بدون حكم رجاء فلتقل خيرا او لتصمت، انا مش في افضل حال شخص اتعرفت عليه، 6 ايام فقط، اتشدلي، اتجذبلي، وقرر انه عايز يتجوزني، كان جوايا نوع من الاحتياج لشخص في حياتي، بس في حاجة دايما بتمنعني، وبتشدني لورا اني اقرب من الموضوع ده، اتقابلنا مرة واحدة، اتشدلي اكتر، انبهر بيا، وعلى عكسي، ماحسيتش بقبول، وقتها هو اخد رقم بابا، ووقتها انا ندمت اني ادتهوله وحسيتها خطوة متسرعة مني جداً و غبية و غير ناضجة، في اليوم ده صرح بمشاعر كبير وعفوية و صريحة جدا بعد ما رجعنا من مقابلة حقيقي ماكملتش 10 دقايق، اداني شوكولاتة بعد اقناع شديد و كبير جدا، ومشينا بعد ما اخد رقم والدي، بلليل، قولت كلمة واحدة بس: "الشخص اللي توقعاتك من ناحيته بتختلف، مشاعرك بتختلف"، وقتها هو قلق واتلغبط، وعاتب نفسه انه فهم ان المشاعر متبادلة وفهم غلك و قال على نفسه غبي وغيره كتير، ويشهد الله اني ماقولتش حاجة والله ماقولت اي حاجة تعلقه بيا، محافظة على حدودي تماما اقسم بربي ما قولت اي حاجة اعشمه بيها ولا اي حاجة من اللكلام ده خاالص. ايا كان الغلط، انا حسيت انه انا فجأة مش مستعدة لعلاقة اساسا، حتى لو هيدخل البيت من بابه، وكل ما اصلي استخارة احس بضيق اكتر واكتر، هو قالي كلام كتير انه موجوع و حزين ان الموضوع مش هيمشي، وان ليه كلامي بيتغير ةغيره، رغم اني فعلا ماغيرتش حاجة انا ماعشمتهوش بحاجة وخليت بيه، حتى قولتله انا كنت لآخر لحظة باعدة العاكفة وبفكر بالعقل ومحافظة على حدودي ومش ببادلك بأي كلام كويس لشان تقولش اني قولت كتير وكنت بضحك عليك، ماحصلش مني، وبعدين قالي كلام منه انه مش هيخليني اوافق غصب او بشفقة او غيره يعني، بعدين نهينا الكلام و بعد الفجر بالنسبالي خلصت صلاة و قفلت الموضوع، هو كان قايلي لو انا رفضت اعمل بلوك و انهي الموضوع و هو هيفهم، لكن ماقولهوش صريحة، وده اللي حصل. انا مشوشة جداً وحاسة بالذنب رغم اني والله ما ظلمته ولا خليته يتعلق بحاجة دول 6 ايام وهو اللي كان متسرع 😔
