أبو

لما اكون بذاكر وافصل شوية وارسم انا بحب الرسم ورسوماتى جميلة. ابويا دخل عليا الاوضة طبعا مفيش حاجه اسمها خصوصية او يخبط على الباب قبل ما يدخل ولا كلام من ده. فشافنى قاعدة برسم ضربني وشتمنى ويقولى دا الى انتى فالحة فيه مع العلم انا متفوقة بس هو بيحب يعنفنى بدون سبب. هل دى حاجه غلط انى امارس ابسط هواياتى واعيش بشكل طبيعى؟ الموضوع بقي صعب انى افضل معاه فى نفس البيت ومخدتى طول الليل غرقانة دموع وقهر كل ده بسبب انى مش عندى امكانية ولا حالة مادية انى اقدر اعتمد على نفسى واروح مكان فيه سلام من غير ضرب وتعنيف واهانة. ❤️‍🩹

حاسه اني عايزة اقول حاجة ممكن تكون غريبه بس أنا كنت محوشه فلوس انا مش من النوع اللي بضيع الفلوس علي اي حاجه تافهه المهم يعني الفلوس مخليها عشان اجيب بيها لبس عشان فرح اخويا و كده عندي اخواتي اكبر مني بيبعتوا ليا كل شهر مثلا مرتب صغير انا باخده و احوش اجيب الحاجات المهمة عندي ابويا بيتجنن عايز ياخد مني الفلوس و يقولي مرتب البيت لازم يكون بنص! المشكله ان هوا بيقلب اليوم اللي يعرف معايا فلوس غير ان هوا بيقبض و معرفش عن مرتبه حاجة ولا بيديني منه يا دوب بيجيب طلبات البيت لما اكون تعبانه او عايزة حاجة مهمة ليا مش بيديني من يومين قالي الضغط عالي عليا انا عايز اكشف بس معيش فلوس كان مستني اني اطلع و اقوله خد و قبلها بقوله اسناني وجعاني عايزة اعملها يقولي والله معاكي فلوسك روحي اعملي انا معنديش استعداد ادفع بحس بضيق جداً من كلامه بحس إني عايزة اعاتبه و اقوله بتعمل كدا ليه بس مش بيشوف نفسه غلط امي مسافره بره مش عايزين أسافر معاها ولا عايز يصرف عليا عايز يعذبني في النص