بصراحه من وانا صغير بكتم جوايا دايما معرفش ليه بصراحه ممكن عشان مكنش حد بيسألني مالك او مهتم اصلا يعرف او ممكن عشان كنت لازم ابرر كتير لافعال انا اصلا مرتكبتهاش ومحدش كان مصدقني ولا يمكن عشان نشأت منغير حب او اهتمام اصلا بأعتبار إني الوسطاني وحقيقي فعلا بعيدا عن السوشال والهزا كنت بشوف فرق المعامله مابيني وبين اخواتي لو مع الكبير انا اللي غلطان ولو مع الصغير انا برضو اللي غلطان عشان انا القدوه بتاعته انا فاكر مره زمان وانا عندي 7 او 8 سنين تقريبا امي مسكتني كسرت عليا عصايه المقشه بسبب انا طلعت الشقه لقت الحيطه عليها اسبراي اسود مش دي المشكله المشكله إني كنت قاعد معاها تحت واخويا الصغير هوا اللي كان فوق بس بردو انا اللي غلطان بردوا دايما امي زمان كانت بتقولي انتا يهودي معرفش ليه لاكن بجد كانت بتوجعني الله يسامحها بقا بردو ممكن سبب من اسباب كتماني اني اتغدر بيا من اقرب الناس ليا فبطلت اثق ف حد جايز الله اعلم
لا حول ولا قوة الا بالله بجد غدر الأهل صعب الله يثبتك حاول تواجهم
أنا متفهم مدى شعورك بالزعل وحاسس بيك يا صديقي ❤️ ولكن عاوز اقولك إن مهما كانت الناس وحشة حواليك ف اتعلم تعاملهم كويس وتراعي الله سبحانه وتعالى في التعامل معاهم. قال رسول الله عليه الصلاة والسلام : المؤمن الذي يخالط الناس ويصبر على اذاهم خير من المؤمن الذي لا يخالط الناس و لا يصبر على أذاهم ف إصبر على أذى الناس و بالذات اهلك وأطلب من الله إنه يعينك ويوفقك وييسر لك امورك ويبعد عنك ويكفيك أذى و شر الناس . لو انت لسه شاب في عمر الزهور حاول يبقى عندك صحاب كويسين بيصلوا كل الصلوات في المسجد و بيحفظوا قرآن و كل العبادات بس لا تتوقع انهم يكونوا ملائكة ف صاحبهم او صاحب الناس عموماً ولكن بدون م تكون شفاف بمبالغة شديدة مع الناس
سألتها ليش هيك بتعمل معك؟