضل نحكي لنفسنا اننا اتظلمنا وان حقنا اكيد في يوم هييجي واحنا قاعدين مكانا يا اما نقوم حتى لو موجوعين نحاول نعوض نفسنا بايدينا نجيب لنفسنا حاجة تفرحنا حتى لو صغيره نبني حياة تخلي احساس الخسارة ميخلناش نخسر كل حاجه حرفيا عارفه أنه احساس حلو يجلنا مشلول كده بعد ما وجعنا بس على ما يتشل نعمل اي حاجه تخلينا نحس اننا عندنا حياة بجد

انا نفسي في وحدة تعوضني عن كل حاجة وحشة عشتها و عن كل حد وحش دخل حياتي و انا اقسم بالله مهقصر معاها و هشيلها في عيني و هراعي ربنا فيها . و بدعي ربنا في كل صلاة ان ربنا يرزقني بيها بس لغيت دلوقت مفيش حاجة بتحصل