تعلق مرضي

التعلق المرضي بحد بياذيك من ابشع الحاجات اللي ممكن تمر بيها انك تبقي شايف الاذي بعينك واعرف قد ايه الشخص ده بيتعبك نفسيا وبرضو مش قادر تبعد علشان كده لازم كل شويه تفكر نفسك الحاجات الوحشه اللي حصلت من الشخص ده علشان ساعات مخك بيفكرك بالحلو وبس فعلشان ماترجعش 100 خطوه لوراء خلي الاسباب اللي انت مشيت بيها واضحه قدامك وغالبا النوع ده وانت بتمشي بيرمي عليك اللوم يعني هو بيفضل يلومك انت وبيحسسك بالذنب وبيفضل يلعب بدماغك وهو اللي لا ماتمشيش لمجرد انك ماتمشيش مش علشان هو بيموت فيك وبيفكرك ان انت اللي اخترت تمشي طب ماشي اوكي دي حقيقه انت اللي اخترت تمشي فعلا بس خلينا مانسميهاش ان انت اخترت تمشي "انت اخترت نفسكك" مش اكتر لما تطلع من برا البابل دي وتبص للصوره من برا هتعرف قد ايه انت كنت جبل وان انت فعلا كنت عايش في جحيم

حد عنده حل للتعلق المرضي انا متعلقه بحد تعلق شديد جدا جدا هو شخص كويس بكل المقاييس وعمره ما اذاني و بيعملي كل حاجه تبسطني حرفيا ومهتم بيا لابعد حد بس انا اتعلقت بيه لدرجه تخوف بجد تعلق مرعب لدرجه اني بفضل افكر الشخص ده لو بعد الشر مات او حصله حاجه انا مش هقدر اكمل حياتي ابدا ابدا و بشيل الهم من دلوقتي انا عايزه اعرف حل التعلق ده ايه بحيث ان العلاقه تكون صحيه و طبيعيه

السلام عليكم و رحمة الله و بركاته الأول.. كام حاجة، و كل اللى عنده افكار او نصيحة يقولها يا ربت، أول حاجة بتتعافوا ازاى و ازاى اتخلص من التعلق المرضى، تاني حاجة بتبدأوا صفحة جديدة من حياتكم ازاى

جماعه انا عندي تعلق مرضي بشخص هو موجود وكويس معايا بس حصلت مشكله بينا وكان هيسيبني وانا من كتر تعلقي بيه حرفيا قعدت اقوله روح خوني بس متسيبنيش انا مش قادره اتخطى ومش قادره افهم ايه اللي وصلني لكده انا فعلا مش قادره استحمل فكره انه متغير معايا بسبب انه زعلان مني وتعلقي بيه طلع اسوء بكتير من توقعاتي

أنا جد وصلت لمرحلة كبيرة من الجنون والتعلق المرضي قاعدة أتابع الاكس من حساب وهمي 24ساعة مع ان هو يلي اذاني وخانني وبلكني حاسة حالي بدون كرامة ما اقول أحبوا بس مهووسة ما اقدر ما اشوفو بدي اكلمو بس مايعرف انو أنا واعرف مايحبني كيف اقدر اتخلى من هاد الشي بلييز يلي يعرف ينصحني

مكنتش مبين. عامل حنين الحقبة دي بالنسبالي أنا متعلق بيها تعلق مرضي حد فاهمني ؟ بجد الحقبة دي غريبة و كان فيها حاجات كتير اوي حلوة حاجات بنحنلها و جامعة القاهره و عين شمس و مكس مش مفهوم كدا و غريب.

مساء الخير اعمل اي لو انا بمر بفترة تعلق مرضي مع شخصٍ ما ف حياته حد أصلاً بس معرفتش دا غير بعد ما اتعلقت لمدة سنه بيه وحالياً بقالي تالت سنه م عارفه اموف اون منو وكل ما انضغط نفسيا واجيب اخري اكلمه مع إن المفروض مكلموش أنا متاكده انه شخص توكسيك اصلا بس اوقات بجد ببقا خلاص فاض بيا الحال وافكار الانتحار بتفضل تحوم حواليا مع ان لو كلمته ببقا اهدي والدنيا ألذ وكل حاجه بتعدي وف نفس الوقت انا عارفه انه ميستاهلنيش وإني استاهل حد أفضل من دا ويعرف يقدر مشاعري كويس بس م بكون عارفه اعمل اي مع أني مبحبوش بس متعلقه بيه حد فاهمني؟

محتاجة مساعدة من دكتور نفسي و حاليا معيش فلوس ف لو دكتور او دكتورة يقدر يساعدني احل مشكلتي فترة هكون متشكرة جدا انا عندي تعلق مرضي شديد و كمان حاليا مرتبطة بشخص عنده اضطراب الشخصية الحدية و اضطراب ما بعد الصدمة و احنا الاتنين تعبانين و حاليا هو عنده تريجر و مكتئب و عنده خمول و انا بقلق من البعد ده و ف نفس الوقت بحاول اتعامل و حاجات تانية بردو كتير جدا محتاجة مساعدة و شكرا

انا بحب شخص و حاسة اني متعلقة بيه تعلق مرضي بخاف اوي انه يسيبني او ييعد عني لو بعدنا حاجة بسيطة بس دا بيأثر على نفسيتي جدا فازاي اعالج دا و احبه من غير ما اخاف كدا و يكون تعلق طبيعي ميضرنيش ولا يضره

حاسه إنى ضايعه رغم ان سنى كبير بس فعلا مش قادره اسيطر حتى ع نفسي .. يمكن ده ناتج عن انى سيطرت سنين كتير اوى وف النهايه بقيت لوحدى دماغى رافضه كل حاجه حتى وجودى ف الدنيا .. مش عارفه ايه الحل علشان اكون سويه .. او بمعنى اصح ارجع زى م كنت .. يعنى اكبر المشاكل عندى حاليا انى مش قادرة اموڤ اون من علاقه وهو سابنى وحتى لما بعتله ماسيدج شافها ولا حتى فكر يرد عليا .. المشكله دلوقتى مش فيه انا مشكلتى ف نفسي انا متعلقه تعلق مرضي .. انا الا حد ما متدينه وطلبت من ربنا كتير انه يرجعلى أو حتى يرد عليا وعملت كل حاجه حلال ممكن تتعمل بس اللى فكرت فيه أو اللى ظهر قدامى فكره جلب الحبيب ف البدايه كنت مترددة وخايفه من ربنا بس دلوقتي الفكره كلها اللى مسيطره عليا إنى عوزاه يرجع ب اى تمن وقولت ممكن اعمل كده وبعدين اتوب بس هو يكون معايا .. عارفين طبعا إن مجرد م بنفكر ف الحاجه بنلاقى اعلانات ليها ف كل مكان ده اللى حصل معايا بقا بيظهر قدامى وللاسف كلمت واحده منهم معملتش اى حاجه ولا قولتلها اى حاجه بس انا بالنسبالى الخطوه دى صعبه ع شخصيتى اصلا حسانى بخسر كل حاجه بما فيهم نفسي .. اعمل ايه احل المشكله دى ازاااااى؟!!!

جماعه انا عندي تعلق مرضي كل م بنت تقرب من حياتي لو مناسبه بتعلق فيها بسرع دا بسبب تخلي اهلي عني وانا صغير ف بقا عندي عقده كبيره بسبب للموضوع ده مبعرفش اعمل موڤ اون غير بعد سنين من اي علاقه تافهه افضل فاكرها وممكن تعكنن ايامي لفترات طويله وهي حقيقي كانت علاقه اسبوع مثلا ف ياريت حد يقولي نصيحه أو حل لأن مشاعري بتستنذف على الفاضي

انا مش عارف الي عندي ده تعلق مرضي ولا ايه بس انا هقول الي بعاني منه انا اغلب الوقت منكش عندي صحاب ولما بقي عندي بيبقي واحد بس مثلا و ببقي متعلق بي جدا لدرجه اغلب الوقت بزعل بسبب قله الاهتمام او اني ديما بقدم حجات كتير و الشخص التاني مش بيقدر بحس اني مش متشاف اصلا فهل ده بسبب الoverthinking و التعلق ولا ايه