أكبر عقاب لواحد بيفهم في "لغة الجسد" و"نبرة الصوت" وبيركز في "التفاصيل"، هو إنه مابقاش عارف يستمتع بـ كدبة حلوة! إحنا بقينا بنشوف "السم" وهو محطوط في "العسل". بنبقى قاعدين سامعين "الكدبة" وعارفين إنها كدبة، وشايفين "التمثيل" وعارفين إنه تمثيل، ومضطرين نبتسم ونعدي عشان "المركب تمشي". "الذكاء الاجتماعي" ده لعنة مش ميزة، لأنه بيحرمك من "براءة" الانبهار بالناس. إنت بقيت "كاشف" الكل، والنتيجة إنك بقيت "لوحدك" أكتر من أي وقت فات. الوجع إنك بطلت تعرف "تثق". بقيت بتحلل الكلمة قبل ما تصدقها، وبتحلل الحركة قبل ما تطمن لها. بقيت عايش في "غرفة تحقيقات" مش في "مجتمع بشري". أحياناً بتبقى نفسك تكون "غبي" أو "مش واخد بالك" عشان بس تعرف تحب بصدق، أو تعرف تصاحب من غير ما تشوف "السواد" اللي مستخبي ورا الضحكة. الزتونة: اللي "بيفهم" كتير، "بيتعب" كتير.. أحياناً "العمى" عن عيوب اللي بنحبهم هو الوسيلة الوحيدة عشان نقدر نكمل معاهم.
سلملي ع جحيم الوعي
ايوا فاهمك 🤍 كلامك صح جدا ☑️
يخرابي ع الروقان احساس البيست advice دا حلو بردو
طب الحمدلله اني لسه في نعيم الجهل ومش بفهم كل الي بيتقالي
صدقني اللي انت شايفه ده لعنة هو نعيم بالنسبة لناس ذات ذكاء اجتماعي متدني.. عارف ليه؟ دي اكتر ناس بتاخد مقالب، اكتر ناس بتتصدم في الاخر، اكتر ناس كمان بتتعب نفسيا.. اما على الاقل حد زيي وزيك وزي اللي علقوا قبلي، بنضحي اه بلحظتين تلاتة اللي كنا ممكن نتبسط فيهم عشان كذبة شكلها حلو، في مقابل اننا نكون عارفين حقيقة الكذبة دي ومننخدعش فيها.. مأظنش حد من اللي واعيين اوي وذكاءهم الاجتماعي عالي هيضحي بذكاءه ده عشان يتبسط ف لحظة كاذبة مع حد اصلا ميستاهلش، صح؟
صح كلامك انا مش قصدي ان المعرفة وحشة هي حلوة وكل حاجة ولكن بترهق والجهل هيكون جحيم لو انت ف بيئة تخلي كدا ولو انت ف بيئة جاهلة هتبقا تمام واوكي 😂
التفكير الكتير بيكون شيء متعب ومهلك والمشكلة ان الواحد مش بيعرف يوقف تفكير يعني ببقا سعات دماغي هتنفجر وكل ما اعرف حجات اكتر اعرف ان الجهل ف اوقات كتير بيكون نعمة
سعات الجهل بالشيء ممكن يكون نعمة
للاسف انا الشخص ده فعلا
أنا ماكنتش كدا إلا لما دخلت الجيش ومحيط الشغل 💔
الكوبى بيست رايق 😄