تعاطف

وانا صغير كنت بقول ليه منطبعش فلوس كتير ونبقا كلنا اغنياء وحلينا الفقر ونبقا كلنا فرحانين بقا ومعانا فلوس ومحدش يشتكي من الفقر ولا يبقا في شحاتين ولا اي حاجه من الحاجات اللي موجوده دلوقتي دي (بطول عشان ينزل)

معرفش ليه بلاقيني بتعاطف مع الستات أو البنات عموما حتى لو مذنبين .. بشوف دايما أن الغلط بيبدأ من عند الراجل .. بحترم جدا الأرامل و المطلقات و بكون مشفق عليهم من مواجهة الحياه لوحدهم بمسؤولياتها، يمكن عشان شوفت تعب امي ازاي و هي بتربيني حتى لو اذتني انا مسامحها .. بتصعب عليا البنات الجميلة الي مضطرين يدفعوا ضريبة جمالهم تحرش و قرف .. كنت و انا صغير فاكر حياتهم سهلة و بيجيلهم الي هما عايزينه .. الموضوع طلع اصعب بكتير

تعبت من نفسي .. كمن يساق إلى الموت و هو مخمور غير خائف ولا يرتعد .. عقل في جسد صنم لا ينفع ولا يضر .. لازال يشاهد خيباته و الوقت يمر .. أظهر معاناته على المسرح للعامة من أجل التسقيف و التعاطف و ليس من أجل العلاج