إرضاء الآخرين

سامحيلي على كل دمعة على كل موقف حطيتك فيه و انا متأكدة اني بضرك سامحيلي على كل اهمال على كل وجع على كل يوم ضيعتو في محاولت ارضاء الآخرين و نسيتك و نسيت احتياجاتك على كل صرخة من الداخل استهنت بيها على كل حاجة عملتها غصبا عنك سامحيلي على الايام الي ضاعت وعلى كثير اشياء ....

عندي عقدة بسبب بابا مش عارفة اخلص منها بابا عندو الحب متشرط لو انت ناجح ومطيع هحبك لو انت مش كده هكرهك ومش هصرف عليك وهتتعاقب وتضرب فكبرت علي اني ارضي الكل إلا نفسي و بقي عندي برود مشاعر مش بحس بأي احساس خالص لا حب لا حزن لا ألم حاسه بخنقة بس عشان اتعودت ان حتي مشاعري ممنوعة عشان مثلا لو اضربت و بينت اني زعلانه بضرب تاني ولو عيطت بضرب اكتر فلازم لما اضرب اضحك و دايما تنمر علي شكلي لو اهتميت بنفسي او لا و لو غلطت يتقالي بكرهك و يدعي عليا بالموت لو اتأخرت عليه بالشاي تعبت من كل ده لي حد في سني بيمر بكل ده انا عملت اي في حياتي عشان يحصلي كده معنديش ثقة في نفسي وشايفة ان كل الرجالة بتكرهني و شيفاني وحشة زي بابا فبفضل انزل صور ليا واكلم ولاد وارتبط عشان احس ان حد عايزني و بعمل كذا شخصية و هدفي الوحيد ارضي كل الناس علي حساب نفسي عشان بكره ابقي مش محبوبه رحت لثيرابي كذا مره مفيش حاجه من دول نفعوني اي الحل لكل ده

استنزاف الذات بيحصل لما بفضل أحرق في طاقتي عشان أرضي صورة معينة في خيالي، أو عشان أثبت للي حواليا إني "كفاية". الموضوع عامل زي اللي بيسحب من رصيد بنكي مبيتحطش فيه إيداع؛ في لحظة معينة، الإفلاس بيبقى حتمي. استنزاف الذات بييجي كتير من فكرة إني "متاح" للكل طول الوقت. لما بقول "آه" لكل الناس ولأي طلب، أنا في الحقيقة بقول "لأ" كبيرة جداً لنفسي ولراحتي. الرغبة في إرضاء الجميع هي أقصر طريق لحرق الأعصاب. استنزاف الذات مش دليل على القوة، ده دليل على إن بوصلة الأولويات محتاجة إعادة ضبط. أغلى حاجة الإنسان بيملكها هي "نفسه"، ولو النفس دي انطفأت، مفيش أي إنجاز أو إرضاء للناس هيقدر يرجع النور ده تاني. الحل دايماً بيبدأ بكلمة "كفاية"، وبإن الواحد يتعامل مع نفسه برحمة، كأنه بيتعامل مع أغلى شخص بيحبه

تغور كل حاجه قصاد اني ابق مبسوطه مبسوطه وبس .. ياما جيت علي نفسي علشان ناس كتير اوي وفي الاخر كنت بخسر جزء من نفسي لحد ما قررت : نفسي اولا نفسي قبل أي حاجه نفسي وبعد كدا اللي يجي يجي ميخصش ميفرقش

طول عمري كاتم و ساكت مش بعرف اعبر و مش بعرف اطلع الكلام و دايما برضي بحاجات عشان مجرحش اللي قدامي و باجي علي نفسي حتي لو الحاجة دي انا مش حابب اعملها الموضوع دا مسببلي مشاكل كتير مع اهلي و مع صحابي و عاملي مشاكل نفسية و عاملي مشاكل مع خطيبتي مع خطيبتي عشان شايفة اني كدا معنديش شخصية و اوقات ممكن تقولي كلام بيوجع فالموضوع دا لما بنتخانق

هو لي بجد واحد كل اللي بيعمله انه يحاول يرضي كل اللي حواليه لي في الأخر يحس انه وحش وان مفيش حد هيستحمله وانه هيفضل لوحده طول عمره وهيفضل في اوضته معزول عن البشر لحد ما يموت لوحده لي مبيتردلهوش ربع اللي بيقدمه؟؟