احترام الذات

خليك عزيز ومترميش نفسك على حد ، عادي شلتك سابتك مثلا ومش بيحبوا قعدتك امشي انت كمان وسيبهم ، بتحب حد والحد دا مش حاسس من نحيتك بحاجه سيبه وامشي ، كان نفسك تكمل في علاقه بس الطرف التاني سابك سيبه ، خليك عزيز وخلى نفسك عزيزه عليك ، تقبل ان فيه حاجات تكون مش من نصيبك عادي ، انت فالدنيا ولو هنلخص الدنيا كلها في جمله هتكون "الدنيا دار الابتلاء" ، واحمد ربنا واشكر فضله ان ابتلاءك جه على اد شخص كان في حياتك ومشي ، مش لاقدر الله اي حاجه تانيه وحشه ، صل عالنبي وتبسم

عمرى ما ارتبطت براجل عمل عشانى اى حاجة ديما انا اللى من البدايات بعمل كل حاجة و بتنازل بشكل مهين لدرجه انى لما اتجوزت بقالى ٤ سنين حاسه انى مفيش حاجة عدله اتعملت ليا المشكله ان لما ظهر شخص لفترة قصيرة جدا وانا تجاوبت معاه بسبب غبائى حتى لو كان بيضحك عليا او بغرض تانى مش مقبول البدايه بس بتاعته انو حسسنى انى استاهل يتعمل عشانى اى حاجة حتى لو بسيطه حتى لو خروجه فى كافيه او اى مكان بس تكون المبادرة من هو مش منى انا خلانى ضعفت وحبيت اهتمامه بيا هو محصلش اى تجاوزات والموضوع اصلا مكملش شهر او اقل بس من بعدها وانا نظرتى لنفسى اتغيرت بقيت مستحقرة الموقف انى فكرت فى شخص تانى مع انى لما اتكلمت مع زوجى على مدار ال ٤ سنين دول ولا مرة فكر يحاول حتى يبادر هو فى اى حاجة لا خروج ولا فسح و لا سفر ولا حتى طلبات البيت هنجيبها منين كل القرارات كنت انا اللى باخدها لما بقيت ناسيه انى ست اصلا فى حااجت كتير اوى عايزا اقولها بس المشكله انى فعلا مش لاقيه حل و حياتى واقفه على الشهر اللى عيشته لاول مره فى عمرى على انى واحده ست طبيعيه اتشافت بعين حد حبها وحب يعملها حاجة تفرحها

لو حدحصل معاه كدا واحد بقره في نفسه موجود معاك في نفس المكان وفي شخص تالت والبقره دا وجه سؤال للراجل التالت وبيقوله ما تجوزه بنتك لفلان اللي عو انا ساعتها الرد مفروض يكون ايه يعني انا لا طلبت منه يدورلي ع عروسه ولا زفت ومجرد اني عايز يلبسني انا والراجل التاني في بعض