من 10 شهور كدا اتعرفت علي شخص من هنا واتكلمنا كتير هنا لقيته بيقولي شخصيتك انضج وتفكيرك اكبر من سنك اكيد مريتي بحاجات وحشة كتيرة في حياتك قولتله اه فعلا مفيش حاجة بنتعلمها ببلاش لازم ندفع تمنها من نفسيتنا ، المهم يعني قالي حابب اعرفك اكتر ولو مش عاوزة براحتك والكلام دا (بيدل انه محترم رغبتي ومش بيجبرني عليه ) منكرش انه انا كمان كنت حاسة انه مميز اوي ف اديته رقمي واتكلمنا وات/س،-_اب الفكرة انه كان محترم اوي معايا وحقيقي كلامه كإني حبيبته مش شخص لسة متعرف عليه كان مبيسيبنيش زعلانة وعجبني اكتر لما شوفته اتكلمنا اسبوعين وبس والله ، حبيت طريقته، حنيته، صوته، شكله، دماغه كل حاجة فيه كانت بيرفيكت ف نظري وكان اكبر مني ب 6 سنين الفكرة بس مع ذلك محسيتش انه بيقلل مني او بيعمل نفسه انضج مني كان التفاهم بيننا مليون كان بيقولي انتي ازاي شبهي فكل حاجة كدا وكان بيقولي انا مبهور بكل تفاصيلك وكان بيشجعني ع اي موضوع احكيهوله جه فجأة نزلت صورتي فالجيم وكانت عادية والله لقيته بيدقق اوي ع جسمي قولتله انا مش كدا وكلامك مش مريح ليا وكلام تاني كتير قالي انتي من محافظة كذا وانا كذا ازاي مش مريح قولتله ولو فدماغي حتى مقدرش اتكلم مع حد فالكلام اللي بتقوله دا ومش هقبله حتى لو ع حساب اني هخسرك لقيته عملي بلوك بدون اي سبب والله وكلمته من رقمي التاني بلكني وبلكني من كل مكان حرفيا ومكلمنيش تاني من ساعتها دي مش مشكلتي ، مشكلتي اني كنت بحكيله عن تجربتي السابقة وقد اي خذلني بعد حب 4 سنين قعد يحاول معايا انساه وافتح قلبي وادي فرصة لغيره كان بيلمحلي انه بيحبني بس انا بقوله لا وبغير الموضوع ولما حسيته مختلف وفاهمني وحسيت معاه بالامان بجد رغم انه كان مجرد شات صارحته قالي هو دا اللي كنت مستنيه وتاني يوم اختفى من حياتي الموضوع مضحك وانا نفسي بضحك عليه بس مش فاهمة حقيقي ليه عمل كدا هل عشان دا هدفه من البداية ولا عشان ضمنني ولا اي بجد عاجزة افهم ولسة بفكر فيه وفكلامه ليا وصوته وضحكته وعيونه انا غرقانة ف تفاصيله ومفتقداه اوي والله رغم انه لو رجع حياتي تاني مش هقبله موقف بسيط بس لعل وعسى تستفادوا منه وانه مش اي حد بيتكلم بينفذ وهو كان بيتكلم كتير اوي وهعمل وهفضل جمبك ومش هسيبك وبلا بلا بس فالاخر بلح 😘.