أصحاب

نفسي ف اصحاب اكلمهم واحكي وافضفض انا لوحدي تماما معنديش اي حد ، كانت حياتي شغل ودراسه ومسؤليه ونسيت ف الزحمه اعمل اي صحاب ، نفسي ف اصحاب مش كتير بس يكونو ليا سند وامان يكونو ، نفسي محسش بالوحده دي تاني

نعمل ايه بجد لا عندنا ام تحن ولا اب مهتم حتى ولا حتي صاحب يشاركنا حياته ولا حد عايشين كدا وخلاص يعني الواحد مستعد يعمل كل حاجه ويتنازل بس تفضل معاه تحسسه بقيمته مش ولا كأنه موجود ولا حاجه ليه بجد هو العيب فينا طيب مينفعش يكون لينا هو مكتوب لينا نبقي لوحدنا طيب

السلام عليكم كان لما اصحابي بيطلبو مني فلوس او بيحتاجوني في خدمة كنت بديهم وبقضيلهم الخدمة علي قد ما اقدر وساعات كنت بقول لوالدي و والدتي وكانو بيقول طلاماا اتعشمو فيك يبقي ربنا باعتهم ليك علشان انت اللي هتقدر تساعدهم وهما يفكروهم اصحاب من اللي لو انا احتجتهم في حاجة مش هيتاخرو ميعرفوش انهم بتوع مصالحهم انا الحمد لله بدرس في جامعة خاصة وحالتنا المادية كويسة فانا مؤخرة كان كل اللي بيطلب كان بياخد الفلوس ويقولي هديهالك بعد فترة وبعد كدة ولا بيجيب الفلوس ولا بيسال حتي ومن بجاحتهم بيطلبو تاني علي اساس انهم نسيو اللي عليهم وانا اقسم بالله ما بيفرق معاياا الفلوس حتي لو هطلعها لله بس مش هديهالهم علشان دا اسمه استغلال وانا مبحبش الاستغلال ودلوقتي االي بيطلب مني اي حاجة منهم بقولو ممعيش ومش بديلو ف دا قرار صح اكيد صح

هقولكم حاجه مضيقاني بجد اوي لدرجه مش عارفه حتي اتخطاها عارفين احساس انكم تكونوا طول حياتكم منعزلين وفجأة يبقا معاكم أصحاب حاجه حلوه وجميله طبعا بس بقا لما يكون مجرد سد خانه مش أكتر اللي هو أنت معانا عشان محتاجين مصلحه مش أكتر غير كدا لا صاحب ولا زفت حتي بعدها تشك في نفسك ليه أنا مش بيعاملوني زي ما بيعاملوا بعض هل أنا ضايقتهم وطلع العيب فيا ومش فيهم الموضوع قهرني بجد لدرجه الواحد مش عايز يرجع يكون لوحده زي الجثه اللي بتعيش من هوا ولا هو مجرد رقم اضافي بتتعاملوا ازاي في المواقف دي

السلام عليكم عاملين ايه كنت عايز اقولكم علي حاجة مش عارف دا بيحصل مع كلو ولا انا بس فيه ناس اصحابي مش بيفتكروني الا لما يكونو عايزين فلوس يعني ممكن نقعد شهرين مثلا مبنبعتش ل بعض ف ييجي هوا لما يبعتلي يكون عايز فلوس وبيطلب ب مبلغ كمان مش حاجة بسيطة يعني وكذا حد مش حد واحد بس انا بقول مثل ف اللي يقولي عايز يدفع ايجار السكن ومش معاه واللي يقولي مزنوق ل حد اخر الشهر وييجي آخر الشهر مش بيبعت الفلوس وفيه ناس فيهم بتاخد الفلوس و والله ما بتبعتهم خالص اكنهم لاقيين الفلوس دي وانا برضو بتحرج اروح اقولهم عليهاا بقول يمكن مش معاه واحرجو ب سؤالي وانا الحمد لله حالتي المادية كويسة والله انا ما فارق معايا الفلوس بس بتضايق من الموقف بس فانا سالت والدي علي الموضوع دا قالي لو واحد صاحبك احتاج ل حاجة اديلو حتي لو مبيسالش علشان هوا ربناا باعته ليك علشان شايفك انت اللي ممكن تقضيلو الآمر دا فانا بس صعبان عليا المواقف اللي بتحصل فقط وشكراا

مساء الخير أو صباح الخير ع حسب ما تقراؤا البوست كل المشاكل اللي بتواجهنا بتكون من الأهل الاصحاب المهم أن معظم المشاكل بتكون فعلا من الناس القريبين مننا مع اننا نقدر نتجنب كل ده عادي جداااا نعمل اي نحكي نفضفض لناس منعرفهاش من أماكن بعيد عننا ميعرفوناش لان لو حصل وهو طلع السر ده يبقي هو ميعرفناش ولو بقينا أصحاب اكيد هيكون عشان عارفين بعض فيه تقدير مش مفروضين ع بعض

قاعد في الكافيتيريا لوحدي مفيش حد من اصحابي عايز يجي في وسط الزحمه وانا قاعد افتكرت ذكرى وحشه في حياتي عنيا دمعت ومفيش حد يطبطب ولا يهون الوحده وحشه اوي يا جماعه حاولوا دائما تعرفوا ناس متسيبوش نفسكم لوحدكم

معرفش حقيقي أنا موجود هنا ليه بس ممكن نقول في فترة فراغ ومحتاج اعرف أصحاب جديدة بس الفكرة مش محتاج اعرف أصحاب نقعد 3 أيام وبعدين تختفي عايز ناس تفضل موجودة عادي حتي لو هنتكلم بردو من غير ما نعرف هوية بعض بس عادي نبقي صحاب وعالعموم موجود لو حد عايز يحكي

حد زهقان نلعB صرAحه من أجمل الأعياد اللي بنستنى فيها الربيع، بنخرج ونستمتع بالجو ونقضي وقت حلو مع العيلة والأصحاب. يوم بسيط بس مليان فرحة، وأكل مميز زي الفسيخ والرنجة والبيض الملون 🌸 كل كام وانتم بخير

مخنوق فشخ انا 32 سنة ومعنديش اصحاب غير يتعدو علي الايد وزهقت من روتين الشغل ولسا مجوزتش وحسس ان العمر بيجري وانا لسه مجوزتش ومش بعمل اي حاجه مفيده ولا بصلي ولا بقرا حاجه ولا بذاكر حاجه ماسك الموبايل بس وبشرب قهوة بس نفسي اتعرف علي ناس جديدة

عايزه يكون ليا اصحاب هنا اكلمهم و افضفض معاهم انا اول مره افتح الابلكيشن دا و يارب يطلع حلو فعلا و يبقي ليا اصحاب بنات او ولاد عادي يس يعني المهم اكون مرتاحه عشان بجد الوحده دي وحشه اوي و ملييش اصحاب كتير

انا تفكيري اتشل وبقيت خايفه من كل حاجه ومبقتش اعرف اخد قرار ف حياتي وبقيت وحيده جدا مبقاش ليا أصحاب ولا حد يسمعني ياررب💔 وخايفه اتجوز رغم ضغوط الأهل فقدت الثقة في الناس كلها انا بجد مبقتش قادره اعيش بالطريقه دي ياريت تدعوولي