تخلى

نومتين في حياتي مستحيل أنساهم أولى مرة يوم وفاة والدي والتانية بعد ما خذلني وتخلى عني الشخص اللي استندت عليه يومها ولجأت له. رسالتنا اه خلصت في حياة بعض ولازم اتقبل إنتهاء كل حاجه بس لسه قدامي شوية على التعافى

مساء الخير للجميع هو جرح الهجر والتخلى سهل التغلب عليه ولا صعب وممكن لو حد مر بالتجربة دى يقولى خطوات فعلية ونجحت معاه عشان حاسه الموضوع صعب وكل ما بحاول أقف على رجلى وارمم نفسى أرجع انتكس تانى وأحس كأنى معملتش أى حاجة

الوحدة و العزلة ، انت لما تبقى لوحدك فترة كبيرة دماغك بيتكلم كتير ، وكده كده انت مش بتتكلم مع حد ، كتر الكلام الي جوا دماغك ده بيبصيبك بالسكوت ، أنا في ليلة واحدة ،فتحت موبايلي لقيت بتاع 5 صحابي من ال 6 الي اعرفهم قطعوا معايا وكل واحد قالي أنه عايز يقطع معايا من زمان بس مستني وقت مناسب ، فضلت 4 شهور لوحدي الي هو الترم الاول كله ، مكنش عندي غير صاحب واحد بس فاضل بكلمه مرة كل شهر ، حتى من بعدها أنا بطلت اتكلم عشان كده كده اي كلام هقوله هيتمسك ضدي في الاخر ، ياما هيبين نقطة ضعف او اي حاجة تانية ، بس والله كده اريح

انا ابويا سايبني بقاله كذا سنه وقايلي اني مش بنته وانا حاليا عايشه مع مامتي واخواتي هما تلت ولاد اصغر مني هو بيكلمهم عادي وبيقابلهم بس انا لا وطول الوقت بحس اني اقل منهم واني محتاجه مامتي تفرق في المعامله بينا علشان احس اني احسن منهم او على الاقل زيهم وانا تعبت من ان ماما بتعاملني بطريقه غريبه وبحس انها بتحبهم اكتر مني وانا مبحبش اكون لوحدي علطول متعوده حواليا ناس ف الموضوع بقى صعب عليا اوي وحتى لما بتعب مش بحس ب اهتمام منها زي ما بتعمل معاهم لما بيتعبوا بتوديني المستشفى بالعافيه ده لو ودتني وانا بتعب من كتر التفكير ومش بعرف اتكلم معاها عشان بتحسسني اني اوفر وبكبر المواضيع