الإحباط

الفترة دي بحاول أغير شوية حاجات في نفسي وأتعلم حاجات جديدة، بس اكتشفت إن أصعب جزء مش البداية… أصعب جزء إنك تكمل لوحدك. أوقات وجود شخص يشجعك أو حتى يسألك “عامل إيه؟” بيخلي كل حاجة أخف بكتير. يمكن عشان كده الرحلات الطويلة دايمًا محتاجة حد يشاركك الطريق، حتى لو بالكلام بس.

هو الواحد هيفضل يرجع لنقطة الصفر لحد ما يموت ولا ايه لما يحس انه عنده امنيات كتير و حياه غير الي عايشها مفيش اي حاجه من الي عيزاها عيشاها ف الواقع صفر شعور مقرف عدم الرضى حتى لو بيحاول يحسن و يحقق الي عايزه بيحس انه بيشتغل و هو في مكانه مفيش اي تغير مفيش اي انجاز بحس ان انا و بمشي ف الطريق مش عايزه اكمل عايزه اقعد على جنب و اعيط +بقا في غيره و حقد تقريبا لما بيشوف الي بيتمناه مع غيره يا ريت محدش يحكم عليا ف النقطه دي

ليه كل ما يبقا عندنا شغف نبدأ فحاجه بيروح فجأه و منعرفش نكمل زي اننا نبطل عاده فيها ضر او اي حاجه مفيده منعرفش نكملها للاخر زي مذاكره ممكن تبدأ اول فصل بحماس بعد كده متكملش ١٠ د تبقا عايز تعمل اي حاجه غير انك تكمل